Насирова Умида Камоловнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Инглиз тилини ўқитишда касб-ҳунар коллежлари талабаларининг  нутқий компетенциясини ривожлантириш”, 13.00.02 – Таълим ва тарбия назарияси ва методикаси (инглиз тили) (педагогика фанлари).
Диссертация мавзуси рўйхатга олинган рақам: B2019.2.PhD/Ped981. 
Илмий раҳбар: Ахмедова Лайлохон Толибжоновна, педагогика фанлари доктори, профессор.
Диссертация бажарилган муассаса номи: Ўзбекистон давлат жаҳон тиллар университети.
ИК фаолият кўрсатаётган муассаса номи, ИК рақами: Ўзбекистон давлат жаҳон тиллари университети, DSc.03/30.12.2019.Fil/Ped.27.01.
Расмий оппонентлар: Тўхтасинов Илҳомжон Мадаминович,  педагогика фанлари доктори, доцент; Мисиров Соҳибжон Абдупаттайевич, педагогика фанлари номзоди, доцент.
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади касб-ҳунар коллежлари ўқувчиларига инглиз тилини ўргатишда нутқ компетенциясини ривожлантиришдан иборат.
III. Тадқиқотнинг илмий янгилиги:
алоқа ва ахборот технологиялари касб-ҳунар коллежлари ўқувчиларининг оғзаки нутқида учрайдиган одатий ва кенг тарқалган нутқий хатолар типологиясини аниқлаш натижасида нутқ компетенциясини шакллантиришга асосланган инновацион методлар ривожлантирилган;
касб-ҳунар коллежлари ўқувчиларига дуал тизим орқали инглиз тилини ўқитишда нутқий компетенцияни ривожлантириш, мулоқот қилиш, диалогик ва монологик нутқни эгаллаш каби қийинчиликларни аниқлаш асосида оғзаки нутқни ривожлантириш методикаси назарияси такомиллаштирилган;
алоқа ва ахборот технологиялари касб-ҳунар коллежлари ўқувчиларининг инглиз тилида оғзаки нутқ компетенциясини ривожлантирувчи ҳамда мутахассисликка мос ва касбга йўналтиришга асосланган  тизимлаштирилган ва дастурлаштирилган ахборот таъминоти  таклиф этилган;
алоқа ва ахборот технологиялари соҳаси бўйича кичик мутахассисларнинг инновацион таълим технологиялари нутқ компетенциясини ривожлантиришнинг методик таъминоти (ESP) – янги инновацион  интерфаол методлар ва таклиф этилган дидактик материаллар интеграцияси орқали такомиллаштирилган.
IV. Тадқиқот натижаларининг жорий қилиниши.
Инглиз тилини ўқитишда касб-ҳунар коллежлари талабаларининг нутқий компетенциясини ривожлантириш бўйича олинган илмий натижалар асосида: 
алоқа ва ахборот технологиялари йўналиши касб-ҳунар коллежлари ўқувчиларининг оғзаки нутқида учрайдиган одатий ва кенг тарқалган нутқий хатолар типологиясини аниқлаш асосида олинган хулосалардан Тошкент ахборот технологиялари университети қошидаги тайёрлов курсларида дастлабки тест, дарс ва дарсдан ташқари машғулотларда инглиз тилида мулоқот (монолог ва диалог)ни шакллантиришга оид мавзуларни ишлаб чиқишда, оғзаки нутқни ривожлантириш учун мўлжалланган ўқув материаллари,  интерфаол дарслар ҳамда якуний тест орқали ўқувчиларнинг инглиз тили коммуникатив кўникмаларини ўқув жараёнига жорий этишда  фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 30 октябрдаги 89-03-4202-сонмаълумотномаси). Натижада, хорижий тиллар бўйича ўқув-услубий мажмуалар мазмуни бойитилган;
касб-ҳунар коллежлари ўқувчиларига дуал тизим орқали инглиз тилини ўқитишда нутқий компетенцияни ривожлантириш, мулоқот қилиш, диалогик ва монологик нутқни эгаллаш юзасидан олинган хулосалардан Чет тилларни ўқитишнинг инновацион методикаларини ривожлантириш Республика илмий-амалий маркази ўқитувчиларнинг касбий қайта тайёрлов ва малака ошириш курсларида  “Оғзаки нутқ амалиёти” ҳамда Республика тил ўқитиш марказининг “Инглиз тилини ўқитиш методикаси” фанлари бўйича ўқув-услубий мажмуаларни тайёрлашда фойдаланилган (ЎзДЖТУ ҳузуридаги Чет тилларни ўқитишнинг инновацион методикаларини ривожлантириш Республика илмий-амалий марказининг 2019 йил 27 сентябрдаги 10-05/121-сон ҳамда Республика тил ўқитиш марказининг 2020 йил 10 январдаги 2/РЦ-сон маълумотномаси). Натижада, касб-ҳунар таълими йўналиши ўқувчиларига хорижий тилларни мутахассисликка мос ҳолда ўқитишни такомиллаштириш имконини берган;
алоқа ва ахборот технологиялари касб-ҳунар коллежлари ўқувчиларининг инглиз тилида оғзаки нутқ компетенциясини ривожлантирувчи ҳамда мутахассисликка мос ва касбга йўналтиришга асосланган  тизимлаштирилган ва дастурлаштирилган ахборот таъминотига оид хулосалардан Педагогик инновациялар, касб-ҳунар таълими бошқаруви ҳамда педагог кадрларни қайта тайёрлаш  ва уларнинг малакасини ошириш институти ўқув курсларининг “Инновацион муҳит” ҳамда Республика касб-ҳунар коллежларида ўқитиладиган “Инглиз тили” фанлари бўйича ўқув–услубий мажмуаларини тайёрлаш ва такомиллаштиришда фойдаланилган (Ўзбекистон Республикаси Олий ва ўрта махсус таълим вазирлигининг 2019 йил 25 октябрдаги 89-03-4154-сон маълумотномаси). Натижада, ушбу ахборот таъминоти ўқувчиларнинг оғзаки нутқ компетенциясини шакллантириш ва мустақил ишларини такомиллаштириш имконини берган;
алоқа ва ахборот технологиялари соҳаси бўйича кичик мутахассисларнинг инновацион таълим технологиялари нутқ компетенциясини ривожлантиришнинг методик таъминоти (ESP) – янги инновацион  интерфаол методлар ва таклиф этилган дидактик материаллар интеграцияси асосида такомиллаштирилган ўқувчилар оғзаки нутқ компетенциясини шакллантирувчи методик таъминот “Тил кўникмалари интеграцияси” фанининг ўқув-методик комплексини бойитишга хизмат қилган (ЎзДЖТУ ҳузуридаги Чет тилларни ўқитишнинг инновацион методикаларини ривожлантириш Республика илмий-амалий марказининг 2019 йил 27 сентябрдаги 10-05/121-сон маълумотномаси). Натижада, касб-ҳунар таълими йўналишларида инглиз тилини ўқитишнинг методик асослари такомиллаштирилган.