Qudaybergenov Allambergen KenGESbaevichning
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
    Dissertatsiya mavzusi, ixtisoslik shifri: «Elliptik tenglama uchun Koshi masalasining echilish shartlari to‘g‘risida», 01.01.02-Differensial tenglamalar va matematik fizika(fizika-matematika fanlari).
    Dissertatsiya mavzusi ro‘yxatga olingan raqam: B.2024.3.PhD/FM1141.
    Dissertatsiya bajarilgan muassasa nomi: O‘zbekiston Milliy universiteti.
    IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.01 raqamli Ilmiy kengash.
    Ilmiy rahbar: Alimov Shavkat Arifdjanovich, fizika-matematika fanlari doktori, professor, akademik.
Rasmiy opponentlar: fizika-matematika fanlari doktori, professor Mirahmat Mirsaburov, (Termiz davlat universiteti professori), fizika-matematika fanlari doktori, professor Fayazov Kudratilla Sadriddinovich, (Toshkent shahridagi Turin Politexnika universiteti professori).
    Yetakchi tashkilot: Farg‘ona davlat universiteti.
    Dissertatsiya yo‘nalishi: nazariy ahamiyatga molik.
II. Tadqiqotning maqsadi tekislikda berilgan to‘rtburchak, qatlam, halqa va silindrsimon sohadagi haroratni topish va tegishli xususiy hosilali differensial tenglamaning echimi mavjudligini ko‘rsatishdan iborat
III. Tadqiqotning ilmiy yangiligi:
Laplas tenglamasi va to‘rtinchi tartibli xususiy hosilali differensial tenglama uchun Koshi masalasining echimlari topilgan va yordamchi tenglama echimining berilgan tenglama echimiga intilishi isbotlangan;
elliptik tenglama uchun Koshi masalasining echimi berilgan sohada mavjud bo‘ladigan funksiyalar sinfi yordamida topilgan, hamda undan muhim tengsizliklar keltirib chiqarilgan;
elliptik tenglama uchun Koshi masalasining chegaralanmagan yo‘lakdagi echimining mavjudligi va yagonaligi haqidagi teoremalar maxsus lemmalar yordamida isbotlangan;
konsentrik silindrda Elliptik tenglama uchun Koshi masalasi echimining mavjudligi va yagonaligi haqidagi teoremalar va muhim aprior baholar uchun maxsus lemmalar isbotlangan.
IV.Tadqiqot natijalarining joriy qilinishi: Dissertatsiya tadqiqoti jarayonida olingan ilmiy natijalar quyidagi yo‘nalishda amaliyotga joriy qilingan:
silindrik sohada va cheksiz yo‘lakda elliptic tenglama uchun qo‘yilgan Koshi masalasining echimidan Uzb-Ind-2021-87-sonli  “Li simmetriyasi tahlili, giperbolik sistemalarning Lyapunov bo‘yicha turg‘unligini tahlil qilish va modellashtirish” mavzusidagi xalqaro amaliy loyihada elliptik tenglama uchun Koshi masalasining echimini topishda foydalanilgan (O‘zbekiston Milliy universitetining 2024-yil 26-sentyabrdagi 04/11-7840-sonli ma’lumotnomasi). Ilmiy natijaning qo‘llanishi konsentrik silindrda elliptik tenglama uchun Koshi masalasi echimini mavjudligi va yagonaligini ko‘rsatish imkonini bergan;
Laplas tenglamasi uchun Koshi masalasi echimi bilan bog‘liq olingan natijalardan № AR08855810 “Xususiy hosilali nolokal differensial tenglamalar uchun chegaraviy va boshlang‘ich-chegaraviy masalalarning echilish masalalari” 2020-2022-y mavzusidagi xorijiy loyihada elliptik tenglama uchun Koshi masalasining echimining yagonaligi va mavjudligini ko‘rsatishda foydalanilgan (Xoja Axmet Yassawi nomidagi Xalqaro qozoq-turk universitetining 2024-yil 3-oktyabrdagi 04/2685-sonli ma’lumotnomasi, Qozog‘iston). Ilmiy natijaning qo‘llanishi berilgan boshlang‘ich ma’lumotlardan foydalanib aprior baholar olish imkonini bergan.