Элмуродов Элбек Юсуп ўғлининг
фалсафа доктори (PhD) диссертация ҳимояси ҳақида эълон
I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Гликоллар ва СФМлар асосида табиий газларни қуритиш жараёни учун абсорбент композициялари олиш ва қўллаш», 02.00.07 - Композицион, лок-бўёқ ва резина материаллар кимёси ва технологияси (техника фанлари).
Диссертация мавзуси рўйхатга олинган рақам: B2024.2.PhD/T4570.
Илмий раҳбар: Махмудов Мухтор Жамолович, кимё фанлари доктори, профессор.
Диссертация бажарилган муассаса номи: Иқтисодиёт ва педагогика университети НТМ.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.К/Т.03.01.
Расмий оппонентлар: Юлчиева Сурайё Бахрамовна, техника фанлари доктори, катта илмий ходим; Негматова Комила Сайибжановна, техника фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: амалий аҳамиятга молик.
II. Тадқиқотнинг мақсади: гликоллар ва СФМлар асосида табиий газларни қуритиш жараёни учун абсорбент композициялари олиш ва уларни асосида газларни абсорбцион қуритишнинг комбинацион технологик тизимини ишлаб чиқишдан иборат.
III. Тадқиқотнинг илмий янгилиги:
“табиий газ – абсорбент– сув” системасида сувнинг миқдори 1 % бўлганда, УЭГ билан қуритилган газнинг шудринг нуқтаси минус 24,5 оC ҳароратни ташкил этиши аниқланган;
ДЭГ, УЭМЭ, БК ва сув асосида абсорбент композицияларининг янги самарали таркиби ишлаб чиқилган;
ишлаб чиқилган янги абсорбент композициялари асосида абсорбентларнинг газларни қуритиш жараёнларидаги фаоллиги ва селективлиги аниқланган;
ДУСБ-3 абсорбент композициясини ёрдамида газларни абсорбцион қуритишнинг комбинациялашган технологияси ишлаб чиқилган;
ДУСБ-3 абсорбент композиция қўлланилганда газларнинг намлик миқдорини 8,42 мг/м3 гача камайтириши аниқланган.
IV. Тадқиқот натижаларининг жорий қилиниши:
Гликоллар ва СФМлар асосида табиий газларни қуритиш жараёни учун абсорбент композициялари олиш ва қўллаш бўйича олинган натижалар асосида:
ДЭГ, УЭМЭ, БК ва сув асосида газларни абсорбцион қуритиш учун абсорбент композицияларини олиш технологияси “Муборак газни қайта ишлаш заводи”нинг “2025-2026 йилларда амалиётга жорий этиш бўйича истиқболли ишланмалар рўйхати”га киритилган (“O`zbekneftgaz” AJ “Muborak gazni qayta ishlash zavodi”нинг 2024 йил 18 апрелдаги 106/GK-04-сонли маълумотномаси). Натижада, абсорбент композициясининг табиий газларни қуритиш жараёндаги фаоллиги ва селективлигини ошириш имконини беради;
табиий газларни ДУСБ-3 абсорбент композиция ёрдамида абсорбцион қуритиш жараёни технологияси “Муборак газни қайта ишлаш заводи”нинг “2025-2026 йилларда амалиётга жорий этиш бўйича истиқболли ишланмалар рўйхати”га киритилган (“O`zbekneftgaz” AJ “Muborak gazni qayta ishlash zavodi”нинг 2024 йил 18 апрелдаги 106/GK-04-сонли маълумотномаси). Натижада, газларнинг намлик миқдорини 8,42 мг/м3 гача камайтириш имконини беради.
