Чулиев Фархад Гафуровичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Олтинни уюмда эритмага ўтказиш цехи техноген чиқиндиларини айланма сувлардан фойдаланиб қайта ишлаш жараёнини тадқиқ қилиш», 04.00.14 – Фойдали қазилмаларни бойитиш (техника фанлари).  
Диссертация мавзуси рўйхатга олинган рақам: B2023.3.PhD/Т3872.
Илмий раҳбар: Санакулов Кувандик, техника фанлари доктори, профессор. 
Диссертация бажарилган муассаса номи: Навоий давлат кончилик ва технологиялар университети.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, DSc.17/04.06.2021.Т.06.01.
Расмий оппонентлар: Вохидов Бахриддин Рахмиддинович, техника фанлари доктори, доцент, Худояров Сулейман Рашидович, техника фанлари доктори, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: айланма сувдан фойдаланиш орқали тўпланиб қолган техноген чиқиндиларни қайта ишлашга жалб қилиш бўйича технологик ечимларни ишлаб чиқиш ва илмий асослашдан иборат.
III. Тадқиқотнинг илмий янгилиги:
рангли металлар аралашмаларини ва олтинни (0,035 мг/л) ўз ичига олган айланма сув эритмасининг маҳаллий сорбсион қурилмада сорбентнинг олтин билан максимал тўйиниши чизиқли тезлиги аниқланди ва биринчи марта бу кўрсаткич 90 соат ичида эришилиши ва 0,8 мг/г ни ташкил қилиши аниқланган;
айланма сувдаги кераксиз қўшимча металларнинг концентрациясига қараб сорбентнинг ифлосланиш қонуниятлари асосида олтин бўйича оптимал сиғим 0,35 мг/г ни ташкил этиши аниқланган; 
материалнинг физик хусусиятларидан келиб чиққан ҳолда, асосий металлни 77,26% концентратга ажратиб олиш билан уюмда танлаб эритиш чиқиндиларидан олтинни марказдан қочма консетраторларда бойитишнинг 60 Г да оптимал параметрлари аниқланган;
қайта ишланган сувдан фойдаланган ҳолда технологик кўрсаткичларнинг унинг параметрларига боғлиқлигини ўрганиш натижасида биринчи марта олтинни уюмда танлаб эритиш чиқиндиларини сорбсион сианлашнинг оптимал режими аниқланган; 
биринчи марта қайта ишланган сувдан фойдаланган ҳолда сорбсия усулида олтинни уюмда танлаб эритиш чиқиндиларини қайта ишлаш технологияси ишлаб чиқилган.
IV. Тадқиқот натижаларининг жорий қилиниши. Техноген чиқиндилардан металларни ажратиб олиш бўйича олинган илмий натижалар асосида:
“Навоий КМК” АЖ 7-гидрометаллургияда заводида чиқинди ҳавзалари сувидан фойдаланган ҳолда олтинни уюмда танлаб эритиш техноген чиқиндиларини сорбсион сианлаш усули орқали қайта ишлаш технологияси НКМК АЖ Марказий бошқармасига қарашли 7-гидрометаллургия заводида жорий этилган (Навоий КМК АЖнинг 2024 йил 30 сентябрдаги 23/01-01-07/577-сон маълумотномаси). Натижада, мазкур технология техноген чиқиндиларни ишлаб чиқаришга жалб қилиш, чиқиндилар тўпланган жойда экологик вазиятни яхшилашни таъминлаш ва техноген чиқиндилардан олтин олиш даражасини 77,26% га етказиш имконини берган;
НКМК АЖ Марказий бошқармасига қарашли 7-гидрометаллургия заводида олтинни уюмда танлаб эритиш цехининг техноген чиқиндиларини кейинчалик қайта ишлаш мақсадида 2-ГМЗ чиқинди омбори ҳавзаси сувларини бирламчи тозалаш усули НКМК АЖ Марказий бошқармасига қарашли 7-гидрометаллургия заводида жорий этилган (Навоий КМК АЖнинг 2024 йил 30 сентябрдаги 23/01-01-07/577-сон маълумотномаси). Натижада, чиқинди омбори ҳавзаси сувлари олтинни уюмда танлаб эритиш чиқиндиларни сорбсион сианлаш технологиясида фойдаланишга яроқли қилиниб, соатига 1500 м3 ёки йилига 13,14 миллион м3 тоза сувни тежаш ва йиллик 31,536 млн кВт*соат энергияни тежаш имконини берган.