Рахмонов Улуғбек Жўрақуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “300Х32Н2РЛ маркали оқ чўяннинг механик хоссаларини ошириш ва технологиясини такомиллаштириш”, 05.02.01 – “Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (Қуймачилик ва металларга ишлов бериш йўналиши бўйича)” ихтисослиги.
Диссертация мавзуси рўйхатга олинган рақам: В2024.4.PhD/Т5187
Диссертация бажарилган муассаса номи: Ислом Каримов номидаги Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/30.12.2019.Т.03.04. рақамли Илмий Кенгаш.
Илмий раҳбар: Тураходжаев Нодир Джахонгирович, техника фанлари доктори, профессор.
Расмий оппонентлар: Бегатов Ж.М., техника фанлари доктори, доцент; Дуняшин С, Н, техника фанлари номзоди, профессор
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади оқ чўянларнинг қуйма механик хоссаларини  ошириш технологиясини  такомиллаштиришдан иборат.
 III. Тадқиқотнинг илмий янгилиги:
оқ чўянни нордон футеровкали индуксион печида молибден ўрнига бор элементини қўшиш асосида суюқлантириш технологияси печ футеровкасига борнинг футеровка емирилишига таъсир динамикаси асосида суюқлантириш технологияси ишлаб чиқилган;
оқ чўян таркибига хром элементини киритиш технологияси хром элементининг оқ чўян хизмат муддатини ошириш хоссаларини ҳароратга боғлиқлик даражаси асосида модификациялаш технологияси ишлаб чиқилган;
оқ чўян таркибига бор элементини киритиш технологияси оқ чўян мустаҳкамлигининг бор элементи миқдорига боғлиқлик даражаси асосида борни киритиш технологияси ишлаб чиқилган;
оқ чўянни индуксион печида суюқлантириш технологияси бор ва хром элементларининг қотишма томонидан ўзлаштирилиш механизми элементларнинг суюқланиш ҳароратига боғлиқ равишда ресурстежамкор технология ишлаб чиқилган;
оқ чўянга суюқ ҳолатда кимёвий элементлар билан ишлов бериш технологияси қотишма ҳарорати ва киритилаётган элемент билан иссиқлик алмашинув градиенти асосида модификациялаш усули ишлаб чиқилган.
IV.Тадқиқот натижаларининг жорий қилиниши.
300Х32Н2РЛ маркали ок чўяннинг механик хоссаларини ошириш технологиясини    такомиллаштириш бўйича олинган илмий натижалар асосида:
оқ чўянни нордон футеровкали индуксион печида молибден ўрнига бор элементини қўшиш асосида суюқлантириш технологияси “Навоий КМК” АЖнинг “Навоий машинасозлик заводи”га жорий қилингин («Навоий КМК» АЖнинг 2023 йил 19 октябрдаги №23/01-01-07/520-сон маълумотномаси). Натижада печ футеровкасининг хизмат муддати 30-40% га ортган;
оқ чўян таркибига хром элементини киритиш технологияси “Навоий КМК” АЖнинг “Навоий машинасозлик заводи”га жорий қилингин («Навоий КМК» АЖнинг 2023 йил 19 октябрдаги №23/01-01-07/520-сон маълумотномаси). Натижада қуймаларнинг хизмат муддати 10-12% га ортган;
оқ чўян таркибига бор элементини киритиш технологияси “Навоий КМК” АЖнинг “Навоий машинасозлик заводи”га жорий қилингин («Навоий КМК» АЖнинг 2023 йил 19 октябрдаги №23/01-01-07/520-сон маълумотномаси). Натижада оқ чўян мустаҳкамлиги 18-20% га ортган.