Мирходжаева Ферузахон Улуғбековнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Ўзбек ва инглиз лисоний онгида хушмуомалаликнинг ассоциатив майдони”, 10.00.06 – Қиёсий адабиётшунослик, чоғиштирма тилшунослик ва таржимашунослик
Диссертация мавзуси рўйхатга олинган рақам: В2022.3.PhD/Fil2770
Илмий раҳбар: Садуллаева Нилуфар Азимовна, филология фанлари доктори, профессор
Диссертация бажарилган муассаса номи: Мирзо Улуғбек номидаги Ўзбекистон Миллий университети
ИК фаолият кўрсатаётган муассаса номи, ИК рақами: Мирзо Улуғбек номидаги Ўзбекистон Миллий университети, DSc.03/30.12.2019.Fil.01.10.
Расмий оппонентлар: Маматов Абди Эшанкулович, филология фанлари доктори, профессор; Қодирова Фазилат Шукуровна, филология фанлари доктори, доцент.
Етакчи ташкилот: Андижон давлат чет тиллари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади ўзбек ва инглиз тилларида “хушмуомалалик” лексемаси ассоциатив майдонининг тизим ҳосил қилувчи хусусиятлари, таркиби ва тузилишини лексик гуруҳланишнинг алоҳида тури сифатида тавсифлашдан иборат.
III. Тадқиқотнинг илмий янгилиги қуйидагилардан иборат:
ўзбек ва инглиз тиллари соҳиблари лисоний онгидаги “хушмуомалалик” ва “политенесс” лексемалари юзасидан олиб борилган ассоциатив тажрибанинг синтагматик ҳамда парадигматик муносабатли ассосиатив бирликлари кўрсаткичларидаги тафовут тил соҳиблари оламининг миллий лисоний манзаралари орасидаги фарқ туфайли юзага келганлиги далилланган; 
эркин ассоциатив тажриба методи орқали ўзбек ва инглиз тиллари соҳиблари лисоний онгидаги “хушмомалалик” лексемасининг ассоциатив майдонини шакллантириш асносида ядро, яқин ҳамда узоқ переферик сатҳлари, уларнинг умумий ва фарқли томонлари асосланган;
ассоциатив тажриба таҳлили натижасида ўзбек тилида “хушмуомалалик” лексемасининг ҳурмат, тарбия, одоб, ширинсўзлик, чиройли муомала, мулойимлик, одамийлик, табассум, самимийлик, яхши фазилат каби, инглиз тилида  “политенесс” лексемасининг респеcтфулнесс, кинднесс, гоод маннер, гоод беҳавиор, софтенинг тҳе cонверсатион, cоуртесй, ниcенесс, cивилитй, граcефуллнесс, нот беинг руде, рулес, ҳонестй, меекнесс, беинг cонсидерате, синcеритй  каби ассоциатив синонимик қаторлари ҳосил бўлиши исботланган;
ўзбек ва инглиз тиллари соҳиблари орасида ўтказилган эркин ва йўналтирилган ассоциатив тажриба натижасида “хушмуомалалик”  лексемаларининг  ҳурмат, тарбия, ширинсўзлик ва мулойимлик каби ўзбек тилида, cивилитй, гоод маннер, респеcтфуллнесс ва софтенинг тҳе cонверсатион  каби инглиз тилида психолингвистик маънолари аниқланган.
IV. Тадқиқот натижаларининг жорий қилиниши. Ўзбек ва инглиз тиллари соҳиблари лисоний онгида “хушмуомалалик”нинг ассоциатив майдони қиёсий тадқиқи юзасидан эришилган илмий натижалари асосида: 
ўзбек ва инглиз тиллари соҳиблари лисоний онгидаги “хушмуомалалик” ва “политенесс” лексемалари юзасидан олиб борилган ассоциатив тажриба натижаларини қиёслаш асносида респондентларнинг жавобларида синтагматик ва парадигматик муносабатдаги ассосиатив бирликлар кўрсаткичларидаги тафовут тил соҳиблари оламининг миллий лисоний манзаралари орасидаги фарқ туфайли юзага келганлиги борасидаги илмий натижалари ва материалларидан Эрасмус+ дастурининг Прожеcт № 598340-ЭПП-1-2018-1-ЭС-ЭППКА2-CБҲЕ-ЖП Университй Cооператион Фрамеwорк фор Кноwледге Трансфер ин Cентрал Асиа анд Чина (УНИCАC) номли инновацион тадқиқотлар лойиҳасида фойдаланилган (Ўзбекистон Миллий университетининг 2024-йил 15-ноябрдаги №321/24-сонли маълумотномаси). Натижада, замонавий тилшуносликнинг истиқболли ёʻналишларидан бири бўлган психолингвистика фани, унинг асосий тушунча ва тамойиллари ҳақидаги назарий фикрлардан, шунингдек, ўзбек ва инглиз тили соҳиблари лисоний онгида мавжуд хушмуомалаликнинг ассоциатив майдони ва таҳлилларидан лойиҳа доирасида ОТМ магистратура талабалари учун онлайн дарслар ташкил этишда, миллий ва минтақалараро тавсияларни шунингдек, халқаро мобиллик ва ҳамкорлик учун УНИCАC лойиҳасининг стратегик режаларини ишлаб чиқишда фойдаланилди; 
ўзбек ва инглиз тиллари соҳиблари лисоний онгидаги “хушмуомалалик” ва унга зид бўлган “қўполлик” лексемасининг ассоциатив синонимик қаторлари яратилишидаги хулосалардан ва материалларидан Ўзбекистон Миллий университетида бажарилган Я-1-06-сонли “Профессионал таржимонларни тайёрлашда сифат назоратини ташкиллаштиришга компонент ёндашув” мавзусидаги амалий илмий-тадқиқот лойиҳаси доирасида фойдаланилди (Ўзбекистон Миллий университетининг 2024-йил 15-ноябрдаги №04/11-10765-сонли маълумотномаси). Натижаларнинг жорий қилиниши чет тилини ўрганишда, айниқса таржима жараёнида “хушмуомалалик” ва унга зид бўлган “қўполлик” лексемаларининг икки тилдаги ассоциатив синонимик қаторларини ўрганиш асносида олинган лингвистик билимларни профессионал таржимонликда қўллашда  амалий ёрдам беришига эришилди;
ўзбек ва инглиз тилларида “хушмуомалалик” лексемасининг лексикографик салоҳиятини аниқлаш жараёнида ўзбек тилида ассоциатив луғатларни яратиш зарурлигига оид тавсиялардан “Телерадиокомпания ЗЎР” МЧЖ орқали эфирга узатилган “Ўзимда” ток шоусининг жорий йил октябр ойидаги “Келажак устозлари” дастурининг ссенарий ёзишда фойдаланилди (№04/11-10767 16.11.2024). Натижада, мазкур кўрсатувда ўзбек ва инглиз тилларида “хушмуомалалик” лексемасининг лексикографик салоҳиятини аниқлаш жараёнида ўзбек тилида ассоциатив луғатларни яратиш зарурлиги асослаб берилди.