Асадова Раъно Дилмуратовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Селлюлоза сақловчи саноат чиқиндилари асосида нефт ва газ соҳаси учун бурғулаш эритмаларининг барқарорловчи реагентларини олиш ва технологик жараёнларини ишлаб чиқиш», 02.00.14 - Органик моддалар ва улар асосида материаллар технологияси (техника фанлари).
Диссертация мавзуси рўйхатга олинган рақам: B2024.2.PhD/Т4589.
Илмий раҳбар: Муродов Музаффар Мурадович, техника фанлари доктори.
Диссертауия бажарилган муассаса номи: Тошкент инновацион кимёвий технология илмий-тадқиқот институти.
ИК фаолият кўрсатаётган муассаса номи, ИК рақами: Термиз давлат университети, ДСc.03/31.01.2023.К/Т.78.01.
Расмий оппонентлар: Нормуродов Бахтиёр Абдуллаевич, техника фанлари доктори, доцент; Номозов Аброр Карим ўғли, техника фанлари бўйича фалсафа доктори (PhD), доцент.
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полиефирли саноат корхоналарининг толали чиқиндилари асосида нефт ва газ саноати учун ПолиПАЦ бурғулаш қоришмаларини стабилловчи эфирини олиш технологиясини ишлаб чиқишдан иборат.
III. Тадқиқотнинг илмий янгилиги:
маиший ва гигиеник воситаларда қўлланиладиган полиефир толали маҳсулот чиқиндилари таркибидаги полисахаридларнинг кимёвий таркиби аниқланган;
табиий толали текстил, гилам ва гилам маҳсулотлари ишлаб чиқарувчи корхоналар чиқиндиларининг аниқланган таркиблари асосида полимер-композит материаллар олиш усули ишлаб чиқилган;
ажратиб олинган полисахаридлар ҳамда композицион полимерларнинг физик-кимёвий ва механик-структуравий хоссалари аниқланган;
нефт ва газ саноати учун ПолиПац бурғулаш эритмаларини стабилловчи реагентлар олинган;
полиефирли саноат корхоналарининг толали чиқиндилари асосида ПолиПац бурғулаш қоришмаларини стабилловчи реагентлар олиш технологияси ишлаб чиқилган.
IV. Тадқиқот натижаларининг жорий қилиниши. Маиший ва гигиеник воситалар учун ишлатиладиган полиефир толали маҳсулот чиқиндилари таркибидаги полисахаридларни ажратиб олиш, ҳамда табиий толали текстил ҳамда гилам ва гилам маҳсулотлари ишлаб чиқарувчи корхоналарнинг чиқиндилари асосида композит полимерли таркиб асосида нефт ва газ саноати учун  ПолиПац бурғулаш қоришмаларини стабилловчи эфири ишлаб чиқариш технологиясини ишлаб чиқиш бўйича олинган илмий натижалар асосида:
маиший ва гигиеник воситалар учун ишлатиладиган полиефир толали маҳсулот чиқиндилари таркибидаги полисахаридларни ажратиб олиш ва кимёвий қайта ишлаш асосида ПолиПАЦ бурғулаш қоришмалари учун стабилловчи эфир олиш технологияси “Гиссарнефтгаз” Ўзбекистон-Швейцария қўшма корхонасида амалиётга жорий қилинган (“Гиссарнефтгаз” Ўзбекистон-Швейцария қўшма корхонасининг 2023 йил 26 апрелидаги 237-01/04-сонли маълумотномаси). Натижада, полиефир толали полисахаридлар композициялари асосида сифат кўрсаткичлари яхшиланган полимерлар олиш имконини берган;
табиий толали текстил ҳамда гилам ва гилам маҳсулотлари ишлаб чиқарувчи корхоналарнинг чиқиндилари асосида олинган композит полимерли таркиб нефт ва газ саноати учун ПолиПАЦ бурғулаш қоришмаларини стабилловчи эфир “Гиссарнефтгаз” Ўзбекистон-Швейцария қўшма корхонасида газ қувурларини бурғулаш эритмаларини тайёрлаш учун қўлланилган (“Гиссарнефтгаз” Ўзбекистон-Швейцария қўшма корхонасининг 2023 йил 26 апрелидаги 237-01/04-сонли маълумотномаси). Натижада, полиефирли саноат корхоналарининг толали чиқиндилари асосида олинган эфирлар ёрдамида нефт ва газ саноати учун стабилланган ПолиПАЦ бурғулаш қоришмаларини тайёрлаш имконини берган.