Алимқулов Нурмуҳаммад Муқумжон ўғлининг
Фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):
“Онкоепидемиологик интеллектуал тизимларни ишлаб чиқишда обектларни таниб олишнинг алгебраик ёндашув алгоритмлари”, 05.01.03 – “Информатиканинг назарий асослари” (техника фанлари).
Диссертация мавзуси рўйхатга олинган рақам: B2023.4.PhD/Т4165.
Илмий раҳбар: Худайбердиев Мирзаакбар Хаккулмирзаевич, техника фанлари доктори, катта илмий ходим.
Диссертация бажарилган муассаса номи: Заҳириддин Муҳаммад Бобур номидаги Андижон давлат университети.
Илмий кенгаш фаолият кўрсатаётган муассаса номи, Илмий кенгаш рақами: Муҳаммад ал-Хоразмий номидаги Тошкент ахборот технологиялари университети, DSc.13/05.05.2023.Т.07.03.
Расмий оппонентлар: Мирзаев Номаз, техника фанлари доктори, профессор; Махкамов Анваржон Абдужабборович, техника фанлари фалсафа доктори, доцент.
Етакчи ташкилот: Тошкент давлат транспорт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади онкоепидемиологик интеллектуал тизимни ишлаб чиқишда обектларни таниб олишнинг алгебраик ёндашувга асосланган алгоритмларини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
турли тоифадаги онкоепидемиологик маълумотларни интеллектуал таҳлил қилишга мўлжалланган кластерларда транзитив туташувни амалга ошириш усули такомиллаштирилган;
саратон касаллиги босқичларини таснифлаш имконини берувчи қисмий преседентлик тамойилига асосланган алгоритмлар тўплами устидан параллел ишловчи ансамблни шакллантирувчи алгоритм ишлаб чиқилган;
таниб олиш операторлари ўртасидаги ўзаро алоқаларни таҳлил қилиш ва уларнинг вазнлар тақсимотига нисбатан оптимал мувозанатини таъминлашга йўналтирилган чизиқли туташувларини амалга оширувчи алгоритм ишлаб чиқилган;
турли хил онкологик патологияларни аниқ идентификация қилиш имконини берувчи экстремал алгоритмлар ансамблини шакллантириш ва оптималлаштиришга йўналтирилган алгоритм ишлаб чиқилган.
IV. Тадқиқот натижаларининг жорий қилиниши.
Алгебраик ёндашувга асосланган алгоритмлар ансамбли ёрдамида обектларни таниб олиш масалаларини ечиш учун ишлаб чиқилган усул, алгоритмлар ва дастурий мажмуа асосида:
Республика ихтисослаштирилган онкология ва радиология илмий-амалий тиббиёт маркази Жиззах филиалида турли онкологик патологияларни идентификация қилиш имконини берувчи экстремал алгоритмлар ансамблига асосланган дастурий мажмуа муваффақиятли жорий этилди. Ушбу тизим саратон касалликларини ташхислашда аниқликни оширишга хизмат қилиб, унинг амалиётга татбиқ этилиши (Республика ихтисослаштирилган онкология ва радиология илмий-амалий тиббиёт марказининг 2024-йил 21-ноябрдаги 02-03/663-сон маълумотномаси) бўйича самарали деб баҳоланди. Жорий қилинган алгоритмлар соҳа мутахассисларининг иш унумдорлигини 18 фоизга оширган.
Республика ихтисослаштирилган онкология ва радиология илмий-амалий тиббиёт маркази Андижон вилояти филиалида қисмий прецедентлик тамойилига асосланган алгоритм жорий қилинди (Республика ихтисослаштирилган онкология ва радиология илмий-амалий тиббиёт марказининг 2024-йил 21-ноябрдаги 02-03/663-сон маълумотномаси). Ушбу алгоритм саратон босқичларини аниқлаш ва ташхис қўйиш жараёнларида аниқлик ва самарадорликни ошириб, соҳа мутахассислари иш самарадорлигини 15 фоизга оширишга эришилган.