Эгамназаров Бехзод Баҳромжон ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Шоличилик кластерлари учун машиналар ва таъмирлаш-хизмат кўрсатиш базаси таркибларини асослаш” 05.07.02 – Қишлоқ хўжалиги ва мелиорация техникаларини ишлатиш, тиклаш ва таъмирлаш (техника фанлари).
Диссертация мавзуси рўйхатга олинган рақам: B2024.1.PhD/Т4509.
Илмий раҳбар: Рустамов Рахматали Мурадович, техника фанлари доктори, профессор.
Диссертация бажарилган муассаса (муассасалар) номи: Наманган муҳандислик-қурилиш институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: Нуриев Каримжон Катибович техника фанлари доктори, профессор ва Мўйдинов Азизбек Шухратович техника фанлари фалсафа доктори (PhD), доцент тайинланган.
Етакчи ташкилот: «Қишлоқ хўжалигини механизациялаш илмий-тадқиқот институти».
Диссертация йўналиши: назарий ва амалий аҳамиятга молик.
II. Тадқиқотнинг мақсади: шоличилик кластерлари учун машиналар ва таъмирлаш-хизмат кўрсатиш базасини ташкил этишдан иборат.                           
III. Тадқиқотнинг илмий янгилиги:
шоличилик кластерининг бош модели энг катта экин майдонига эга ҳудудий шоличилик кластерларидан ташкил топган вариацион қаторга статистик ишлов бериш йўли билан яратилган ва математик кутилишнинг юқори чегараси (2108 ҳа) унинг рационал ер майдони сифатида қабул қилинган;
бош моделда шоли етиштириш учун талаб этиладиган техника воситаларининг таркиблари ва миқдорлари, технологик харитада белгилаб қўйилган операциялар сони, агротехник мавсумлар давомийлиги ва машиналарнинг ўртача иш унумдорлиги асосида ишлаб чиқилган меъёрий методдан фойдаланган ҳолда аниқланган;
кўчма устахона ходимларининг рационал сони унинг томонидан бир бирлик сервис кўрсатишга сарфланадиган солиштирма харажатлар минимуми мезони асосида аниқланган;
техник сервис обектларининг лойиҳалари, қурилмалари ва ускуналари “ТCТ РИCЕ” кластердаги шоли комбайнларининг сони, уларни таъмирлаш ва техник хизмат кўрсатишга доир технологик хариталар ва тартибларга таянган ҳолда танланган.
IV. Тадқиқот натижаларининг жорий қилиниши. Шоличилик кластерлари учун машиналар ва таъмирлаш-хизмат кўрсатиш базаси таркибларини асослаш бўйича олинган натижалар асосида:
белгиланган ер майдонларида шоли етиштириш агротадбирларини бажариш учун зарур бўлган қишлоқ хўжалиги техникаларининг таркиби, турлари, русумлари ва миқдорлари, комбайн ва тракторларнини таъмирлаш ишлари, уларга таъмирлаш-хизмат кўрсатиш базасини ташкил этиш бўйича илмий асосланган тавсиялар “ТCТ РИCЕ” МЧЖ шоличилик кластери амалиётига жорий этилган (Қишлоқ хўжалиги вазирлигининг 2023 йил 24-ноябрдаги 07/22-05/6054-сон маълумотномаси). Натижада шоличилик агрегатларининг кундалик иш унумини 19,5 фоизга ортиши, сервис харажатларини 65 фоизга камайиши таъминланган;
носоз комбайнларни таъмирлаш жараёнининг умумий қоидалари (алгоритми), шоли комбайнларини таъмирлаш учун технологик карталар “Юқоричирчиқ Агросервис МТП” МЧЖ амалиётига жорий этилган (Қишлоқ хўжалиги вазирлигининг 2023 йил 24-ноябрдаги 07/22-05/6054-сон маълумотномаси). Натижада шоли комбайнларининг бузилишлари 2-3 мартага камаяди, ёнилғи-мойлаш материаллари сарфи 3-5 фоизга ва таъмирлаш чиқимлари 20-30 фоизга тежалган;
комбайн ва тракторларга техник хизмат кўрсатиш тартиблари, сервис маркази кўчма устахонаси ходимларининг рационал сони “Дўстлик Агросервис МТП” МЧЖ амалиётига жорий этилган (Қишлоқ хўжалиги вазирлигининг 2023 йил 24-ноябрдаги 07/22-05/6054-сон маълумотномаси). Натижада шоли комбайнларининг иш унумини 36-46 фоизга ва мавсумий ишланмасини 20-28 фоизга ўсиш имкониятлари яратилган;
сервис маркази кўчма устахона ходимлари сонини асослаш ва таъмирлаш-хизмат кўрсатиш базаси самарасини ошириш бўйича таклифлар “Мингбулоқ Агросервис МТП” амалиётига жорий этилган (Мингбулоқ Агросервис МТП томонидан 2024-йил 17-июлдаги берилган далолатномаси) . Натижада шоли комбайнларининг иш унумини 36-46 фоизга ва мавсумий ишланмасини 20-28 фоизга ўсиш имкониятлари яратилган.