Mambetkadirov G‘ayratbay Amanbaevichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beradigan fan tarmog‘i nomi): “Qoraqalpog‘iston haykaltaroshligining shakllanishi va rivoji (XX asr 60-yillari – XXI asr boshlari)”, 17.00.04–Tasviriy va amaliy bezak san’ati (san’atshunoslik fanlari).

Dissertatsiya mavzusi ro‘yxatga olingan raqam: B2017.2. PhD/San13.

Ilmiy rahbar: Hakimov Akbar Abdullaevich, san’atshunoslik fanlari doktori, professor, O‘zR FA akademigi, O‘z BA akademigi.

Dissertatsiya bajarilgan muassasa nomi: San’atshunoslik instituti.

IK faoliyat ko‘rsatayotgan muassasa nomi, IK raqami: San’atshunoslik instituti, DSs. 27.06.2017. San.51.01.

Rasmiy opponentlar: Qodirova Dilafruz Muhsinovna, san’atshunoslik fanlari doktori; Po‘latov Dilmurod Saymamutovich, san’atshunoslik fanlari nomzodi.

Yetakchi tashkilot: Kamoliddin Behzod nomidagi Milliy rassomlik va dizayn instituti.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: Qoraqalpog‘iston haykaltaroshligining XX asr ikkinchi yarmi va XXI asr boshlaridagi shakllanish va rivojlanish jarayonlarini o‘rganishdan iborat.

III.Tadqiqotning ilmiy yangiligi:

Qoraqalpog‘iston haykaltaroshligi  shakllanishining dastlabki siyosiy-ijtimoiy hamda madaniy tamoyillari va rivojining asosiy bosqichlari aniqlangan;

Qoraqalpog‘iston dastgohli va mahobatli haykaltaroshligining badiiy xususiyatlari asoslangan;

Qoraqalpog‘iston haykaltaroshligining shakllanishida madaniy meros va xalq ijodiyoti an’analarining o‘rni asoslab berilgan;

dastgohli haykaltaroshlikdagi ijodiy izlanishlar mahobatli haykaltaroshlikning samarali rivojini ta’minlovchi badiiy tamoyil sifatida dalillangan;

Qoraqalpog‘iston haykaltaroshlarining metaforik va realistik ijodiy uslublari aniqlangan.

IV.Tadiqot natijalarining joriy qilinishi.

Qoraqalpog‘iston haykaltaroshligining shakllanishi va rivojiga oid olingan ilmiy natijalar asosida:

Ko‘rgazmalar saroyi, muzeylarda haykaltaroshlik ekspozisiyalarini yaratishda, haykaltaroshlik namunalarini kataloglashtirishda hamda ekskursiyalar tashkil etishda foydalanilgan (O‘zbekiston Badiiy akademiyasi Qoraqalpog‘iston bo‘limining 2018 yil 4 yanvardagi  4-son va I.V.Saviskiy nomidagi Qoraqalpog‘iston Respublikasi Davlat san’at muzeyining 2018 yil 14 martdagi 01/7-140-son ma’lumotnomalari). Tadqiqot natijalari ko‘rgazmalar saroyi va muzeyda tashkil etilgan haykaltaroshlik ekspozisiyalarining rukn va mavzularini, davriy chegaralarini ilmiy dalillash, sayyohlarga eksponatlar mazmun-mohiyatini ochib berish va Qoraqalpog‘iston haykaltaroshligini keng targ‘ib qilish imkonini yaratgan;

Qoraqalpog‘iston haykaltaroshligi  rivojiga oid ilmiy xulosalar va tavsiyalardan Qoraqalpog‘iston Respublikasi Teleradiokompaniyasining “Assalom, Qoraqalpog‘iston!”, “Tasviriy san’at olamida”, “Go‘zallik olamida” ko‘rsatuvlari ssenariylarini tayyorlashda keng foydalanilmoqda (Qoraqalpog‘iston Respublikasi Teleradio-kompaniyasining 2017 yil 28 noyabrdagi 01-02/500-son ma’lumotnomasi). Bu ma’lumotlar Qoraqalpog‘iston haykaltaroshlik asarlarini, etuk ustalar ijodini ilmiy asoslangan tamoyillar, mavzular va muammolar doirasida targ‘ib etish, yoshlarda milliy san’atni yanada qadrlash tuyg‘usini mustahkamlashga xizmat qilgan.