Abdullayeva Nazokat Isayevnaning 
falsafa doktori (PhD) dissertatsiyasi himoyasi haqida e’lon

I.    Umumiy ma’lumotlar. 
Dissertatsiya mavzusi, ixtissoslik shifri (ilmiy daraja beriladigan fan tarmog‘i): “Kompyuter injiniringi yo‘nalishidagi bakalavrlarni tayyorlashda “Diskret tuzilmalar” kursini o‘qitish metodikasini innovatsion texnologiyalar asosida takomillashtirish”, 13.00.02-Ta’lim va tarbiya nazariyasi va metodikasi (informatika) (pedagogika fanlari).
Dissertatsiya mavzusi ro‘yxatga olingan raqam: B2022.3.PhD/Ped939.
Ilmiy tadqiqot ishi bajarilgan muassasa nomi: Mirzo Ulug‘bek nomidagi O‘zbekiston Milliy universiteti. 
Ilmiy rahbar: Aripov Mersaid, fizika-matematika fanlari doktori, professor.
IK faoliyat ko‘rsatayotgan muassasa (muassasalar) nomi, IK raqami: Chirchiq davlat pedagogika universiteti, DSc.03/30.04.2021.Ped.82.03. 
Rasmiy opponentlar: Axmedjonov Dilmurod Gulomovich, texnika fanlari doktori, dotsent; Lutfullayev Maxmud Xasanovich, pedagogika fanlari doktori, professor. 
Yetakchi tashkilot: Namangan davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi oliy ta’lim muassasalari kompyuter injiniringi yo‘nalishida “Diskret tuzilmalar” kursini o‘qitishni innovatsion texnologiyalar asosida takomillashtirishga doir ilmiy-metodik tavsiyalar ishlab chiqishdan iborat.
III. Tadqiqotning ilmiy yangiligi:
kompyuter injiniringi yo‘nalishidagi bakalavrlarni tayyorlashda diskret tuzilmalar kursining mazmun-mohiyati kursning mavzulararo uzviyligini ta’minlovchi qulaylik, qiziqarlilik, hamkorlikka asoslangan, interaktivlik xususiyatlari hamda tanqidiy fikrlash, kreativlik, kommunikabillik, jamomaviy ishlash kabi 4K kompetensiyalarning uyg‘unlashuvi asosida takomillashtirilgan;
kompyuter injiniringi yo‘nalishida “Diskret tuzilmalar” kursini o‘qitishning mobil texnologiyalarga asoslangan mualliflik dasturiy ta’minotning ma’ruza matnlari, amaliy dars topshiriqlari, savollar va javoblar, so‘rovnoma, interpretatorlar, testlar, ko‘ptilli interfeys va tavsiyaviy resurslar kabi tashkil etuvchilari didaktik, metodik, psixologik, texnik, estetik, maxsus, ergonomik talablari asosida sinflashtirilgan; 
“Diskret tuzilmalar” kursini o‘qitishning metodik ta’minotining didaktik imkoniyatlari o’quv jamoalarini tashkil etish, ijodiy yondoshuv, o’yin sifatida o’rganish, mulohaza yuritish, uzviy muloqot, o’z-o’zini baholash, kreativlikni oshirish kabi didaktik vazifalarni kiritish asosida kengaytirilgan;
kompyuter injiniringi yo‘nalishida “Diskret tuzilmalar” kursini o‘qitishning didaktik modeli rejalashtirish, yaratish, davomiy ishlash, o’zaro bog‘liqlik, joylashtirish, joriy etish, davomiy qayta aloqa kabi pedagogik yondoshuv komponentlari hamda innovatsion texnologiyalarning onlayn va oflayn kollaboratsiyalarga sinflashtirishga ustuvorlik berish asosida takomillashtirilgan.
