Исмоилов Иброҳим Давронбек ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
       Диссертация мавзуси, ихтисослик шифри(илмий даража бериладиган фан тармоғи): “Пахтани қуритишда иссиқлик сарфини минималлаштиришни назарий ва технологик асосларини ишлаб чиқиш” 05.06.02 - “Тўқимачилик материаллари технологияси ва хомашёгадастлабки ишлов бериш”(техника фанлари).
Диссертация мавзуси рўйхатга олинган рақам:B2025.1.PhD/Т5196      
Илмий раҳбар: Исмаилов Алишер Абдулхаевич, техника фанлари номзоди, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01.
         Расмий оппонентлар: Жуманиязов Қадам Жуманиязович, техника фанлари доктори, профессор; Саримсоқов Олимжон Шарипжонович, техника фанлари доктори, профессор.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади. Юқори навли пахталарни қуритиш ускунасини технологик параметрлари ва иш режимларини ишлаб чиқишдан иборат. 
III. Тадқиқотнинг илмий янгилиги:
намлиги паст пахталарни қуритиш учун энергия ва ресурстежамкор қуритиш ускунаси мавжуд қуритиш ускуналаридаги иссиқлик сарфини  камайтириш ҳамда ускуна геометрик ўлчамларини ўзгартириш асосида такомиллаштирилган;
пахтанинг намлигини қуритиш ҳарорати, ускунанинг иш унумдорлиги ва пахта қатлами қалинлигига боғлиқлик қонуниятлари тўла факторли эксперимент усули асосида ишлаб чиқилган;
ускунанинг иш унумдорлигини тасмасининг узунлиги ва тезлигига боғлиқлик тенгламалари кичик квадратлар усули ёрдамида ишлаб чиқилган ва булар асосида  тасманинг узунлиги 3200 мм ва эни 1400 мм бўлишлиги аниқланган;  
такомиллашган қуритиш ускунасида пахтани қуритиш жараёнининг математик модели тузилган ва ускунасининг муқобил кўрсаткичлари кўп омилли регрессион моделларини таҳлиллари асосида аниқланган ҳамда қуритиш ускунасининг янги қуритиш режимлари ишлаб чиқилган.
IV. Тадқиқот натижаларининг жорий қилиниши. Пахтани қуритиш ускунасини такомиллаштириш бўйича олинган илмий ва амалий натижалар асосида:
такомиллаштирилган қуритиш ускунаси Андижон вилояти Андижон туманидаги “Андижон бест сеедс” МЧЖ уруғлик чигит ишлаб чиқариш корхонасида жорий этилган (“Ўзтўқимачиликсаноат” уюшмасининг 2025 йил 6-февралдаги №03/25-270 сонли маълумотномаси). Натижада юқори навли пахтани қуритиш жараёнида 50% иссиқлик тежамкорлигига ва бу орқали эса электроенергия сарфининг  икки баравар камайишига эришилди ва табиий газга бўлган эхтиёж  бартараф этилган.