Avazov Yusuf Shodievichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Ko‘p komponentli aralashmalarni ajratishning texnologik jarayonlarini takomillashtirilgan boshqarish», 05.01.08–Texnologik jarayonlar va ishlab chiqarishlarni avtomatlashtirish va boshqarish (texnika fanlari).

Dissertatsiya mavzusi ro‘yxatga olingan raqam: B2017.4.PhD/T512.

Ilmiy rahbar: Yusupbekov Nodirbek Rustambekovich, texnika fanlari doktori, professor, akademik.

Dissertatsiya bajarilgan muassasa nomi: Toshkent davlat texnika universiteti.

IK faoliyat ko‘rsatayotgan muassasa (muassasalar) nomi, IK raqami: Toshkent davlat texnika universiteti, DSc.27.06.2017.T.03.02.

Rasmiy opponentlar: Ismailov Mirxalil Agzamovich, texnika fanlari doktori, professor; Kaipbergenov Batirbek Tulepbergenovich, texnika fanlari doktori, professor.

Yetakchi tashkilot: “Ximavtomatika” mas’uliyati cheklangan jamiyat.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: ko‘p komponentli aralashmalarni ajratishning murakkab texnologik jarayonlarini boshqarishning takomillashtirilgan tizimini ishlab chiqishdan iborat.

III. Tadqiqotning ilmiy yangiligi:

ob’ektni boshqarish uchun noaniq mahsuliy tizim ko‘rinishida shakllantiriladigan yondashuv ishlab chiqilgan;

invariant boshqarish tizimining parametrlarini hisoblash asosida ajratish kolonnalari qismlarining dinamik modeli ishlab chiqilgan;

ajratish kolonnalarining ish rejimlarini tayyor mahsulot sifat ko‘rsatkichlari bo‘yicha dasturiy-mantiqiy boshqarish algoritmi ishlab chiqilgan;

noaniq mantiq usullari arsenali asosida ajratish kolonnasining tezkor avtomatlashtirilgan boshqarish algoritmi ishlab chiqilgan;

noaniq-to‘plamli tushunchalar asosida ko‘p komponentli aralashmalarni ajratish jarayonlarining vaziyatli boshqarish usuli ishlab chiqilgan;

etil spirtini ishlab chiqarishdagi bragorektifikatsiya qurilmalarini takomillashtirilgan boshqarishning ARS-tizimi ishlab chiqilgan.

IV. Tadqiqot natijalarining joriy qilinishi.

Bragorektifikatsiya qurilmalarining texnologik sxemasini takomillashtirish va ularning ish rejimlarini optimallashtirish bo‘yicha olingan ilmiy natijalar asosida:

ko‘p komponentli aralashmalarni ajratish kolonnasining ish rejimlarini boshqarishning dasturiy-mantiqiy algoritmi Yangiyo‘l shahridagi “BIOKIMYO” AJda joriy qilingan (“O‘zsharobsanoat” AJning 2018 yil 16 apreldagi TU-1083-son ma’lumotnomasi). Natijada ajratish jarayonining boshqarish sifatini yaxshilashga imkon bergan;

noaniq mantiq asosida ajratish kolonnasini boshqarish algoritmi “Biokimyo” AJda joriy qilingan (“O‘zsharobsanoat” AJning 2018 yil 16 apreldagi TU-1083-son ma’lumotnomasi). Natijada ko‘p komponentli aralashmalarni ajratish jarayonlarining boshqarish tizimini  takomillashtirishga imkoniyat yaratilgan;

noaniq to‘plamlar asosida ko‘p komponentli aralashmalarni ajratish jarayonlarining vaziyatli boshqarish usuli “Biokimyo” AJda joriy qilingan (“O‘zsharobsanoat” AJning 2018 yil 16 apreldagi TU-1083-son ma’lumotnomasi). Ilmiy tadqiqot natijalari ko‘p komponentli aralashmalarni ajratish jarayonlarining takomillashtirilgan boshqarishdagi energiya va resurslar sarfini 5-10 % ga kamaytirish imkonini bergan.