Бекмирзаев Шухратжон Бекмирза ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кичик ҳажмли сеялканинг ғалтакли экиш аппаратини такомиллаштириш ва параметрларини асослаш», 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2024.1.PhD/Т4494.
  Илмий раҳбарнинг Ф.И.Ш., илмий даражаси ва унвони: Нормирзаев Абдуқаюм Рахимбердиевич, техника фанлари номзоди, доцент.
Диссертация бажарилган муассаса номи: Наманган муҳандислик-қурилиш институти.
ИК фаолият кўрсатаётган муассаса номи, ИК рақами: Наманган муҳандислик-қурилиш институти, PhD.03/30.12.2019.Т.90.01.
Расмий оппонентларнинг Ф.И.Ш., илмий даражаси ва унвони: Худояров Анваржон Назиржонович, техника фанлари доктори, профессор,  Мансуров Мухторжон Тохиржонович, техника фанлари доктори, профессор. 
Етакчи ташкилот номи: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II.Тадқиқотнинг мақсади маккажўхори ва дуккакли уруғларни агротехник талабларга мос экиш сифатини ошириш  учун кичик ҳажмли сеялканинг ғалтакли экиш аппаратини такомиллаштириш ва параметрларини асослашдан иборат.
III. Диссертация тадқиқотининг илмий янгилиги қуйидагилардан иборат:
кичик ҳажмли сеялканинг механик экиш аппарати ғалтагидаги уруғ уясининг кенглиги, узунлиги ва чуқурлигини аниқлаш имконини берадиган аналитик ифодалар уруғларнинг шакли ва ўлчамларини инобатга олган ҳолда ишлаб чиқилган; 
кичик ҳажмли сеялканинг механик экиш аппаратини ғалтаги уясидан чиқган уруғнинг абсолют тезлигини ва кўчишини аниқлаш имконини берадиган аналитик ифода оқимдаги уруғ ҳаракатига қаршилик коеффициентини инобатга олган ҳолда ишлаб чиқилган ҳамда уларни вақтга боғлиқ равишда ўзгариш қонуниятлари аниқланган; 
экиладиган уруғларни механик экиш аппаратидан чиқиб тупроққа тушиш вақти, баландлиги ва йўлини аниқлаш имконини берадиган аналитик боғланишлар ҳавонинг қаршилиги, уруғнинг мидел кесим юзаси, учиш бурчаги ва бошланғич тезлигини инобатга олган ҳолда ишлаб чиқилган; 
кичик ҳажмли сеялканинг механик экиш аппарати ғалтагининг айланишлар сони, ғалтакдаги уруғ уялари сони, қайтаргич ва ғалтак орасидаги масофа ҳамда ҳаракат тезлигининг мақбул қийматлари унга қўйилган агротехник талабларни сифатли бажарилишини таъминлаш шартларидан келиб чиққан ҳолда, тажрибаларни математик режалаштириш усулида аниқланган.
IV.Тадқиқот натижаларининг жорий қилиниши. Кичик ҳажмли сеялканинг ғалтакли экиш аппаратини такомиллаштириш ва параметрларини асослаш мавзусида олиб борилган тадқиқотлар натижалари асосида:
механик экиш аппарати билан жиҳозланган кичик ҳажмли сеялканинг тажриба нусхасини ишлаб чиқиш учун конструкторлик хужжатлари (техник топшириқ ва чизмалар) «БМКБ-Агромаш» АЖ да лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлиги Қишлоқ хўжалигида билим ва инновациялар миллий маркази 2024-йил 7-августдаги 05/04-04-370-сон маълумотнома). Натижада, ғалтакли экиш аппарати билан жиҳозланган маккажўхори ва дуккакли уруғларни экадиган кичик ҳажмли сеялканинг тажриба нусхасини ишлаб чиқиш имконияти яратилган;
ғалтакли механик экиш аппарати билан жиҳозланган кичик ҳажмли сеялка Наманган вилоятининг Тўрақўрғон туманидаги “Зумрад-Ибрат” фермер хўжалиги ва Уйчи туманидаги “Гулзора-Рустамжон” боғдорчилик фермер хўжалигида жорий этилган (Ўзбекистон Республикаси Қишлоқ хўжалиги вазирлиги Қишлоқ хўжалигида билим ва инновациялар миллий маркази 2024-йил 7-августдаги  05/04-04-370-сон маълумотнома). Натижада, кичик ҳажмли сеялка қўлланилганда мавжуд экиш сеялкаларига нисбатан уруғ сарфини 20-30 фоизга камайишига эришилган.