Алишаев Собир Турсунбоевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Ҳукм одил судловнинг якуний ҳужжати: назарий ва амалий таҳлил”, 12.00.09 – Жиноят процесси. Криминалистика, тезкор-қидирув ҳуқуқи ва суд экспертизаси (юридик фанлар).
Диссертация мавзуси рўйхатга олинган рақам: B2022.4.PhD/Yu894
Илмий раҳбар: Базарова Дилдора Бахадировна, юридик фанлар доктори, профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/13.05.2020.Yu.22.03.
Расмий оппонентлар: Астанов Истам Рустамович, юридик фанлар доктори, профессор; Кучкаров Хайрулла Зикириллаевич, юридик фанлар доктори, доцент.
Етакчи ташкилот: Ўзбекистон Республикаси Судялар олий кенгаши ҳузуридаги Судялар олий мактаби. 
Диссертация йўналиши: назарий ва амалий аҳамиятга молик.
II. Тадқиқотнинг мақсади жиноят ишлари юритувида ҳукм чиқаришга оид нормаларини таҳлил қилиш, бу соҳадаги илмий консептуал ёндашувларни ривожлантиришга доир таклиф ва тавсиялар ишлаб чиқишдан иборат. 
III. Тадқиқотнинг илмий янгилиги:
ишда иштирок этаётганларнинг кимлигини идентификация қилиш жараёнига замонавий технологияларни жорий этиш ва маълумотларни аниқ ва ишончли қайта ишлаш зарурати юзага келганлиги сабабли уларнинг шахсини ИД-карта орқали ҳам аниқлаш мумкинлиги асослантирилган;
юқори инстанция судида иш юритиш тартиблари ислоҳ қилиниши муносабати билан қуйи инстанция судининг қарори юқори инстанцияси суди томонидан бекор қилинганидан кейин иш кўриб чиқилган ҳолларда, қуйи инстанция судида муҳокама судланувчининг умуман айбдорлиги ёки айбдор эмаслиги тўғрисидаги масалага дахл қилмаганлиги сабабли, фақат жиноятни тавсифлашга ва жазо чорасига оид қисм бўйича амалга оширилиши тартибини бекор қилиш зарурлиги асослантирилган;
процесс иштирокчиларининг қонуний кучга кирган суд ҳукмлари устидан кассация тартибида шикоят қила олиш ҳуқуқини таъминлаш зарурати юзага келганлиги сабабли, раислик қилувчи судланувчига ва бошқа тарафларга ҳукм устидан нафақат апелляция, балки кассация тартибида ҳам шикоят бериш муддати ва тартибини тушунтириши кераклиги асослантирилган;
ишда тайинлов асосида иштирок этган адвокатларга ҳақ тўлаш тартибини соддалаштириш зарурати юзага келганлиги сабабли, ушбу масала жиноят иши юритувида адвокатлар бюроси, ҳайъати ёки фирмаси раҳбарининг илтимосномаси билан ажрим чиқариш орқали ҳал этилиши тартибини бекор қилиш зарурлиги асослантирилган.
