Исакулова Муқаддас Шукуровнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Полиэтилен ишлаб чиқариш жараёни иккиламчи маҳсулотлари асосида автобўёқлар учун эритувчилар олиш технологияси», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2023.4.PhD/T4111.
Илмий раҳбар: Нурманов Сувонкул Эрханович, техника фанлари доктори, профессор.
Диссертация бажарилган муассаса номи: Жиззах политехника институти.
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.16/30.12.2019.K/Т.87.01.
Расмий оппонентлар: Жураев Асрор Бахтиёр ўғли, техника фанлари доктори, доцент; Тиллаев Абдухофиз Тошевич, техника фанлари номзоди, катта илмий ходим.
Етакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: «Uz-Kor Gas Chemical» ҚК МЧЖ пиролиз жараёни иккиламчи маҳсулоти ҳисобланган пиролиз конденсатидан автобўёқлар учун ва қайта ишланган гександан автогерметик маҳсулотлари учун эритувчилар ва суюлтирувчиларни олиш технологиясини ишлаб чиқишдан иборат.
III. Тадқиқотнинг илмий янгилиги:
пиролиз конденсати таркибидан автобўёқ маҳсулотлари ишлаб чиқариш учун  Kocosol 100 ва Kocosol 150 эритувчи ва суюлтирувчилар олиш усули ишлаб чиқилган;
биринчи марта суспензион полимерланиш жараёни иккиламчи маҳсулоти қайта ишланиб автогерметик олиш учун Micosol 1723 эритувчиси олинган;
пиролиз конденсати ва қайта ишланган гексан таркибидан автобўёқлар учун эритувчилар олишда унга таъсир қилувчи омиллар ва жараённинг оптимал шароитлари аниқланган;
Kocosol 100, Kocosol 150 ва Micosol 1723  эритувчиларини дистилляция усулида ажратиб олишнинг принципиал технологик схемаси ишлаб чиқилган.
IV. Тадқиқот натижаларининг жорий қилиниши: Углеводродлар пиролизи жараёни иккиламчи маҳсулоти ҳисобланган пиролиз конденсатидан автобўёқлар учун ва қайта ишланган гександан автогерметик маҳсулотлари учун эритувчилар ва суюлтирувчиларни олиш технологиясини ишлаб чиқиш бўйича олинган илмий натижалар асосида:
азеатроп ҳайдаш орқали таклиф этилган эритувчи ва суюлтирувчи олиш технологияси “MULTI BUSINESS COMPANY” МЧЖда амалиётга жорий этилган (“UzAuto” АЖнинг 2024 йил 19 февралдаги 15/06-25-0228-сон маълумотномаси). Натижада, ишлаб чиқилган “MICOSOL 1723” махсус эритувчи импорт махсулот ҳисобланган “MICOSOL 1720” эритувчисини маҳаллийлаштириш имконини берган;
“Uz-Kor Gas Chemical” МЧЖ иккиламчи хомашёсини қайта ишлаш усули “MULTI BUSINESS COMPANY” МЧЖда амалиётга жорий этилган (“UzAuto” АЖнинг 2024 йил 19 февралдаги 15/06-25-0228-сон маълумотномаси). Натижада, олинган суюлтирувчи нефрасга қўшимча сифатида фойдаланиладиган импорт маҳсулотни локализация қилиш имконини берган.