Рашидова Наргиза Рашид қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Инновацион ёндашув асосида профессионал таълим муассасаси педагог кадрларининг жамоавий лидерлик компетентлигини ривожлантириш”, 13.00.05 – Касб-ҳунар таълими назарияси ва методикаси (педагогика фанлари).
Диссертация мавзуси рўйхатга олинган рақам: B2022.3.PhD/Ped3928.
Илмий раҳбар: Худайбердиев Зайниддин Явкачевич, иқтисод фанлари доктори, профессор.
Диссертация бажарилган муассаса номи: Профессионал таълимни ривожлантириш институти.
ИК фаолият кўрсатаётган муассаса (муассасалар) номи, ИК рақами: Профессионал таълимни ривожлантириш институти, DSc.03/30.12.2019.Ped.48.01.
Расмий оппонентлар: Хамидов Жалил Абдурасулович, педагогика фанлари доктори, профессор; Абдуллаева Нафиса Шавкатовна, педагогика фанлари доктори, профессор.
Етакчи ташкилот: Ислом Каримов номидаги Тошкент давлат техника университети.
Диссертация йўналиши: амалий ва назарий аҳамиятга молик.
II.Тадқиқотнинг мақсади малака ошириш жараёнида профессионал таълим муассасаси педагог кадрларининг жамоавий лидерлик компетентлигини инновацион ёндашув асосида ривожлантириш методикасини такомиллаштиришдан иборат
III. Тадқиқотнинг илмий янгилиги:
педагог кадрларда жамоавий лидерлик компетентлигининг педагогик ва психологик элементларини аниқлаш орқали, аналитик тестлар ёрдамида жамоавий лидерлик компетентлигининг реформаторлик, алтруистик ва  адаптив компонентлари аниқланган;
ҳамкорликка йўналтирилган таълим технологияси ва инновацион ёндашувнинг компонентлари асосида  жамоавий лидерлик компетентлигини ривожлантиришнинг ташкилий-тузилмавий модели такомиллаштирилган;
педагог кадрларнинг жамоавий лидерлик компетентлигини ривожлантириш методикаси   ҳамкорлилик, рефлексивлик, тизимлилик ва узлюксизлик тамойилларига устуворлик берган ҳолда такомиллаштирилган;
педагог кадрларнинг жамоавий лидерлик компетентлилигининг ривожланганлигини  белгиловчи таянч, продуктив ва ижодий-креатив даражаларини аниқлашда баҳолаш мезонларини такомиллаштириш орқали самарадорлик статистик жиҳатдан аниқланган.
IV. Тадқиқот натижаларининг жорий қилиниши. Инновацион ёндашув асосида профессионал таълим муассасаси педагог кадрларининг жамоавий лидерлик компетентлилигини ривожлантириш бўйича услубий ва амалий таклифлар асосида:
профессионал таълим муассасаси педагог кадрларида ўз фаолиятини рефлексив баҳолаш, жамоанинг мотивацион даражасини ошириш, жамоада фаолият олиб бориш, жамоада тўғри  қарор қабул қилиш, жамоанинг ички мотивациясини рағбатлантириш, таълим муассасаси фаолиятини баҳолаш, жамоавий фаолиятнинг афзалликлари ва жамоавий лидерлик компетентлигининг компонентларини ривожлантиришга оид услубий тавсиялар “Касбий креативлик ва педагогик компетентликни ривожлантириш” модулининг дидактик таъминоти мазмунига киритилган (Ўзбекистон Республикаси Олий таълим, фан ва инновациялар вазирлигининг 2024 йил 29 мартдаги 2/17-4/4-5262-сон маълумотномаси). Натижада профессионал таълим муассасаси педагог кадрларининг малака ошириш марказларида ўқув-меёрий ҳужжатлар инновацион ёндашув асосида такомиллаштиришга эришилган;
аксиологик ва эвтагогик ёндашувлар асосида ҳамкорликка йўналтирилган таълим технологиясининг тамойилларини  (ҳамкорлилик, рефлексивлик, тизимлилик ва узлюксизлик) қўллашга оид таклифлар “Дуал таълим тизимида кадрлар тайёрлашнинг инновацион таълим технологияларини ишлаб чиқиш” номли илмий-амалий лойиҳани бажаришда фойдаланилган (Ўзбекистон Республикаси Олий таълим, фан ва инновациялар вазирлигининг 2024 йил 29 мартдаги 2/17-4/4-5262-сон маълумотномаси). Натижада профессионал таълим муассасаси педагог кадрларининг жамоавий фаолияти орқали уларнинг жамоавий лидерлик компетентлигини оширишга эришилган;
педагог кадрларнинг жамоавий лидерлик компетентлигини ривожлантиришнинг методик (ташхисловчи, такомиллаштирувчи, адаптив ва трансформацион) босқичлари асосида “Профессионал таълим муассасаси педагог кадрларининг лидерлик компетентентлигини  ривожлантириш” номли модул педагог кадрларнинг жамоавий лидерлик компетентлигини ривожлантиришга хизмат қилган (Ўзбекистон Республикаси Олий таълим, фан ва инновациялар вазирлигининг 29 март 2024 йил 2/17-4/4-5262-сон  маълумотномаси). Натижада профессионал таълим муассасаси педагог кадрларининг жамоавий лидерлик компетентлилигини оширишга эришилган.