Аширбаев Эрмат Азимовичнинг
фалсафа доктори (PhD)диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Ўзбекистон Республикасида кичик бизнес соҳасининг иқтисодий ривожланиш жараёнларини статистик баҳолаш”,08.00.06 –Эконометрика ва статистика (иқтисодиёт фанлари).
Диссертация мавзуси рўйхатга олинган  рақам:  В2020.4.PhD/Iqt1544.
Илмий раҳбар:Расулев Дилмурод Мирзахмедович,иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Кадрлар малакасини ошириш ва статистик тадқиқотлар институти, DSc 29/30.12.2019.I.92.01.
Расмий оппонентлар: Атаниязов Болтабой, иқтисодиёт фанлари доктори, профессор; Нуриддинов  Зуфар Акбарович, иқтисодиёт фанлари бўйича фалсафа доктори(PhD).
Етакчи ташкилот: Тошкент молия институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади мамлакатимизда кичик бизнес соҳасининг иқтисодий ривожланиш жараёнларини статистик баҳолашни такомиллаш-тириш ва истиқболларини прогнозлаш бўйича илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
ишбилармонлик муҳити ва тадбиркорликни фаолиятини ривожлантиришнинг сифат кўрсаткичларини ифодаловчи «тадбиркорлик субъектларининг фаоллиги», «янги тадбиркорлик субъектларининг ўсиши», «кичик бизнесда янги иш ўринларини яратиш» индикаторлари ишлаб чиқилган;
ҳудудларнинг кичик бизнес соҳасида ижтимоий-иқтисодий ривожланиш самарадорлигини баҳолашда ҳаққонийликни таъминловчи «агрегатлашган иқтисодий индикаторлар» ва «бизнес фаолиятини таснифлаш» статистик кўрсаткичлари ишлаб чиқилган;
кичик корхона ва микрофирмаларнинг ривожланиш самарадорлигини ташкилий, иқтисодий, ижтимоий, технологик, инновацион каби омилларни эътиборга олган ҳолда статистик баҳолашнинг интеграллашган коэффициенти ишлаб чиқилган 
кўп вариантли эконометрик моделларни қуриш асосида кичик бизнес ва хусусий тадбиркорлик фаолиятининг истиқболдаги ижтимоий-иқтисодий ривожлантиришнинг 2021-2026 йилларга мўлжалланган прогноз кўрсаткичлари ишлаб чиқилган.  
IV. Тадқиқот натижаларининг жорий қилиниши. 
Мамлакатимизда кичик бизнес соҳаси фаолиятини статистик усуллардаги таҳлили ва самарадорлигини баҳолаш бўйича олинган илмий натижалар асосида: 
ишбилармонлик муҳити ва тадбиркорлик фаолиятини ривожлантиришнинг сифат кўрсаткичларини ифодаловчи «тадбиркорлик субъектларининг фаоллиги», «янги тадбиркорлик субъектларининг ўсиши», «кичик бизнесда янги иш ўринларини яратиш» индикаторлари Ўзбекистон Республикаси Президентининг 2020 йил 1 майдаги ПҚ–4702-сон «Ҳудудларни ижтимоий-иқтисодий ривожлантиришни рейтинг баҳолаш тизимини жорий этиш тўғрисида»ги қарорига киритилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2021 йил 29 мартдаги 03/14-01-6/223-сон маълумотномаси). Шунингдек, ишбилармонлик ва тадбиркорликка оид статистик ахборотларни (даврий қаторларнинг мажмуавийлиги, ахборотлар сифати ва тўлиқлилик қамрови) қўшиш асосида кичик бизнес соҳасининг иқтисодий фаолиятини ифодаловчи статистик кўрсаткичлар тизими бўйича таклифлар Ўзбекистон Республикаси Президентининг 2019 йил 17 январдаги ПФ–5635-сон Фармони билан тасдиқланган «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури» лойиҳасини ишлаб чиқишда Ўзбекистон Республикаси Вазирлар Маҳкамаси томонидан фойдаланилган (Ўзбекистон Республикаси Бош вазирининг Тадбиркорлар мурожаатини кўриб чиқиш қабулхоналари фаолиятини ташкил этиш ва мувофиқлаштириш котибиятини 2021 йил 27 мартдаги 21-12-01-сон маълумотномаси). Ушбу таклифлар ҳудудларда кичик тадбиркорлик муҳитининг шаклланиши, ҳудудий-иқтисодий ўсиш ва рақобатбардошлик даражасига таъсирини баҳолаш имконини  оширган;
инвестицион жозибадорлик, инвестицион салоҳият ҳамда реал инвестициялар ҳажмини интеграл кўрсаткичлари асосида кичик бизнес соҳасининг молиявий самарадорлигини баҳолаш услуби бўйича таклифлар Ўзбекистон Республикаси Президентининг 2019 йил 17 январдаги ПФ–5635-сон Фармони билан тасдиқланган «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури»нинг 79-бандини ишлаб чиқишда инобатга олинган (Ўзбекистон Савдо-саноат палатасининг 2020 йил 9 декабрдаги 4/05-16-10260-сон маълумотномаси). Ушбу янгиликлар кичик бизнес ва хусусий тадбиркорлик фаолиятини ифодаловчи статистик кўрсаткичлар тизимини даврийлигини таъминлашда, вақтли қаторлардан самарали фойдаланиш, кўрсаткичларни тизимли  баҳолаш имкониятларини 10-15 фоизга оширишга хизмат қилган;
кичик бизнес соҳаси фаолиятини тавсифловчи омиллар (ишлаб чиқариш, технологик, меҳнат, молиявий, ташқи ва инновацион) ва ташкилий-иқтисодий механизмлар ҳисобига инновацион-иқтисодий самарадорликни баҳолаш услуби Ўзбекистон Республикаси Президентининг 2019 йил 17 январдаги ПФ–5635-сон Фармони билан тасдиқланган «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури»нинг 229-бандини ишлаб чиқишда фойдаланилган (Ўзбекистон Республикаси Бош вазирининг Тадбиркорлар мурожаатини кўриб чиқиш қабулхоналари фаолиятини ташкил этиш ва мувофиқлаштириш котибиятининг  2021 йил 27 мартдаги 21-12-01-сон маълумотномаси). Мазкур янгиликлар натижасида кичик бизнес ва хусусий тадбиркорлик фаолиятини ифодаловчи молиявий кўрсаткичлар самарадорлигини комплекс баҳолаш имкониятлари 10-12 фоизга оширишга эришилган;
кичик бизнес соҳасининг стратегик йўналишларини эътиборга олган ҳолда истиқболли ривожлантиришнинг ўрта муддатга мўлжалланган статистик прогноз кўрсаткичларини ишлаб чиқиш бўйича таклифлар Ўзбекистон Республикаси Президентининг 2019 йил 17 январдаги ПФ–5635-сон Фармони билан тасдиқланган «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури»нинг 91-бандини ишлаб чиқишда фойдаланилган (Ўзбекистон Республикаси Иқтисодий тараққиёт ва камбағалликни қисқартириш вазирлигининг 2021 йил 29 мартдаги 03/14-01-6/223-сон маълумотномаси). Бу эса ҳудудлардаги кичик бизнес соҳасининг келгусидаги ривожланиш истиқболларини баҳолаш имкониятларини кенгайтирган.