Абдусатторов Сарвар Шокировичнинг
фалсафа доктори (PhD) диссертацияси ҳимояси ҳақида эълон
I.Умумий маълумотлар.
Диссертация мавзуси: Соғлиқни сақлаш муассасаларида ахборот технологияларни қўллаш самарадорлигини ошириш, ихтисослик шифри: 08.00.14 - Иқтисодиётда ахборот тизимлари ва технологиялари.
Диссертация мавзуси рўйхатга олинган рақам: В2022.2.PhD/Iqt2319.
Илмий раҳбар: Уралов Акбарали Бабаназарович иқтисод фанлари номзоди, доцент.
Диссертация бажарилган муассаса номи: Кадрлар малакасини ошириш ва статистик тадқиқотлар институти
Илмий кенгаш (ИК) фаолият кўрсатаётган муассаса номи, ИК рақами: Кадрлар малакасини ошириш ва статистик тадқиқотлар институти, DSc.29/30.12.2019.I.92.01.
Расмий оппонентлар: иқтисодиёт фанлари доктори, профессор Шермухамедов Аббос Тоирович, иқтисодиёт фанлари доктори, профессор Қўчқоров Тохир Сафарович
Етакчи ташкилот: Тошкент педиатрия тиббиёт институти
Диссертация йўналиши: назарий ва амалий аҳамиятга молик.
II.Тадқиқотнинг мақсади ахборот технологияларни жорий этиш асосида соғлиқни сақлаш муассасалари фаолиятининг тиббий, иқтисодий ва ижтимоий самарадорлигини ошириш бўйича илмий асосланган таклиф ва тавсиялар ишлаб чиқишдан иборат.
III .Тадқиқотнинг илмий янгилиги қуйидагилардан иборат:
Тиббиёт муассасалари фаолияти самарадорлигини ошириш мақсадида миллий соғлиқни сақлаш соҳаси фаолиятини тавсифловчи муҳим кўрсаткичлар ва индикаторларни қўллаш ҳисобига ахборот технологияларни жорий этишнинг услубий жиҳатлари асосланган;
халқаро стандарт ва тамойилларни ҳисобга олиб, миллий соғлиқни сақлаш муассасаларида ахборот алмашинув жараёнларига рақамли ахборот технологияларни кенг кўламда жорий этиш мақсадида тиббий маълумотлар айланишининг консептуал модели асосида “Тиббий ҳисоб ҳужжатларини юритишнинг автоматлаштирилган тизими” дастурий маҳсулоти ишлаб чиқилган;
тиббий, ижтимоий ҳамда иқтисодий самарадорлик даражасини комплекс баҳолашни услубий жиҳатларини такомиллаштириш мақсадида соғлиқни сақлаш муассасаларида ахборот алмашинув жараёнларига ахборот технологияларни кенг қўллаш ҳамда самарадорликни ошириш йўналишлари бўйича илмий таклифлар ишлаб чиқилган;
соғлиқни сақлаш муассасаларининг ахборот алмашинув жараёнларига ахборот технологияларни қўллаш билан боғлиқ инвестицияларнинг самарадорлик даражасини баҳолаш асосида тиббиёт муассаса фаолияти самарадорлигини ошириш бўйича ўрта муддатли (2024-2030 йй) прогноз кўрсаткичлар тузилган.
IV. Тадқиқот натижаларининг жорий қилиниши.
Соғлиқни сақлаш муассасалари фаолиятига ахборот технологияларни жорий этиш асосида:
тиббиёт муассасалари фаолияти самарадорлигини ошириш мақсадида миллий соғлиқни сақлаш соҳаси фаолиятини тавсифловчи муҳим кўрсаткичлар ва индикаторларни қўллаш ҳисобига рақамли ахборот технологияларни жорий этишнинг услубий жиҳатлари бўйича берилган илмий таклифлар Ўзбекистон Республикаси Соғлиқни сақлаш вазирлиги амалий фаолиятига жорий этилган (Ўзбекистон Республикаси Соғлиқни сақлаш вазирлигининг 2024 йил 3 декабрдаги 02-28/28303-сонли маълумотномаси). Ушбу таклифлар соғлиқни сақлаш тизимига рақамли технологияларни жорий этиш орқали ижтимоий, иқтисодий ҳамда тиббий самарадорликка эришишнинг услубий жиҳатларини баҳолаш имконини яратган;
халқаро стандарт ва тамойилларни ҳисобга олиб, миллий соғлиқни сақлаш муассасаларида ахборот алмашинув жараёнларига рақамли ахборот технологияларни кенг кўламда жорий этиш мақсадида тиббий маълумотлар айланишининг консептуал модели асосланган. (Ўзбекистон Республикаси Адлия вазирлиги ҳузуридаги интелектуал мулк агентлиги томонидан 2020 йил 13 июлда рўйхатдан ўтган (ДГУ 09185). Натижада “Тиббий ҳисоб ҳужжатларини юритишнинг автоматлаштирилган тизими” дастурий маҳсулоти ишлаб чиқилган;
тиббий, ижтимоий ҳамда иқтисодий самарадорлик даражасини комплекс баҳолашни услубий жиҳатларини такомиллаштириш мақсадида соғлиқни сақлаш муассасаларида ахборот алмашинув жараёнларига рақамли технологияларни кенг қўллаш ҳамда самарадорликни ошириш йўналишлари бўйича илмий таклифлар Ўзбекистон Республикаси Соғлиқни сақлаш вазирлиги амалий фаолиятига жорий этилган (Ўзбекистон Республикаси Соғлиқни сақлаш вазирлигининг 2024 йил 3 декабрдаги 02-28/28303-сонли маълумотномаси). Ушбу таклифлар асосида тиббиёт муассасасида рақамли тахнологиялар жорий этиш самарадорлигини комплекс баҳолашнинг схемаси ишлаб чиқилган.
соғлиқни сақлаш муассасаларининг ахборот алмашинув жараёнларига рақамли технологияларни қўллаш асосида муассаса фаолияти самарадорлигини ошириш бўйича ўрта муддатли (2024-2030 йй) прогноз кўрсаткичлар тузилган (Ўзбекистон Республикаси Соғлиқни сақлаш вазирлигининг 2024 йил 3 декабрдаги 02-28/28303-сонли маълумотномаси). Мазкур таклифлар соғлиқни сақлаш муассасалари фаолияти самарадорлигини ошириш ҳамда истиқболларини баҳолаш имконини яратган.
