Шокиров Шахризод Шукуруллоевичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): «Ҳуқуқбузарлик ва жиноятчиликни олдини олишда жамоатчилик фикрининг роли» 22.00.02 – Ижтимоий тузилиш, ижтимоий институтлар ва турмуш тарзи социологияси.
Диссертация мавзуси рўйхатга олинган рақам: B2023.2.PhD/S150.
Диссертация бажарилган муассаса номи: «Тошкент ирригация ва қишлоқ хўжалигини механизациялаш муҳандислари институти» миллий тадқиқот университети Бухоро табиий ресурсларни бошқариш институти.
ИК фаолият кўрсатаётган муассаса (муассасалар) номи, ИК рақами: Оʻзбекистон Республикаси Президенти ҳузуридаги Давлат бошқаруви академияси, DSc.20/30.12.2019.S.23.02.
Илмий раҳбарнинг Ф.И.Ш., илмий даражаси ва унвони: Каримов Бобир Шаропович социология фанлари доктори, профессор в\б.
Расмий оппонентлар: социология фанлари доктори, профессор Холбеков Абдуғани Жуманазарович; юридик фанлари доктори, профессор Ҳайитов Хушвақт Сапарбаевич.
Етакчи ташкилот: «Ижтимоий фикр» Республикаси жамоатчилик фикрини ўрганиш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади ҳуқуқбузарлик ва жиноятчиликни олдини олишда жамоатчилик фикрининг ролини тадқиқ этиш орқали илмий асосланган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
жамиятда ҳуқуқбузарлик ва жиноятчиликни олдини олишда жамоатчилик фикрининг ўрни ва ролини кўрсатувчи ижтимоий мезонлари (эмоционал интеллект, ҳамжиҳатлилик, халқ билан мулоқот, мақсадга йўналганлик, эҳтиёжлар, манфаатлар, адолатпарварлик) очиб берилган;
маҳаллаларда ҳуқуқбузарлик ва жиноятчиликни олдини олишга йўналтирилган ижтимоий иш профилактик назорат тизимининг (вазиятни назоратга олиш, нотинч оилалардаги муҳитни соғломлаштириш, фарзандлар тарбиясида кўзга ташланаётган нохуш ҳолатларнинг барвақт олдини олиш, оиладаги маънавий муҳит) йўлга қўйилиши социологик асослантирилган;
ҳуқуқбузарлик ва жиноятчиликни олдини олишда жамоатчилик фикри таъсирини кучайтиришга йўналтирилган институционал инклюзив ёндашувни (ҳаракат, ҳамкорликдаги фаолият, ўзаро кўмаклашув, муаммоларни биргаликда ечиш) жорий этишнинг ижтимоий самарадорлиги социологик асослантирилган;
оила-маҳалла-таълим муассаси ҳамкорлиги асосида таълим тизимида жамоатчилик фикрини мустаҳкамлашга асосланган ҳуқуқбузарлик ва жиноятчиликни олдини олишга йўналтирилган бошқарув методикасининг ижтимоий самарадорлиги очиб берилган.
