Расулов Камол Карим ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Кўп ўзгарувчининг функсияларини ҳеч қаерда зич бўлмаган махсусликларидан ташқарига аналитик давом эттириш”,  01.01.01- Математик анализ (физика-математика фанлари).
Диссертация мавзуси рўйхатга олинган рақам: B2022.4.PhD/FM785.
Илмий раҳбар: Имомкулов Севдиёр Акрамович, физика-математика фанлари доктори
Диссертация бажарилган муассаса номи: Урганч давлат университети.
ИК фаолият кўрсатаётган муассаса номи, ИК рақами: Урганч давлат университети, PhD.03/30.12.2019.FM.55.01. 
Расмий оппонентлар: Икромов Исроил Акрамович, физика-математика фанлари доктори, профессор; Ибрагимов Зафар Шавкатович, физика-математика фанлари фалсафа доктори (PhD).
Етакчи ташкилот: Тошкент шаҳридаги Турин политехника университети.
Диссертация йўналиши: назарий аҳамиятга молик.
II. Тадқиқотнинг мақсади: Кесимларда махсус тўпламларга эга сепарат-аналитик функсияларни давом эттиришни ўрганиш ва уларнинг голоморфлик соҳасини тавсифлашдан иборат.
III. Тадқиқотнинг илмий янгилиги: 
Шимода теоремасининг шартларини қаноатлантирувчи сепарат-голоморф функсиянинг махсус тўпламга эга бўлмаслигини таъминловчи қўшимча шартлар топилган ва тайинланган йўналиш бўйлаб голоморф давом эттириш ҳақидаги Ҳартогс теоремасидан фойдаланган ҳолда бундай функсия бутун соҳада голоморф бўлиши исбот қилинган; 
Чебишев кўпҳадларидан фойдаланган ҳолда Шимода теоремасининг шартларини қаноатлантирувчи қаторлар қуриш методлари ишлаб чиқилиб, ушбу қаторлар ёрдамида Шимода теоремасининг шартларини қаноатлантирувчи сепарат-голоморф функсиялар турли хил характердаги махсус тўпламларга эга бўлиши кўрсатилган; 
Шимода теоремасига тескари теорема исботланган, яъни аналитик функсияларни кўпҳадлар билан яқинлаштириш ҳақидаги Мергелян теоремаси ва Чебишев кўпҳадлари ёрдамида олдиндан берилган махсус тўпламга эга сепарат-голоморф функсиянинг мавжудлиги кўрсатилган;
плюрисубгармоник ўлчов ёрдамида параллел кесимларда чекли махсусликларга эга сепарат-голоморф функсияларнинг бирор аналитик тўпламдан ташқарида голоморф давом этиши исботланган; 
ҳақиқий фазони комплекс фазога жойлаштириш, ҳамда сепарат-голоморф функсияларнинг голоморфлик соҳаларидан фойдаланган ҳолда сепарат-ҳақиқий аналитик функсияларни бирор нозик махсус тўпламдан ташқарида барча ўзгарувчилар бўйича бир йўла ҳақиқий аналитиклиги исботланган.
IV. Тадқиқот натижаларининг жорий қилиниши. Диссертацияда олинган натижалар қуйидаги лойиҳаларда қоʻлланилган: 
Олдиндан берилган махсусликка эга сепарат-аналитик функсияларни қуриш усулларидан Ивашкович шартларини қаноатлантирувчи Каҳлер кўпхилликларида сепарат-аналитик функсияларнинг голоморфлик соҳасини тавсифлашда фойдаланилган (Тулуза математика институтининг 2024 йил 4-сентябрдаги маълумотномаси, Франция). Илмий натижаларнинг қўлланилиши қийматлари Ивашкович маъносида Ҳартогс давом хоссасига эга комплекс кўпхилликларда бўлган сепарат-мероморф функсияларнинг махсусликлари тўпламини геометрик характерини ўрганиш имконини берган. 
н-ўлчамли комплекс Эвклид фазосида нозик махсусликлар тўпламига эга сепарат-голоморф функсияларн ҳеч қаерда зич бўлмаган махсуслик тўпламидан ташқарига аналитик давом эттирилиши ҳақидаги натижалар УТ-ОТ-2020-1 рақамли “Монже-Ампер тенгламаси ва экстремал плюрисубгармоник функсиялар” мавзусидаги фундаментал лойиҳаси доирасида голоморфлик қобиқларини аниқлаш масалаларига тадбиқ этилган (Ўзбекистон Миллий университетининг 2024 йил 4-октябрдаги 04/11-8261-сонли маълумотномаси). Илмий натижаларнинг қўлланилиши, комплекс фазоларда нозик махсусликларга эга сепарат-аналитик функсияларнинг голоморфлик қобиқларини экстремал плюрисубгармоник функсиялар орқали аниқлаш имконини берган.