Садикова Наргиза Ибрагимовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Электр-ёй печларида пўлат эритиш технологиясини ишлаб чиқиш.”, 05.02.01 – “Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси (Қуймачилик ва металларга ишлов бериш йўналиши бўйича)” ихтисослиги.
Диссертация мавзуси рўйхатга олинган рақам: B2022.2.PhD/Т2854.
Диссертация бажарилган муассаса номи: Тошкент давлат техника университети
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/30.12.2019.Т.03.04. рақамли Илмий Кенгаш.
Илмий раҳбар: Тураходжаев Нодир Джахонгирович, техника фанлари доктори, профессор.
Расмий оппонентлар: Норхуджаев Файзулла Рамазанович, техника фанлари доктори, профессор; Худаяров Сулааймон Рашидович, техника фанлари бўйича фалсафа доктори, доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Пўлатларни электр-ёй печларида эритиш технологиясини такомиллаштириш.
III. Тадқиқотнинг илмий янгилиги:
электр-ёй печларида пўлатларни суюқлантиришнинг коксли технологияси углерод билан кислород ўртасидаги кимёвий активликнинг печ ичидаги ҳароратга боғлиқ равишда ўзгариш динамикаси асосида ишлаб чиқилган;
электр-ёй печларида пўлатларни суюқлантиришдаги электр таъминотининг режими шихта ўлчамлари билан уни суюқлантириш учун зарур бўлган иссиқлик миқдори ўртасидаги боғлиқлик асосида ишлаб чиқилган;
электр-ёй печида пўлатларни суюқлантиришда уларни флюс билан ишлов бериш технологияси қотишмадаги углерод билан флюс таркибидаги элементлар орасидаги кимёвий реакцияларининг амалга ошиш қонуниятлари асосида ишлаб чиқилган;
электр-ёй печларидан олинган пўлатларни қолипга қуйишда қўлланиладиган ковшнинг чойнакли конструксияси ковшдаги қотишма таркибидаги нометалл қўшимчаларнинг жойлашиш сатҳи асосида ишлаб чиқилган
IV.Тадқиқот натижаларининг жорий қилиниши.
Электр-ёй печларида пўлат эритиш технологиясини такомиллаштириш бўйича олинган илмий натижалар асосида:
-электр-ёй печида пўлатларни суюқлантиришнинг коксли технологияси “Ўзметкомбинат” АЖ нинг қуймакорлик цехида жорий қилинган (“Ўзметкомбинат” АЖ нинг 2023 йил 23 сентябрдаги №01/02/02/02/103-сон маълумотномаси). Натижада электр энергиянинг сарфи 17-18% га камайган;
-электр-ёй печида пўлатларни суюқлантиришда электр таъминотининг режимлари “Ўзметкомбинат” АЖ нинг қуймакорлик цехида жорий қилинган (“Ўзметкомбинат” АЖ нинг 2023 йил 23 сентябрдаги №01/02/02/02/103-сон маълумотномаси). Натижада пўлатларни суюқлантириш учун сарфланадиган вақт 12-14% га камайган;
-электр-ёй печида пўлатларни суюқлантиришнинг флюс билан ишлов бериш технологияси “Ўзметкомбинат” АЖ нинг қуймакорлик цехида жорий қилинган (“Ўзметкомбинат” АЖ нинг 2023 йил 23 сентябрдаги №01/02/02/02/103-сон маълумотномаси). Натижада қуйма маҳсулоти таркибидаги нометалл қўшимчаларнинг миқдори 16-18% га камайган.