IV. Тадқиқот натижаларининг жорий қилиниши. Ҳуқуқбузарлик ва жиноятчиликни олдини олишда жамоатчилик фикрининг ролини тубдан такомиллаштиришда кенг жамоатчилик фикрининг аҳамияти бўйича ишлаб чиқилган таклиф ва тавсиялар асосида:
жамиятда ҳуқуқбузарлик ва жиноятчиликни олдини олишда жамоатчилик фикрининг ўрни ва ролини кўрсатувчи ижтимоий мезонлари (эмоционал интеллект, ҳамжиҳатлилик, халқ билан мулоқот, мақсадга йўналганлик, эҳтиёжлар, манфаатлар, адолатпарварлик) ишлаб чиқилганлигидан Ички ишлар вазирлиги ҳузуридаги Жазони ижро этиш департаментида аҳоли муаммоларини ечиш ҳамда уларнинг мақсадлари ва жамиятда интеграциялашувининг позитив имкониятларини кенгайтирилиши бўйича илмий тадқиқот олиб боришда фойдаланилди (Ўзбекистон  Республикаси  Ички  ишлар вазирлиги ҳузуридаги Жазони ижро этиш департаментининг 2024 йил 30 январдаги  
№ 28\4-5-199–сон маълумотномаси). Натижада, ҳуқуқбузарлик ва жиноятчиликни олдини олишда жамоатчилик фикри билан ишлаш бўйича кўникмалар такомиллаштирилди ҳамда ички ишлар ходимларининг бу борадаги компетенсияларини ривожлантиришда ижобий самарадорликка эришилди;
маҳаллаларда ҳуқуқбузарлик ва жиноятчиликни олдини олишга йўналтирилган ижтимоий иш профилактик назорат тизимининг (вазиятни назоратга олиш, нотинч оилалардаги муҳитни соғломлаштириш, фарзандлар тарбиясида кўзга ташланаётган нохуш ҳолатларнинг барвақт олдини олиш, оиладаги маънавий муҳит) йўлга қўйилиши социологик асослантирилган йўлга қўйилиши социологик асослантирилганлигидан «Ижтимоий фикр» Республика жамоатчилик фикрини ўрганиш марказида Ўзбекистонда «Ҳуқуқбузарлик ва жиноятчиликни олдини олишда жамоатчилик фикри билан ишлаш имкониятларини ошириш» мавзусида ижтимоий сўров ўтказишда диссертацияда келтирилган назарий хулосалар, амалий таклиф ва тавсиялардан фойдаланилди («Ижтимоий фикр» Республика жамоатчилик фикрини ўрганиш марказининг 2024 йил 25 январдаги 01-16\19–сон маълумотномаси). Натижада, Марказ томонидан ўтказилаётган интервю ҳамда ижтимоий тадқиқотларда жамоатчилик фикрини ўрганишда ижобий натижаларга эришилди;
ҳуқуқбузарлик ва жиноятчиликни олдини олишда жамоатчилик фикри таъсирини кучайтиришга йўналтирилган институционал инклюзив ёндашувни (ҳаракат, ҳамкорликдаги фаолият, ўзаро кўмаклашув, муаммоларни биргаликда ечиш) жорий этишнинг ижтимоий самарадорлиги социологик асослантирилганлигидан «Нурафшон» телеканали телекўрсатувларида мазкур диссертация илмий янгиликлари ҳамда илмий хулосаларидан «Тазарру», «Матонат манзили» ссенарийларини тайёрлашда фойдаланилди (Ўзбекистон миллий телерадиокомпанияси «Тошкент вилояти телерадиоканали» давлат муассасасининг 2024 йил 30 январдаги №01-03-10–сонли далолатномаси). Натижада, ҳуқуқбузарлик ва жиноятчиликни олдини олиш, мамлакатда демократик жамият барпо этиш, фуқаролик жамияти институтлари фаолиятидан унумли фойдаланган ҳолда жамоатчилик фикри ва назоратини кенг тарғиб қилиш ҳамда кўрсатувларнинг илмийлиги ва оммабоплигини оширишга хизмат қилган;
оила-маҳалла-таълим муассаси ҳамкорлиги асосида таълим тизимида жамоатчилик фикрини мустаҳкамлашга асосланган ҳуқуқбузарлик ва жиноятчиликни олдини олишга йўналтирилган бошқарув методикасининг ижтимоий самарадорлиги очиб берилган (Ўзбекистон Маҳаллалари уюшмаси тизими ходимларининг малакасини ошириш ва маҳаллаларни методик таъминлаш ўқув услубий марказининг 2024 йил 19-ноябрдаги 01-03/9-сонли далолатномаси). Натижада, маҳаллаларда ҳуқуқбузарлик ва жиноятчиликни олдини олишда жамоатчилик фикри таъсирини кучайтириш учун маҳалла масъуллари ўқув дастурлари ҳамда ўқув режаларига диссертация илмий хулосаларидан кенг фойдаланилган. Бу ўқувлар самарадорлигини оширишга хизмат қилган.