Эргашев Нурбек Улуғбековичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Мурунтов конининг олтин таркибли рудаларини қайта ишлашда волфрам концентратини ва бошқа қимматли компонентларни олиш технологиясини ишлаб чиқиш», 04.00.14 – Фойдали қазилмаларни бойитиш (техника фанлари).  
Диссертация мавзуси рўйхатга олинган рақам: В2021.3.PhD/Т2369.
Илмий раҳбар: Донияров Нодиржон Абдихакимович, техника фанлари доктори, профессор.
Диссертация бажарилган муассаса номи: Навоий давлат кончилик ва технологиялар университети.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, DSc.17/04.06.2021.Т.06.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Бадалов Феруз Амирович, техника фанлари бўйича фалсафа доктори (PhD).
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Мурунтов конининг олтин таркибли рудаларини қайта ишлашда волфрам концентратини ва бошқа қимматбаҳо компонентларни олиш технологиясини ишлаб чиқишдан иборат.
III. Тадқиқотнинг илмий янгилиги:
2-ГМЗнинг технологик маҳсулотларида волфрамнинг тарқалишини ўрганиш натижасида волфрамнинг гравитацявий консентратини тозалаш чиқиндиларида тўпланиши аниқланган;
илк бор 2-ГМЗ шароитида олтин таркибли рудаларни қайта ишлашда бойитиш чиқиндиларидан волфрамни йўл-йўлакай олишнинг янги самарали комбинацияланган технологик схемаси ишлаб чиқилган бўлиб унга кўра волфрам триоксидининг 65,36%  ажратиб олинган;
афинаж ишлаб чиқаришнинг чиқинди эритмаларидан мисни олишнинг мақбул усули ишқор билан чўктириш бўлиб бунда миснинг ажратиб олиниши пҲ 7-8 да макисмумга етиб бориши аниқланган; 
илк бор 2-ГМЗ шароитида афинаж ишлаб чиқаришда ишлатилган эритмаларидан 97,08% гача мис ажратиб олиш имконини берадига технологик схемаси ишлаб чиқилган.
IV. Тадқиқот натижаларининг жорий қилиниши. Мурунтов конининг олтин таркибли рудаларини қайта ишлашда волфрам концентратини ва бошқа қимматбаҳо компонентларни олиш технологиясини ишлаб чиқиш бўйича олинган илмий натижалар асосида: 
2-ГМЗнинг олтин таркибли рудаларини қайта ишлашда гравитациявий консентрат чиқиндиларини бойитишнинг (флотация-гравитацион) усулини ўз ичига олган янги ишлаб чиқилган технологияси НКМК Марказий кон бошқармасининг 2-гидрометаллургия заводида жорий этилган («НКМК» АЖнинг 2024 йил 19 ноябрдаги 23/01-01-07/712-сонли маълумотномаси). Натижада, таркибида WО3 – 20,6% бўлган консентрат ҳосил бўлиб, 66,3% волфрам ажратиб олиш имконини берган;
2-ГМЗ афинаж ишлаб чиқаришнинг ишлатилган эритмаларидан мисни қазиб олишнинг металларни ишқор билан чўктириш, куйдириш ва эритишларни ўз ичига олган янги технологияси НКМК Марказий кон бошқармасининг 2-гидрометаллургия заводида жорий этилган. («НКМК» АЖнинг 2024 йил 19 ноябрдаги 23/01-01-07/712-сонли маълумотномаси). Натижада мис, олтин ва кумушнинг мос равишда 97,08, 98,56 ва 98,74% ни ажратиб олиш имконини берган.