Хаджиев Адхам Абдумуталибовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Органик ўғитларни локал соладиган машина гумбазбузгич-майдалагичининг параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2022.2.PhD/Т2932.
Илмий раҳбар: Абдурахманов Абдукарим Атхамович, техника фанлари номзоди, катта илмий ходим.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01.
Расмий оппонентлар: техника фанлари доктори, профессор Норчаев Даврон Рустамович; техника фанлари номзоди, доцент Мамаджанов Султанали Исломалиевич.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади полиз экинларини экиш учун органик ўғитларни локал усулда соладиган машинанинг гумбазбузгич-майдалагичини ишлаб чиқиш ҳамда унинг параметрлари ва иш режимини асослаш йўли билан органик ўғитларнинг барқарор ва бир маромда меъёрланишини таъминлаб, ўғит солиш сифатини оширишдан иборат.
III. Тадқиқотнинг илмий янгилиги:
органик ўғитларни локал соладиган машина гумбазбузгич-майдалагичи томонидан унинг бункерига юкланган гўнг бўлакларининг майдаланиши керак бўлган фраксион таркиби уларнинг барқарор ва бир маромда меъёрланиши таъминланиши зарурлиги ҳисобга олиниб асосланган;
машина гумбазбузгич-майдалагичининг таъсири остида белгиланган ўлчамдаги бўлакларнинг ҳосил бўлиш эҳтимоллигини аниқлаш имконини берадиган аналитик ифодалар унинг меъёрловчи барабанлари барқарор ва бир маромда ишлашини таъминлаш шартидан келтириб чиқарилган; 
машина гумбазбузгич-майдалагичи бармоқларининг узунлиги гўнгнинг йирик бўлакларини майдалашда уларда ҳосил бўладиган кучланишлар таъсири остида қурилманинг синишларсиз ва қолдиқ деформацияларсиз ишлаши таъминланиши ҳисобга олиниб асосланган;
органик ўғитларни полиз экинлари экиладиган майдонларга локал усулда соладиган машина гумбазбузгич-майдалагичининг бармоқлари узунлиги, битта валида жойлашган бармоқлар сони ва гумбазбузгич-майдалагич айланишлар сонининг талаб даражасидаги иш сифатини таъминлайдиган мақбул қийматлари унинг агротехник кўрсаткичларини баҳоловчи регрессия тенгламаларини биргаликда ечиш орқали аниқланган..
IV. Тадқиқот натижаларининг жорий қилиниши. Полиз экинларини экиш учун органик ўғитларни локал усулда соладиган машина гумбазбузгич-майдалагичининг параметрлари ва иш режимини асослаш бўйича олинган тадқиқот натижалари асосида:
ишлаб чиқилган гумбазбузгич-майдалагич билан жиҳозланган полиз экинлари экиш учун органик ўғитларни локал усулда соладиган  машинанинг тажриба нусхаси Қишлоқ хўжалигини механизациялаш илмий-тадқиқот институти тажриба хўжалигида ва Тошкент вилояти Янгийўл тумани фермер хўжаликларида жорий этилган (Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2024-йил 12-мартдаги 05/01-05/02-05/04-03-75-сон маълумотномаси). Натижада меҳнат ва моддий харажатлар сарфини, мос равишда, 5,97 ва 6,85 % га камайтиришга эришилган ва иқтисодий самарадорлик олинган;
гумбазбузгич-майдалагич билан жиҳозланган органик ўғитларни локал усулда соладиган машинанинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) “БМКБ-Агромаш” АЖда лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2024-йил 12-мартдаги 05/01-05/02-05/04-03-75-сон маълумотномаси). Натижада асосланган параметрлар ва иш режимига эга бўлган экспериментал гумбазбузгич-майдалагич билан жиҳозланган органик ўғитларни локал усулда соладиган машинани ишлаб чиқариш имконияти яратилган.