Шерхаджаева Нозима Нигматуллаевнанинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Қизилмия (Glycyrrhiza Glabra L.) асосидаги тез эрувчан таблетка ва гранулаларнинг технологиясини ишлаб чиқиш», 15.00.01 - Дори технологияси  (фармацевтика фанлари).
Диссертация мавзуси рўйхатга олинган рақам: B2021.1.PhD/Far64.
Илмий раҳбар: Юнусова Холида Маннановна, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Тўхтаев Хаким Рахманович, фармацевтика фанлари доктори, профессор; Халилов Равшанжон Муратджанович, техника  фанлари доктори.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қизилмия қуруқ экстракти  асосида муколитик таъсирга эга янги комбинирланган тез эрувчан таблетка ва грануланинг илмий асосланган таркиби ва технологиясини ишлаб чиқишдан иборат.
III. Тадқиқотнинг илмий янгилиги:
илк бор муколитик таъсирга эга бўлган комбинирланган балғам кўчирувчи «Мукас Форте» таблетка ва гранула таркиби ва технологияси ишлаб чиқилган; 
тавсия қилинаётган «Мукас Форте» таблетка ва гранулаларининг сифатини таҳлил қилиш ва стандартлаш усуллари аниқланган; 
биофармацевтик тадқиқотлар асосида «Мукас Форте» таблетка ва гранулаларининг юқори биосамарадорлиги  исботланган; 
«Мукас Форте»  таблетка шаклидаги дори препаратининг ўзига хос фаоллиги ва безарарлиги аниқланган.
IV. Тадқиқот натижаларининг жорий қилиниши:
Қизилмия (Glycyrrhiza glabra L.) асосидаги тез эрувчан таблетка ва гранулаларнинг технологиясини ишлаб чиқиш бўйича олинган илмий натижалар асосида: 
«Йўталга қарши тез эрувчан таблеткалар таркиби»га Ўзбекистон Республикаси Интеллектуал мулк агентлигининг фойдали моделига патент олинган (№FAP 01790, 31.01.2022 й.). Натижада, доривор ўсимлик хом ашёлари асосида янги комбинирланган тез эрувчан таблеткаларни ишлаб чиқариш имконини берган;
«Мукас Форте» таблеткалари учун корхона фармакопея мақоласи ЎзР ССВ «Дори воситалари, тиббий буюмлар ва тиббий техника экспертизаси ва стандартлаштириш Давлат маркази» ДУКга рўйхатдан ўтказишга тақдим этилган («Дори воситалари, тиббий буюмлар ва тиббий техника экспертизаси ва стандартлаштириш Давлат маркази» ДУКнинг 2022 йил 21 февралидаги №29/01-62-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Мазкур корхона фармакопея мақолаларининг тасдиқланиши балғам кўчирувчи педиатрик дори препаратларини ишлаб чиқариш имконини беради;
«Мукас Форте» таблеткаси учун тажриба-саноат регламентлари «SAMO» МЧЖ   билан ҳамкорликда ишлаб чиқилган ва тасдиқланган (ОПР 42-03873/15745533-2022). Мазкур, ҳужжатларнинг тасдиқланиши натижасида балғам кўчирувчи дори препаратлари учун меъёрий ҳужжатларни ўрнатилган тартибда ишлаб чиқилиши ва рўйхатга олиниши таъминланган;
ўтқазилган клиник олди синовлар натижасида «Мукас Форте» таблеткаларининг специфик фармакологик фаоллиги исботланган  (Ўзбекистон Республикаси Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада ишончли муколитик фаолликга эга бўлган хавфсиз дориларни ишлаб чиқариш имконини берган.