Пиримбетов Азамат Осербаевичнинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Томографик маълумотлар бўйича обектнинг ички тузилишини қайта тиклашнинг математик моделлари ва усуллари”, 05.01.07 – “Математик моделлаштириш. Сонли усуллар ва дастурлар мажмуи” (физика–математика фанлари). 
Диссертация мавзуси роъйхатга олинган рақам: B2024.2.PhD/FM1041.
Илмий раҳбар: Утеулиев Ниетбай Утеулиевич, физика-математика фанлари доктори, профессор.
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари унивеситети Нукус филиали. 
ИК фаолият коърсатаётган муассаса (муассасалар) номи, ИК рақами: Тошкент давлат транспорт университети ҳузуридаги PhD.15/03.06.2023.FM/Т.73.08 рақамли Илмий кенгаш.
Расмий оппонентлар: Ҳаётов Абдулла Рахмонович, физика-математика фанлари доктори, профессор, Азамов Сирож Собирович, физика-математика фанлари бўйича фалсафа доктори (PhD), доцент.
Етакчи ташкилот: Шароф Рашидов номидаги Самарқанд давлат университети
II. Тадқиқотнинг мақсади: синиқ чизиқлар, параболалар ва гиперболалар оилаларида интеграл ва томографик маълумотлардан фойдаланиб обектларнинг ички тузилмаларини тиклаш моделлари, усуллари ва алгоритмларини ишлаб чиқишдан иборат.
III. Тадқиқотнинг илмий янгилиги: 
Хевисайда вазн функциясига эга бўлган синиқ чизиқлар оиласи учун интеграл геометрия масаласининг ечими мавжудлиги, ягоналиги ҳамда барқарорлиги ҳақидаги теоремалар исботланиб, тескариланиш формуласи келтириб чиқарилган ҳамда масаланинг кучсиз корректмас қўйилганлиги аниқланган;
параболалар оиласида интеграл геометрия масаласи ечимининг ягоналиги ҳақидаги теоремаси исботланиб, Фуре алмаштиришига асосида интеграл маълумотларга боғлиқ бўлган тескариланиш формуласи топилган;
синиқ чизиқлар оиласида интеграл маълумотлардан функцияни тиклаш жараёнининг математик модели ишлаб чиқилган ва дискрет регуляризация усули асосида объектлар кесимларини тиклашнинг ҳисоблаш алгоритми ишлаб чиқилган;
синиқ чизиқлар оиласида олинган тескариланиш формулалари ва дискрет регуляризация усули асосида обектларнинг ички тузилишини тиклашга имкон берувчи дастурий мажмуа яратилган.
IV. Тадқиқот натижаларининг жорий қилиниши. 
Диссертация ишида синиқ чизиқлар оилалари учун интеграл геометрия масалаларининг сонли ва аналитик ечимлари бўйича олинган илмий натижалар қуйидаги йўналишларда амалиётга жорий этилган: 
Махсус вазн функцияси билан синиқ чизиқлар оиласида обектларнинг ички тузилишини тиклаш усули асосида ишлаб чиқилган дастурий мажмуа Қорақалпоғистон Республикаси “Республика болалар стоматология” поликлиникасига жорий этилган (Қорақалпоғистон Республикаси Соғлиқни сақлаш вазирлигининг 2024-йил 7-майдаги 01/2570-сонли маълумотномаси). Регуларизация асосида ишлаб чиқилган алгоритмни жорий этиш натижасида обектлар кесимларида зичлик тақсимотини тиклаш аниқлигини ошириш, шунингдек даволашни режалаштириш пайтида тишларнинг жойлашиши, шакли ва ўлчамларини аниқлаш имконини берган.
Суяк тўқимаси зичлигини аниқлаш ва тиш илдизлари тузилишини таҳлил қилиш учун Хевисайда вазн функцияси билан синиқ чизиқлар оиласи асосида ишлаб чиқилган алгоритм Қорақалпоғистон Республикаси Нукус шаҳрида жойлашган “Халиқ Стом” МЧЖ клиникасига жорий этилган (Қорақалпоғистон Республикаси Соғлиқни сақлаш вазирлигининг 2024-йил 7-майдаги 01/2570-сонли маълумотномаси). Ишлаб чиқилган алгоритмни жорий этиш диагностика самарадорлигини ошириш, суяк тўқимаси зичлиги ва тиш илдизлари тузилишини тиклаш аниқлигини ошириш ва натижалар сифатини яхшилаш имконини берган.