IV. Тадқиқот натижаларининг жорий қилиниши:
ишда иштирок этаётганларнинг кимлигини идентификация қилиш жараёнига замонавий технологияларни жорий этиш ва маълумотларни аниқ ва ишончли қайта ишлаш зарурати юзага келганлиги сабабли уларнинг шахсини ИД-карта орқали ҳам аниқлаш мумкинлигини назарда тутувчи таклифи 2022-йил 14-мартдаги 
ЎРҚ-759-сон “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонуннинг 4-моддасида ўз ифодасини топган (Ўзбекистон Республикаси Олий Мажлис Қонунчилик палатаси ҳузуридаги Парламент тадқиқотлари институтининг 2024-йил 26-июндаги 3/08-102-сон маълумотномаси). Мазкур таклиф процесс иштирокчиларининг судга келган ёки келмаганлигини текшириш бўйича суд мажлиси котибининг иш самарадорлигини таъминлашга хизмат қилган; 
юқори инстанция судида иш юритиш тартиблари ислоҳ қилиниши муносабати билан қуйи инстанция судининг қарори юқори инстанцияси суди томонидан бекор қилинганидан кейин иш кўриб чиқилган ҳолларда, қуйи инстанция судида муҳокама судланувчининг умуман айбдорлиги ёки айбдор эмаслиги тўғрисидаги масалага дахл қилмаган ҳолда фақат жиноятни тавсифлашга ва жазо чорасига оид қисм бўйича амалга оширилиши тартибини бекор қилиш зарурлигини назарда тутувчи таклиф 2023-йил 27-сентябрдаги ЎРҚ-869-сон “Суд қарорларининг қонунийлиги, асослилиги ва адолатлилигини текшириш институти такомиллаштирилиши муносабати билан Ўзбекистон Республикасининг Жиноят-процессуал кодексига ўзгартириш ва қўшимчалар киритиш тўғрисида”ги Қонуннинг 1-моддаси 17-бандида ўз ифодасини топган (Ўзбекистон Республикаси Олий Мажлис Қонунчилик палатаси ҳузуридаги Парламент тадқиқотлари институтининг 2024-йил 26-июндаги 3/08-102-сон маълумотномаси). Мазкур таклиф судда жиноят ишини муҳокама қилиш фақат айбланувчиларга нисбатан ва эълон қилинган айблов бўйича олиб борилишини таъминлашга хизмат қилган;
процесс иштирокчиларининг қонуний кучга кирган суд ҳукмлари устидан кассация тартибида шикоят қила олиш ҳуқуқини таъминлаш зарурати юзага келганлиги сабабли раислик қилувчи судланувчига ва бошқа тарафларга ҳукм устидан нафақат апелляция, балки кассация тартибида ҳам шикоят бериш муддати ва тартибини тушунтириши кераклигини назарда тутувчи таклиф 2023-йил 27-сентябрдаги ЎРҚ-869-сон “Суд қарорларининг қонунийлиги, асослилиги ва адолатлилигини текшириш институти такомиллаштирилиши муносабати билан Ўзбекистон Республикасининг Жиноят-процессуал кодексига ўзгартириш ва қўшимчалар киритиш тўғрисида”ги Қонуннинг 1-моддаси 19-бандида ўз ифодасини топган (Ўзбекистон Республикаси Олий Мажлис Қонунчилик палатаси ҳузуридаги Парламент тадқиқотлари институтининг 2024-йил 26-июндаги 3/08-102-сон маълумотномаси). Мазкур таклиф процессуал ҳаракатлар ва қарорлар устидан шикоят қилиш ҳуқуқи принципининг тўла қонли ишлашига хизмат қилган;
ишда тайинлов асосида иштирок этган адвокатларга ҳақ тўлаш тартибини соддалаштириш зарурати юзага келганлиги сабабли ушбу масала жиноят иши юритувида адвокатлар бюроси, ҳайъати ёки фирмаси раҳбарининг илтимосномаси билан ажрим чиқариш орқали ҳал этилиши тартибини бекор қилиш зарурлигини назарда тутувчи таклиф 2024-йил 27-февралдаги ЎРҚ-915-сон “Давлат ҳисобидан юридик ёрдам кўрсатиш тўғрисида”ги Ўзбекистон Республикаси Қонуни қабул қилинганлиги муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш ҳақида”ги Қонуннинг 1-моддаси 4-банди ишлаб чиқилишида фойдаланилган (Ўзбекистон Республикаси Олий Мажлис Қонунчилик палатаси ҳузуридаги Парламент тадқиқотлари институтининг 2024-йил 26-июндаги 3/08-102-сон маълумотномаси). Мазкур таклиф давлат ҳисобидан юридик ёрдам кўрсатган ҳимоячиларга ҳақ тўлаш тартибини соддалаштиришга хизмат қилган.