IV.Tadqiqot natijalarining joriy qilinishi. Kompyuter injiniringi yo‘nalishidagi bakalavrlarni tayyorlashda “Diskret tuzilmalar” kursini o‘qitish metodikasini innovatsion texnologiyalar asosida takomillashtirish bo‘yicha tadqiqot natijalari asosida:
kompyuter injiniringi yo‘nalishidagi bakalavrlarni tayyorlashda diskret tuzilmalar kursining mazmun-mohiyatining kursning mavzulararo uzviyligini ta’minlovchi qulaylik, qiziqarlilik, hamkorlikka asoslangan hamda interaktivlik xususiyatlari hamda tanqidiy fikrlash, kreativlik, kommunikabillik, jamomaviy ishlash kabi 4K kompetensiyalarning uyg‘unlashuvi asosida takomillashtirishga oid taklif va xulosalardan 2018-2020-yillarga mo‘ljallangan PZ-20170929789 - sonli “O‘zbekistonda oliy ta’lim muassasalarining o‘quv jarayonida ilg‘or pedagogik va zamonaviy axborot-kommunikatsiya texnologiyalaridan foydalanishni takomillashtirish mexanizmlarini ishlab chiqish” mavzusidagi amaliy loyihasini bajarishda foydalanilgan (O‘zbekiston milliy universitetining 2022-yil 22-dekabrdagi 04/11-8347-son ma’lumotnomasi). Natijada, oliy ta’lim muassasalari o‘quv jarayonida ilg‘or pedagogik va zamonaviy axborot-kommunikatsiya texnologiyalaridan foydalanish orqali talabalarning bilish faolligi va mantiqiy fikrlashini intensiv rivojlantirish mexanizmlari ishlab chiqilgan;
kompyuter injiniringi yo‘nalishida “Diskret tuzilmalar” kursini o‘qitishning mobil texnologiyalarga asoslangan mualliflik dasturiy ta’minotini ma’ruza matnlari, amaliy dars topshiriqlari, savollar va javoblar, so‘rovnoma, interpretatorlar, testlar, ko‘ptilli interfeys va tavsiyaviy resurslar kabi tashkil etuvchilarining didaktik, metodik, psixologik, texnik, estetik, maxsus, ergonomik talablari asosida sinflashtirishga oid tavsiyalaridan 2018-2020-yillarga mo‘ljallangan Samarqand davlat chet tillar institutida bajarilgan OT – Atex -2018-519 “Kompyuter imitatsion modellar asosida virtual resurslar Web - ilovasini dasturiy ta’minotini yaratish” amaliy loyihasini bajarishda foydalanilgan (Samarqand davlat chet tillar institutining 2022-yil 19-dekabrdagi 3641/30.02.01-son ma’lumotnomasi). Natijada, tabiiy fanlar yo‘nalishi bo‘yicha ishlab chiqilgan imitatsion modellarni ta’lim jarayoniga tatbiq etish usullari, texnologiyalari va metodik tavsiyalari ishlab chiqilgan;
“Diskret tuzilmalar” kursini o‘qitishning metodik ta’minotining didaktik imkoniyatlari o’quv jamoalarini tashkil etish, ijodiy yondoshuv, o’yin sifatida o’rganish, mulohaza yuritish, uzviy muloqot, o’z-o’zini baholash, kreativlikni oshirish kabi didaktik vazifalarga doir taklif va tavsiyalari “Diskret matematika va matematik mantiq fanidan amaliy mashg‘ulotlar” o‘quv qo‘llanmasi mazmuniga singdirilgan (Samarqand davlat universiteti kengashining 2019-yil 28-noyabrdagi 4-sonli qarori, 115-raqamli nashr guvohnomasi). Natijada, kompyuter injiniringi yo‘nalishidagi bakalavrlarni tayyorlashda diskret tuzilmalar kursining mazmun-mohiyatini metodik o‘qitishni mazmun, shakl va vositalari tashkil etadigan tashkiliy-tuzilmaviy komponentlarini takomillashtirishning didaktik imkoniyatlari amaliyotga yo‘naltirib o‘qitishda innovatsion texnologiyalarga ustuvorlik berish asosida takomillashtirilgan.