Акрамов Ахрор Адхамжон ўғли
фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармогʻи номи): “Сув тозалаш иншоотларида ичимлик сувини тиндириш усулини такомиллаштириш”, 05.09.04 - «Сув таъминоти. Канализация. Сув ҳавзаларини муҳофазаловчи қурилиш тизимлари»  ихтисослиги бўйича, (техника фанлари).
Диссертация мавзуси рўйхатга олинган рақам: B2024.1.PhD/Т.4522 
Илмий раҳбар: Жураев Шерали Шарипович, техника фанлари фалсафа доктори, доцент.
Диссертация бажарилган муассаса номи: Фарғона Политехника институти ва Наманган муҳандислик қурилиш институтларида бажарилган.
ИК фаолият кўрсатаётган муассаса номи, ИК номи: Тошкент архитектура-қурилиш  университети ҳузуридаги илмий даражалар берувчи DSc.26/30.12.2019.т.11.01 рақамли илмий кенгаш асосидаги бир марталик илмий кенгаш
Расмий оппонентлар: Гаппаров Фурқат Ахматович, техника фанлари доктори, профессор, Махмудова Дилдора Эрназаровна, техника фанлари номзоди, доцент. 
Етакчи  ташкилот:  Жиззах Политехника институти.
Диссертация йўналиши назарий ва амалий аҳамиятга молик.
II. Тадқиқотнинг мақсади ичимлик суви манбааларининг механик таркибини инобатга олиб горизонтал тиндиргичларда тозалаш технологиясини такомиллаштиришдан иборат.
III.  Тадқиқотнинг илмий янгилиги:
ичимлик суви тиндиргичларида оқизиқларнинг чоъкиндиларининг оқим узунлиги боъйича тақсимотини ҳисоблаш усули фраксион таркибини инобатга олиб такомиллаштирилган; 
тиндиргичларда оқим узунлиги боъйича чоъкиндилар тақсимотининг гидравлик модели горизонтал тиндиргичнинг технологик, конструктив ва гидравлик параметрлари инобатга олиб ишлаб чиқилган; 
юпқа қатламли блокли тиндиргичларнинг конструктив элементларини ҳисоблаш усули чоъкиндиларнинг гидромеханик ва оқимнинг гидродинамик параметрларини инобатга олиб такомиллаштирилган; 
юпқа қатламли блокли тиндиргичларни  юпқа қатлам элементлари оъртасида нотекис тақсимланишини  инобатга олиб ҳисоблаш усули ва юпқа қатламли блоклардан фойдаланиш боъйича тавсиялар ишлаб чиқилган.
IV. Тадқиқот натижаларининг жорий қилиниши. Юпқа қатламли блокли тиндиргич блокининг оптимал бурчагини аниқлаш мақсадида олиб борилган илмий тадқиқотлар таҳлили бўйича олинган гидравлик ҳисоблаш усулларини такомиллаштириш натижалари асосида:
оқимнинг юпқа қатламлар орасида тақсимланиш характерини инобатга олган ҳолда оқими юқорига йўналтирилган ётиқ (қия) жойлаштирилган юпқа қатлами тиндиргичнинг такомиллаштирилган гидравлик ҳисоби Қурилиш ва уй-жой коммунал хўжалиги вазирлиги тасарруфидаги Фарғона вилоят уй-жой ва коммунал хўжалиги бош бошқармасига, лойиҳа корхоналари «CОМПЛЕХ-ПРОЖЕКТ» МЧЖ га, «АСАД-ПРОЕКТ» МЧЖ га ва «CОМПЛЕХ-БУИЛДЕР» МЧЖ га жорий қилинган (Қурилиш ва уй-жой коммунал хўжалиги вазирлигининг 2024 йил 24 июндаги 08-06/6361-сон маълумотномаси). Натижада юпқа қатламли блокли тиндиргичда оқимнинг қатламларга тенг тақсимланиш характерини ва блокнинг ўлчам параметрлари инобатга олинган ҳолда юпқа қатламли блокли тиндиргич блокининг самарадорлиги юқори бўлган конструктив параметрларини аниқлаш имконияти яратилган;
ер усти сув манбаидан сув олувчи ичимлик суви тозалаш иншоотларининг горизонтал тиндиргичларида чўкмаларни тиндириш жараёнини тезлаштиришда юпқа қатамли элементларнинг гидравлик параметрлари инобатга олиб такомиллаштирилган усули Қурилиш ва уй-жой коммунал хўжалиги вазирлиги тасарруфидаги Ўзсувтаъминот АЖ қарашли “Наманган сув таъминот” МЧЖ, “Андижон сув таъминот” МЧЖ ва “Фарғона  сув таъминот” МЧЖ га жорий қилинган (Қурилиш ва уй-жой коммунал хўжалиги вазирлигининг 2024 йил 24 июндаги 08-06/6361-сон маълумотномаси). Натижада горизонтал тиндиргичлар иш самарадорлигини ошириш имконияти яратилган;
ичимлик сувини тозалашда юпқа қатламли блокли тиндиргичлардан самарали фойдаланиш бўйича тавсиялар Қурилиш ва уй-жой коммунал хўжалиги вазирлиги  тасарруфидаги Фарғона вилоят уй-жой ва коммунал хўжалиги бош бошқармасига жорий қилинган (Қурилиш ва уй-жой коммунал хўжалиги вазирлигининг 2024 йил 24 июндаги 08-06/6361-сон маълумотномаси). Натижада ҚМҚ 2.04.02-19 “Сув таъминоти. Ташқи тармоқлар ва иншоотлар" да  юпқа қатламли блокли тиндиргичларни қўллаш бўйича тавсиялар берилган.