Сандибоев Алишер Назарбековичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Маймурғ мулклиги илк ўрта асрларда (археологик ва ёзма манбаларасосида)», 07.00.06-Археология (тарих фанлари).
Диссертация мавзуси рўйхатга олинган рақам: В2020.2.PhD/Tar689.
Илмий раҳбар: Ширинов Тимур Ширинович, тарих фанлари доктори, профессор.
Диссертация бажарилган муассаса номи: Миллий археология маркази.
ИК фаолият кўрсатаётган муассаса номи, ИК рақами: Миллий археология маркази, DSс.02/02.30.12.2019.Tar.45.01.
Расмий оппонентлар:Асқаров Аҳмадали Асқарович, тарих фанлари доктори, профессор, академик; Бердимуродов Амриддин Эргашович, тарих фанлари номзоди.
Етакчи ташкилот: Термиз давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади археологик ва ёзма манбалар асосида Маймурғ мулклигининг илк ўрта асрлар тарихини ёритишдан иборат.
III. Тадқиқотнинг илмий янгилиги:
Маймурғ тарихига доир хитой ва араб-форс ёзма маълумотлар билан археологик материалларни қиёсий ўрганиш орқали мулкликнинг тарихий топографияси, сиёсий чегараси аниқланиб, унинг археологик харитаси яратилган;
археологик ёдгорликларнинг тузилиши, тавсифи ва таҳлилига, шунингдек, ёзма манбалардаги маълумотларга асосланиб,Санжарфағн рустоқи Қўрғонтепа археологик ёдгорлиги билан, Новзандак эса шу ном билан юритилган ёдгорлик билан локализация қилинган ҳамда уларнинг тарихий топографиясига илмий изоҳ берилган;
Қулдортепа, Кофирқалъа, Ёнчашма, Ишчантепа, Истахартепа, Шаидтепа I, Работтепа I, Қорачекмонтепа I ёдгорликларидаги қазишмаларда аниқланган моддий маданияти, жумладан, меъморчилиги, ҳунармандчилигини ёзма манбалар билан қиёсий ўрганиш орқали Маймурғ мулклигининг шаклланиши, тараққиёти, таназзулининг сабаблари очиб берилган ҳамда унинг сиёсий, иқтисодий, маънавий маданияти ва савдо муносабатлари тарихи ёритилган;
илк ўрта асрлар даврига оид Кофирқалъа шаҳар харобаси атрофидан очилган пишириш қавати гумбазсимон усулда ёпилган икки ярусли хумдонлар кулолчилик идишларини пиширишда қулайлиги, ёқилғи маҳсулотларини ишлатишда тежамкор эканлиги этнографик маълумотлар асосида исботланган. 
IV. Тадқиқот натижаларининг жорий қилиниши.
«Маймурғ мулклиги илк ўрта асрларда (археологик ва ёзма манбалар асосида)» мавзусидаги фалсафа доктори илмий даражасини олиш учун ёзилган диссертация бўйича қўлга киритилган илмий натижалар асосида:
Кофирқалъа ёдгорлигининг кулолчилик буюмлари Самарқанд давлат музей-қўриқхонаси «Илк ўрта асрлар даври» экспозициясида фойдаланилган (Маданият вазирлигининг 2020 йил 4 июндаги № 01-12-10-2223-сон маълумотномаси). Музей экспонатлари орасидан жой олган ушбу ҳунармандчилик буюмлари Суғдда яшаган аждодларимизнинг турмуш тарзи, хўжалиги, маиший ваиқтисодий ҳаёти ҳақида музейга ташриф буюрувчиларга зарур маълумотларни беришда хизмат қилган;
Кофирқалъа ёдгорлигининг тарихий топографияси, географик ўрни, унда олиб борилган археологик тадқиқотлар таснифи, қурилиш меъморчилиги ҳақидаги маълумотлар Ўзбекистон Республикаси Туризмни ривожлантириш давлат қўмитасининг янги археологик туристик йўналишлар ҳамда маршрутларни ишлаб чиқиш дастурига жорий этилган (Ўзбекистон Республикаси Туризмни ривожлантириш давлат қўмитасининг 2020 йил 22 июндаги № 02-16/3015-сон маълумотномаси). Натижада, мамлакатимизда туристик салоҳиятни ошириш, ички ва ташқи туризмни ривожлантириш имконияти яратилган;
Тадқиқот натижалари илмий хулоса ва тавсияларидан Ўзбекистон миллий телерадиокомпанияси тизимидаги «Dunyо bo’ylab» телеканалининг «Экспедиция», «Сув ёқалаб», «Тафсилот» ва «Ўтмишга саёҳат» каби телекўрсатувлари сценарийсини тайёрлашда фойдаланилган (Ўзбекистон Миллий телерадиокомпанияси «Dunyо bo’ylab» телеканали давлат унитар корхонасининг 2020 йил 3 июндаги 08-14-160-сон маълумотномаси). Кўрсатувлар томошабинларни илк ўрта асрлар Суғд тарихи, унинг моддий ва маънавий маданиятига доир янги маълумотлар билан таништиришга хизмат қилган.