Мирзахмедов Рустамжон Мирхамидовичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Рений (III) ионини сорбцион-спектроскопик аниқлаш усулини ишлаб чиқиш», 02.00.02 – Аналитик кимё (техника фанлари).
Диссертация мавзуси рўйхатга олинган рақам: В2022.1.PhD/Т2598.
Илмий раҳбар: Сманова Зулайхо Асаналиевна, кимё фанлари доктори, профессор. 
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Тошкенткимё-технология институти ҳузуридаги DSc.03/30.12.2019.K/T.04.02 рақамли илмий кенгаш асосидаги бир марталик илмий кенгаш. 
Расмий оппонентлар: Абдурахмонов Эргашбой, кимё фанлари доктори, профессор; Набиев Абдурахим Абдуҳамидович, техника фанлари бўйича фалсафа доктори (PhD), доцент.
Етакчи ташкилот: Умумий ва ноорганик кимё институти.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: саноат ва атроф-муҳит объектларидаги оқава чиқинди технологик сувлари ва рух кеки таркибидаги рений (III) ионини сорбцион – спектроскопик  аниқлаш усули ишлаб чиқишдан иборат.
III. Тадқиқотнинг илмий янгилиги:
рений (III) ионини висмутол-2 реагент билан иммобилланган ППА – 1, ППМ – 1, ПАН – ГМДА толалари ёрдамида аниқлашнинг оптимал шароитлари танланган;
висмутол – 2 реагентини рений (III) иони билан комплекс хосил қилиш оптимал шароитлари ва механизми аниқланган; 
аналитик ва метрологик параметрлари баҳоланган, рений (III) ионини миқдорини аниқлаш чегараси эритмага нисбатан иммобилланган холатда 10 баробар ошиши аниқланган;
рений (III) ионини аниқлашнинг сорбцион - спектроскопик усули ишлаб чиқилган;
рений (III) ионини технологик эритма таркибидан ажратиб олишнинг схемаси ишлаб чиқилган.  
IV. Тадқиқот натижаларининг жорий қилиниши:
Ишлаб чиқилган иммобилланган висмутол – 2 органик реагенти билан рений (III) ионини сорбцион-спектроскопик аниқлаш усули бўйича олинган илмий натижалар асосида:
иммобилланган органик реагентлар ёрдамида рений (III) ионини  аниқлашнинг сорбцион-спектроскопик усули «Олмалиқ КМК» АЖнинг мис бойитиш фабрикасида амалиётга жорий этилган («Олмалиқ КМК» АЖнинг 2022 йил 19 январдаги AA-000531-сон маълумотномаси). Натижада, саноат оқава чиқинди технологик сувларда рений (III) ионини аниқлаш имконини берган;
рений ионларини аниқлаш ва ажратиш усули «Олмалиқ КМК» АЖнинг «Рух заводи» аналитик кимё лабораториясида амалиётга жорий этилган («Олмалиқ КМК» АЖнинг 2021 йил 17 декабрдаги 45-сон маълумотномаси). Натижада, саноат оқава чиқинди технологик сувлар таркибидаги рений (III) ионларини аниқлаш ҳамда самарали тозалаш имконини берган.