Азимова Саёра Гуламжановнанинг
фалсафа доктори (PhD) диссертацияси ҳимояси ҳақида эълон

 I.Умумий маълумотлар.
Диссертация мавзуси, ихтисослик шифри: 05.06.04 - Тикувчилик буюмлари технологияси ва костюм дизайни - “Эркаклар устки трикотаж кийимларини ресурс тежамкор технологиясини ишлаб чиқиш тадқиқи”.
Диссертация мавзуси рўйхатга олинган рақам: B2024.1.PhD/Т4490
Илмий раҳбар: Набиджанова Наргиза Насимжановна, техника фанлари доктори, профессор.
Диссертация бажарилган муассаса номи: Наманган тўқимачилик саноати институти. 
ИК фаолият кўрсатаётган муассаса номи, ИК рақами: Наманган тўқимачилик саноати институти, PhD.03/04.10.2023.Т.174.01.
Расмий оппонентлар: Пўлатова Сабохат Усмановна, техника фанлари доктори, профессор; Арипджанова Дилафруз Уктамовна, техника фанлари доктори, профессор. 
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Эркаклар шаклбарқарор устки трикотаж кийимларини ресурс тежамкор технологиясини ишлаб чиқишдан иборат.
III.Тадқиқотнинг илмий янгилиги қуйидагилардан иборат:
чарм мато қолдиқлари ва ластик тўқима асосли импорт ўрнини босувчи экспортбоп, икки томонлама кийишга мўлжалланган эркаклар уст кийим конструкцияси ишлаб чиқилган.
илк бора миллий “тўн” бичимини эркаклар устки трикотаж кийимига қўллаб, такомиллашган “кардиган” лойиҳа – конструксия чизмалари ишлаб чиқилган;
аралаш толали трикотаж тўқималарининг хусусиятларини инобатга олган ҳолда, эркаклар устки кийимининг ресурстежамкор технологиясини технологик кетма-кетлиги  схемаси ишлаб чиқилган;
тикиш жараёнида чоклар сонини камайтириш, вақт сарфи ва газламаларни тежаш ҳисобига бириктирма чоклари беркитилган икки томонлама кийиш учун тавсия этиладиган эркаклар тўнининг конструкторлик эчими ишлаб чиқилган.  
IV. Тадқиқот натижаларининг жорий қилиниши. Эркаклар устки трикотаж кийимларини эксплуатацион ишончлилигини ошириш усулларини ишлаб чиқиш бўйича олиб борилган илмий тадқиқотлар натижалари асосида:
чарм мато қолдиқлари ва ластик тўқима асосли эркаклар миллий тўнини ресурстежамкор технологиясини Наманган вилоятидаги “ЯНТЕКС” МЧЖ корхонасида ишлаб чиқаришга жорий этилган («Ўзтўқимачиликсаноат» уюшмасининг 2024 йил 23 декабрдаги №03/25-3462 сон маълумотномаси). Натижада эркаклар устки кийимига тавсия этиладиган астарлар бўйича ўтказилган сўровномада астарсиз устки кийимларга бўлган эҳтиёж энг юқори 37%, трикотаж тўқимасига бўлган эҳтиёж энг юқори 49% ҳамда аралаш толали матоларга бўлган талаб энг юқори 37% эканлиги аниқланган. Таклиф этилган “эркаклар тўн бичимидаги кардиган” ни ишлаб чиқаришда технологик жараёнларни камайиши ҳисобига кутилаётган иқтисодий самарадорлик 1 сменада 396 800 (уч юз тўқсон олти минг саккиз юз) сўмни, 1 ойда 20 633 600 (йигирма миллион олти юз ўттиз уч минг олти юз) сўмни ташкил қилган;
 аралаш толали трикотаж тўқималаридан эркаклар замонавий кардиганини “ЯНТЕКС” МЧЖ корхонасида ишлаб чиқаришга жорий этилган («Ўзтўқимачиликсаноат» уюшмасининг 2024 йил 23 декабрдаги №03/25-3462 сон маълумотномаси). Натижада эркаклар кардиганини янги ассортименти яратилиши ҳисобига истеъмолчилар талаб ва эхтиёжи қондирилган ҳамда экспорт салоҳиятини оширишга эришилган.