Бабаев Самандар Самиевичнинг
фалсафа доктори (PhD) диссертация ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Квадрати билан интегралланувчи дифференциалланувчи функциялар оптимал аппроксимацияси», 01.01.03 – Ҳисоблаш математикаси ва дискрет математика (физика-математика фанлари).
Диссертация мавзуси рўйхатга олинган рақам: В2019.2.PhD/FM341.
Илмий раҳбар: Ҳаётов Абдулло Раҳмонович, физика-математика фанлари доктори.
Диссертация бажарилган муассаса номи: Бухоро давлат университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.FM.01.02.
Расмий оппонентлар: Нормуродов Чори Бегалиевич, физика-математика фанлари доктори, профессор; Худойберганов Мирзоали Уразалиевич, физика-математика фанлари номзоди, доцент.
Етакчи ташкилот: Қорақалпоқ давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади:   Гильберт фазосида оптимал интерполяцион формулалар қуриш, Фурье интегралларини тақрибий ҳисоблаш учун оптимал квадратур формулалар яратиш ва уларнинг хатоликларини баҳолашдан иборат.
III. Тадқиқотнинг илмий янгилиги:
Гильберт фазосида маълум кўринишдаги интерполяцион формулаларнинг хатолик функционали нормаси ҳисобланган;
фазосида оптимал интерполяцион формулалар коэффициентларини топиш учун олинган чизиқли тенгламалар системаси ечимининг мавжудлиги ва ягоналиги исботланган;
фазосида оптимал интерполяцион формулалар коэффициентларининг ошкор ифодалари топилган;
фазосида Фурье интегралларини тақрибий ҳисоблаш учун квадратур формулалар хатолик функционалининг нормаси ҳисобланган;
фазосида Фурье интегралларини тақрибий ҳисоблаш учун оптимал квадратур формулалар коэффициентлари топилган;
фазосида Фурье интегралларини тақрибий ҳисоблаш учун қурилган оптимал квадратур формулалар ёрдамида компьютер томографияси тасвирлари қайта тикланган.
IV. Тадқиқот натижаларининг жорий қилиниши: 
Квадрати билан интегралланувчи дифференциалланувчи функциялар оптимал аппроксимацияси бўйича олинган илмий натижалар асосида:
ва   фазоларида қурилган оптимал интерполяцион сплайн формулалардан №А-13-3 «Қайта тикланувчи энергия манбалари қурилмаларини янада такомиллаштириш ва улардаги жараёнларни моделлаштиришни тадқиқ қилиш» амалий лойиҳада қайта тикланувчи энергия манбалари қурилмаларидаги иссиқлик жараёнларини математик моделини ифодаловчи дифференциал тенгламаларни сонли ечиш аниқлигини оширишда ва атроф кўрсатгичларининг вақт бўйича интерполяциясини аниқлашда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 1 февралдаги 89-03-416-сон маълумотномаси). Натижада, иссиқхоналардаги иссиқлик тарқалишини ифодаловчи математик моделлар ечимларида уларнинг геометрик ўлчамларининг оптимал қийматларини топиш имконини берган;
квадрати билан интегралланувчи дифференциалланувчи функциялар оптимал аппроксимацияси формулаларидан №М/Узб-КНР-19/2015 “Наносуюқликли иссиқлик ташувчиларнинг иссиқлик физикавий хоссалари ва уларнинг паст потенциалли қуёш қурилмалари иссиқлик-техникавий характеристикаларига таъсирини тадқиқ қилиш” номли лойиҳада қуёш иссиқлик қурилмаларининг иссиқлик режимини моделлаштиришда атроф ҳавоси температураси, қурилма сиртига тушувчи йиғинди қуёш нурланиши қувватининг қаралаётган вақтдаги қийматлари шунингдек, қурилма ичидаги суюқликнинг иссиқлик физикавий хоссаларини аниқлашда фойдаланилган (Ўзбекистон Республикаси Фанлар академиясининг 2020 йил 21 сентябрдаги 2/1255-1944-сон маълумотномаси). Натижада, қуёш иссиқлик қурилмаларида наносуюқликли иссиқлик ташувчиларни қўллашда уларнинг иссиқлик хоссаларининг сонли параметрларини аниқлаш имконини берган.