Муратов Абобакр Холикбердиевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қурилиш объектларига сочилувчан юкларни ташиш технологиясини такомиллаштириш», 05.08.06 – Ғилдиракли ва гусеницали машиналар ва уларни ишлатиш (техника фанлари).
Диссертация мавзуси рўйхатга олинган рақам: В2021.4.PhD/Т2540
Илмий раҳбар: Кузиев Абдимурот Урокович, техника фанлари номзоди, доцент.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Тошкент давлат транспорт университети, DSc.18/30.12.2019.Т.09.01.
Расмий оппонентлар: Халмухамедов Азиз Суръатович, техника фанлари доктори, доцент;  Илесалиев Дауренбек Ихтиярович, техника фанлари доктори, доцент. 
Етакчи ташкилот: Наманган муҳандислик-қурилиш институти.
Диссертация йўналиши: Техника йўналиши. Назарий ва амалий аҳамиятга молик.
II. Тадқиқотнинг мақсади: қурилиш объектларига сочилувчан қурилиш юкларини ташишда автомобиль транспорти воситалари ва юк жўнатиш пунктларининг иш вақтларидан самарали фойдаланиш услубини такомиллаштиришдан иборат.
III. Тадқиқотнинг илмий янгилиги:
юк ташишда автомобиль транспорти воситаси унумига техник-эксплуатацион кўрсаткичларнинг боғлиқлиги корреляция-регрессия моделлаштириш асосида тадқиқ этилган; 
автомобиль транспорти ва юклаш воситаларининг техник-эксплуатацион кўрсаткичлари асосида дискрет ва узлуксиз ҳолатларда хизмат кўрсатиш тизимига кириб келаётган автомобиль транспорти воситаларининг ишини тезкор ва самарали режалаштириш услуби ишлаб чиқилган;
автомобиль транспорти ва уларга хизмат кўрсатувчи юклаш воситаларини рационал тақсимлаш орқали эришиладиган самарадорликни баҳолаш услуби ўзаро кутиб туриш вақтларидан вужудга келувчи кунлик иқтисодий йўқотишларни ҳисобга олган ҳолда ишлаб чиқилган.
реал иш вақти, қатновлар сони ва ташилаётган юкнинг ҳажмий оғирлигини ҳисобга олиш асосида автомобиль транспорти воситалари ва уларга хизмат кўрсатувчи юк жўнатиш пунктларининг иш кўрсаткичларини адекват равишда моделлаштирувчи алгоритми такомиллаштирилган ҳамда дастурий таъминоти ишлаб чиқилган;
IV.Тадқиқот натижаларининг жорий қилиниши: Диссертация тадқиқоти жараёнида олинган илмий натижалар қуйидаги йўналишларда амалиётга жорий қилинган:
автомобиль транспорти воситаларида сочилувчан қурилиш юкларини ташишни ташкил этишнинг самарали технологияси “Сурхон саноат қурилиш” компаниясида жорий этилди (Ўзбекистон Республикаси Транспорт вазирлигининг 2022 йил 16 февралдаги №2/833-390-сонли маълумотномаси). Натижада умумий айланиш вақти 25%га камайди ва эксплуатацион тезлик 3 км/соатга ошди, автомобиль транспорти воситаларининг кунлик ташиш ҳажми 23,8%га ошишига эришилган;
автомобиль транспорти воситаларига хизмат кўрсатиш жараёнини моделлаштириш ва бошқариш, ялпи хизмат кўрсатиш назарияси услублари ва ёндашувлари асосида сочилувчан қурилиш юкларини ташиш технологияси ва алгоритми “Сурхон саноат қурилиш” компаниясида жорий этилди (Ўзбекистон Республикаси Транспорт вазирлигининг 2022 йил 16 февралдаги №2/833-390-сонли маълумотномаси). Натижада истеъмолчиларнинг ташишга бўлган эҳтиёжи (6045 тонна) ўзгармаган ҳолда, қурилиш объектларига хизмат кўрсатиш учун автомобиль транспорти воситаларининг сонига бўлган талаб 95 тадан 67 тага, яъни 29%га, камайишига эришилган;
автомобиль транспорти воситалари ҳамда юклаш воситаларининг иш кўрсаткичларини мувофиқлаштириш масаласининг Python тилида дастурий таъминоти “Сурхон саноат қурилиш” компаниясида жорий этилди (Ўзбекистон Республикаси Транспорт вазирлигининг 2022 йил 16 февралдаги №2/833-390-сонли маълумотномаси). Натижада автомобиль транспорти ва юклаш воситаларининг иш кўрсаткичларини ўзаро мувофиқлаштириш (кутишлардаги ва фойдаланилмай қолган вақтлар) ҳисобига юк ташиш харажатларини 28393,5 сўм/тоннадан 20334 сўм/тоннагача, яъни 28%га тежаш имконини берган.