Ўрмонов Санжарбек Рахмонжон ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Соплоли реактив гидротурбина ишчи ғилдирагининг геометрик ва динамик параметрларини асослаш”, 05.05.06 – «Қайта тикланадиган энергия турлари асосидаги энергия қурилмалари» ихтисослиги бўйича.
Диссертация мавзуси рўйхатга олинган рақам: B2024.3.PhD/Т4905.
Илмий раҳбар: Узбеков Мирсоли Одилжонович, техника фанлари бўйича PhD, доцент.
Диссертация бажарилган муассаса номи: Фарғона политехника институти.
ИК фаолият кўрсатаётган муассаса номи, ИК рақами: Фарғона политехника институти, PhD.03/27.02.2020.Т.106.02.
Расмий оппонентлар: Қодиров Дилшод Ботирович, техника фанлари доктори, доцент; Мадалиев Муродил Эркинжон ўғли, физика-математика фанлари бўйича PhD, доцент.
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади соплоли реактив гидротурбина ишчи ғилдираги соплосининг мақбул геометрик ва динамик параметрларини асослашдан иборат.
III. Тадқиқотнинг илмий янгилиги:
реактив гидротурбина ишчи ғилдирагига сувнинг кириш ва чиқишдаги тезлиги ҳамда сув сарфи ва босимига боғлиқ ҳолда ишчи ғилдирагининг ўлчами ва соплосининг геометрик шаклини аниқлаш имконини берувчи математик ифода олинган;
соплоли реактив гидротурбина соплосидан сув оқимининг чиқиш тезлиги ва энергия йўқотилиши кўрсаткичларини ҳисобга олган ҳолда сув босими 1,5-6 м оралиғида соплонинг конфузорлик сиқилиш мақбул бурчаги 25°-28° эканлиги аниқланган;
соплоли реактив гидротурбинанинг 2 м сув босими ва 0,0148 м3/с сув сарфи бўлган қийматларида соплонинг юқори самарадорлиги чиғаноқсимон шаклда бўлишлиги  ҳамда соплоли гидротурбина самарадорлиги эса 78,68% ни ташкил этиши аниқланган;
соплодаги сув оқимининг ички деворлари билан таъсирлашувини  ССТ-РC турбулентлик моделлаштириш асосида сув босими, сув сарфи ва сопло шаклини ҳисобга олган ҳолда соплонинг бурилиш жойигача бўлган оралиқда сувнинг тезлиги 5,0 дан 5,5 м/с гача, соплодан чиқиш тезлиги максимал 12,5 дан 13,35 м/с гача бўлиши аниқланган.
IV. Тадқиқот натижалариниг жорий қилиниши.  Соплоли реактив гидротурбина ишчи ғилдирагининг геометрик ва динамик параметрларини асослаш бўйича олинган натижалар асосида:
мақбул геометрик параметрларга эга соплоли реактив гидротурбина микрогидроелектр станцияси Андижон вилоятининг Марҳамат туманидаги «Андижон гидроелектр станциялари унитарй корхонаси Шаҳрихон гидроелектр станциялари каскади филиали гидроелектр станциялар жанубий Фарғона канали-1»да жорий этилган (Энергетика вазирлигининг 2024 йил 25 июл 04-13-5632 сонли маълумотномаси). Натижада станцияни ўз эҳтиёжлари учун  700 Вт·соат электр энергияси тежашга эришилган;
мақбул геометрик параметрларга эга соплоли реактив гидротурбина Андижон вилояти Избоскан туманидаги “Хасанбой Хожи баракаси” фермер хўжалигида жорий этилган (Энергетика вазирлигининг 2024 йил 25 июл 04-13-5632 сонли маълумотномаси). Натижада, йилига қўшимча 6,1 мW⸱ҳ электр энергиясини ишлаб чиқариш имкони яратилган.