Ochilov Mannon Musinovichning falsafa doktori (PhD) dissertatsiyasi himoyasi haqida e’lon
 
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «O‘zbek tilidagi uzluksiz nutqni tanish texnologiyasi, algoritmlari va dasturiy majmuasi», 05.01.04 – Hisoblash mashinalari, majmualari va kompyuter tarmoqlarining matematik va dasturiy ta’minoti (texnika fanlari).
Dissertatsiya mavzusi ro‘yxatga olingan raqam: B2022.2.PhD/T2747.
Ilmiy rahbarning F.I.Sh., ilmiy darajasi va unvoni: Musaev Muxammadjon Maxmudovich, texnika fanlari doktori, professor.
Dissertatsiya bajarilgan muassasa nomi: Muhammad al-Xorazmiy nomidagi Toshkent axborot texnologiyalari universiteti.
IK faoliyat ko‘rsatayotgan muassasa nomi, IK raqami: Muxammad al-Xorazmiy nomidagi Toshkent axborot texnologiyalari universiteti,DSc.13/30.12.2019.T.07.01.
Rasmiy opponentlar:Xamdamov Utkir Raxmatullaevich, texnika fanlari doktori, dotsent; Norov Abdisait Muradovich, texnika fanlari falsafa doktori, dotsent.
Etakchi tashkilot nomi: Samarqand davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi nutqni tanish yondashuvlaridan foydalanib o‘zbek tilidagi uzluksiz nutqni tahlil qilish texnologiyasini ishlab chiqish  va sun’iy intellekt usullari asosida  algoritmlar va dasturiy majmua yaratishdir.
III. Tadqiqotning ilmiy yangiligi quyidagilardan iborat:
o‘zbek tilidagi katta lug‘at hajmiga ega va uzluksiz nuqni tanishda
End-to-End integral modeliga asoslangan neyron tarmoq arxitekturalarini yaratish bosqichlari va til modellari ishlab chiqilgan;
nutq korpusi hajmini kengaytirish orqali o‘zbek tilidagi nutqni tanish tizimining aniqligini oshirish usullari taklif etilgan;
veb texnologiyalari va ijtimoiy tarmoq xizmatlari asosida nutq korpusini shakllantirish va sifatini avtomatik ravishda tekshirish algoritmlari va qulay interfeysi yaratilgan;
katta lug‘at hajmiga ega uzluksiz nutqni tanish texnologiyasi, ishlash funksional tuzilmasi va dasturiy modullari ishlab chiqilgan.
IV. Tadqiqot natijalarining joriy qilinishi. Katta lug‘at hajmiga ega o‘zbek tilidagi uzluksiz nutqni tanish muammosini hal qilish bilan bog‘liq ilmiy natijalarga asoslanib:
sinovdan o‘tkazish va amaliy masalalarni echish uchun  o‘zbek tilidagi uzluksiz nutqni avtomatik tanib olish uchun taklif etilgan algoritmlar va dasturiy majmua «Qurilishda muhandislik qidiruvlari, geoaxborot va shaharsozlik kadastri loyiha ilmiy-tekshirish instituti» ning elektron hujjatlar almashuvining avtomatlashgan axborot tizimi amaliy faoliyatiga joriy etilgan (Axborot texnologiyalari va kommunikatsiyalarni rivojlantirish vazirligining 2022 yil 21 aprel` 33-8/2365-son ma’lumotnomasi). Ilmiy tadqiqot natijasi tashkilotning tadqiqot ishlari bajarilishi jarayonida matnli xujjatlar shakllantirilishini 17-23 foizga tezkor amalga oshirish imkonini bergan.