Байназаров Ҳайрулло Рахимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Кузовлари алмашинувчи универсал трактор тиркамалари кўтариб-ағдариш қурилмасининг параметрларини асослаш” 05.08.06–“Ғилдиракли ва гусеницали машиналар ва уларни ишлатиш” ихтисослиги.
Диссертация мавзуси рўйхатга олинган рақам: B2022.1.PhD./T1681
Илмий раҳбар: Шермухамедов Абдулазиз Адилхакович, техника фанлари доктори, профессор.
Диссертация бажарилган муассаса номи: Андижон машинасозлик институти 
ИК фаолият кўрсатаётган муассаса номи, ИК рақами: Андижон машинасозлик институти, PhD.03/30.09.2020.Т.124.01
Расмий оппонентлар: Шарипов Конгратбай Авезимбетович, техника фанлари доктори, профессор; Қаюмов Бахромжон Абдуллажонович, техника фанлари бўйича фалсафа доктори (PhD).
Етакчи ташкилот: Андижон қишлоқ хўжалиги ва агротехнологиялар институти.
Диссертация йўналиши: амалий аҳамиятга молик.
II. Тадқиқотнинг мақсади: Юк кўтарувчанлиги оширилган, кузовлари алмашинувчи универсал трактор тиркамалари кўтариб-ағдариш қурилмасининг параметрлари асослашдан иборат.
III. Тадқиқотнинг илмий янгилиги:
алмашинувчи кузовларнинг геометрик ва кинематик параметрларини танлаш асосида тиркамалар кузовининг кўтарилиш бурчагига мос равишда ағдарилаётган юк массасининг ўзгаришини аналитик боғланишлари аниқланган; 
кузовлари алмашинувчи, универсал шассили тиркамалар кўтариб-ағдариш механизмининг танланган кинематик схемаси асосида, механизм звеноларининг аналитик боғланишлари аниқланган;
тиркама кузовининг кўтарилиш бурчагига мос равишда ағдарилаётган юк массасининг ўзгаришини ҳисобга олган ҳолда кўтариб-ағдариш қурилмаси гидравлик юритмасининг математик модели такомиллаштирилган.
тиркамалар кўтариб-ағдариш қурилмасининг  иш жараёнига ўзгарувчан массали юк, кузовнинг конструктив параметрлари, кўтариш механизми кинематик параметрлари ва гидравлик юритманинг динамик параметрлари комплекс таъсирини ҳисобга олган ҳисоблаш услуби ишлаб чиқилган.
IV. Тадқиқот натижаларининг жорий қилиниши. Тиркамалар кўтариб-ағдариш қурилмасининг параметрларини асослаш бўйича олинган қуйидаги натижалари кузовлари алмашинувчи, универсал шассили тиркаманинг кўтариб-ағдариш қурилмасини ишлаб чикаришда жорий этилган:
турли хил алмашинувчи кузовларда кузовнинг кўтарилиш бурчагига мос равишда ағдарилаётган юк массасини ўзгаришининг аналитик боғланишлари (“Қишлок хўжалиги машинасозлиги конструкторлик-технологик маркази” МЧЖнинг 2021 йил 9 ноябрдаги далолатномаси). Натижада, алмашинувчи кузовларнинг геометрик ва кинематик параметрларини танлаш имконияти яратилган;
универсал шассили тиркамаларнинг кўтариб-ағдариш механизмининг танланган кинематик схемаси асосида унинг звеноларининг аналитик боғланишлари (“Қишлок хўжалиги машинасозлиги конструкторлик-технологик маркази” МЧЖнинг 2021 йил 9 ноябрдаги далолатномаси). Натижада, кўтариб-ағдариш механизмининг кинематик параметрлари асосланган ҳамда уларнинг конструкциялари ишлаб чикилган;
тиркамалар кўтариб-ағдариш қурилмасининг комплекс ҳисоблаш услуби (“Қишлок хўжалиги машинасозлиги конструкторлик-технологик маркази” МЧЖнинг 2021 йил 9 ноябрдаги далолатномаси). Натижада, кўтариб-ағдариш қурилмасининг динамик параметрлари асосланган ва унинг кострукцияси аниқлаштирилган.
Таклиф қилинган кинематик ва динамик параметрлар асосида кузовлари алмашинувчи, универсал шассили тиркаманинг гидравлик тизимини тажриба намунаси ишлаб чиқилган (“Қишлок хўжалиги машинасозлиги конструкторлик-технологик маркази” МЧЖнинг 2021 йил 9 ноябрдаги далолатномаси) ҳамда лобаратория шароитларида синовдан муваффақиятли ўтган (“Ўзбекистон қишлоқ хўжалиги техникаси ва технологияларини сертификациялаш ва синаш давлат маркази” нинг 2020-йил 30-ноябрдаги далолатномаси).
Тадқиқот натижалари асосида 1 та ЭҲМ дастури (гувохнома № DGU 12121 “Трактор тиркамалари кўтариб-ағдариш қурилмасининг гидравлик тизимини кинематик ва динамик хисоблаш дастури”) рўйхатга олинган.