Обиджонов Жаҳонгир Тохир ўғлининг
фалсафа доктори (PhD) Диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармогʻи номи): “Монолит қурилиш учун фибробетонларнинг самарадор таркибларини ишлаб чиқиш”, 05.09.05 – “Қурилиш материаллари ва буюмлари” (техника фанлари бўйича).
Диссертация мавзуси рўйхатга олинган рақам: В2022.4.PhD/Т3401
Илмий раҳбарнинг Ф.И.Ш., илмий даражаси ва унвони: Рахимов Шавкат Турдимуротович, техника фанлари бўйича фалсафа доктори, доцент.
Диссертация бажарилган муассаса номи: Тошкент архитектура-қурилиш университети.
ИК фаолият кўрсатаётган муассаса номи, ИК рақами: Тошкент архитектура-қурилиш университети,  DSc.26/30.12.2019.Т.11.01
Расмий оппонентлар: Баҳодиров Азизбек Абдулазизович, техника фанлари доктори, профессор; Мажидов Самариддин Рашид ўғли – техника фанлари бўйича фалсафа доктори (PhD), доцент.
Этакчи ташкилот номи: Фарғона давлат техника университети.
Диссертация йўналиши: Назарий ва амалий аҳамиятга молик.
II. Тадқиқотнинг мақсади монолит қурилиш учун самарадор фибробетон таркибини оптималлаштириш ва хоссаларини тадқиқ этишдан иборат.
III. Диссертация тадқиқотнинг илмий янгилиги қуйидагилардан иборат:
фибробетоннинг эгилишга ва сиқилишга бўлган мустаҳкамлиги толаларнинг узунлиги ва миқдорига боғлиқлигини ифодаловчи математик модел ишлаб чиқилган;
фибробетоннинг физик-механик хоссаларини яхшилаш учун компонентларни қўшишнинг турли кетма-кетликларга эга бўлган қоришмаларни тайёрлашнинг технологик схемалари ишлаб чиқилган, натижада толаларнинг бетон матритса ҳажми бўйлаб бир жинсли тақсимланиши таъминланган;
бетон матритсаси билан ўзаро таъсири жараёнида толаларнинг тузилиши ва цемент гидрататсиясида ҳосил бўлган ишқорий муҳитнинг таъсири натижасида базалт толаларининг то'йинган Cа(ОҲ)2 эритмасига нисбатан 2М НаОҲ эритмасида сезиларли даражада ко'проқ коррозияга учраганлиги аниқланган;
фибробетонларнинг физик-механик хоссалари толалар ва суперпластификаторнинг комплекс таъсири ҳисобига оширилган ва ҳаракатчанлиги вақт давомийлигида сақланиши таъминланган.
IV. Тадқиқот натижаларининг жорий қилиниши. Монолит қурилиш учун фибробетонларнинг самарадор таркибларини ишлаб чиқиш бўйича олинган илмий натижалар асосида:
портландцемент, чақиқ тош, қум, басалт ва полипропилен толалари ва суперпластификатор асосидаги фибробетонларнинг ишлаб чиқилган таркиби, уни тайёрлаш технологияси “ДСК БИНОКОР” МЧЖ да (2024 йил 15 августдаги далолатнома) жорий қилинган (Ўзбекистон Республикаси Қурилиш ва уй-жой коммунал хўжалиги вазирлигининг 2024 йил 23 октябрдаги 24-06/10693-сонли маълумотномаси). Натижада фибробетоннинг сиқилишга мустаҳкамлигини 38,8-39,8 МПа дан 50,49-57,48 МПа гача ошириш, қоришманинг ҳаракатчанлигини П1 дан П5 гача ошириш, сувга талабчанлигини 25-30 % гача камайтириш, қоришмаларни қувурларда жўнатишни тезлаштириш имконини берган;
 «Монолит қурилиш учун ог'ир фибробетон таркибини ҳисоблаш ва моделлаштириш» компютер дастури “Коммунал ЛИТИ” давлат муассасасида (2024 йил 18 мартдаги далолатнома) жорий қилинган (Ўзбекистон Республикаси Қурилиш ва уй-жой коммунал хўжалиги вазирлигининг 2024 йил 23 октябрдаги 24-06/10693-сонли маълумотномаси). Натижада фибробетоннинг сувга талабчанлигини 25% га камайтиришга, сиқилишга мустаҳкамлигини оширишга ҳамда ан'анавий бетонга нисбатан 27–38% иқтисодий самарадорликка эришилган;
портландцемент, чақиқ тош, қум, басалт ва полипропилен толалари ва суперпластификатор асосидаги фибробетонларнинг оптимал таркиби “СТРОЙТЕСТ СЕРВИCЕ” АТЛ МЧЖ да (2024 йил 13 август) ва “СИНОВ СЕРТИФИКАТ СЕРВИС” АТЛ МЧЖ корхонасида (2024 йил 3 августдаги далолатнома) лабораторияларида синовдан ўтказилган ва жорий қилинган (Ўзбекистон Республикаси Қурилиш ва уй-жой коммунал хўжалиги вазирлигининг 2024 йил 23 октябрдаги 24-06/10693-сонли маълумотномаси).  Натижада фибробетонларнинг мустаҳкамлик кўрсаткичлари яхшиланган, қоришманинг ҳаракатчанлигини П1 дан П5 гача оширишга эришилган.