Маманазаров Муродали Мамадали ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Иккиламчи хомашёлар асосида Клаус жараёни катализаторларини олиш технологиясини ишлаб чиқиш», 02.00.11 – Коллоид ва мембрана кимёси (техника фанлари).
Диссертация мавзуси рўйхатга олинган рақам: В2021.4.PhD/Т2456.
Илмий раҳбар: Юсупов Фарҳод Маҳкамаович, техника фанлари доктори, профессор.
Диссертация бажарилган муассаса номи: Умумий ва ноорганик кимё институти.
ИК фаолият кўрсатаётган муассаса (муассасалар) номи, ИК рақами: Умумий ва ноорганик кимё институти, DSc.02/30.12.2019.K/T.35.01.
Расмий оппонентлар: Юнусов Мираҳмад Пўлатович, техника фанлари доктори, профессор; Адизов Бобир Замирович, техника фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: иккиламчи хомашёлар асосида Клаус жараёнида қўлланиладиган янги самарали катализаторлар олиш технологиясини ишлаб чиқишдан иборат.
III. Тадқиқотнинг илмий янгилиги:
Шўртангаз кимё мажмуаси (ШГКМ) чиқиндиси  асосида катализатор ташувчиси олишнинг мақбул шароитлари ва компонентларнинг мақбул миқдори аниқланган;
катализатор намуналарининг каталитик хоссалари унинг таркибидаги фаол компонентлар миқдори ва уларни қўшиш усулига боғлиқлиги аниқланган;
катализатор намуналарини олиш жараёнида намуна таркибида алюминий оксидининг паст ҳароратли фазалари миқдори ортиши аниқланган;
катализатор таркибига CaO ва TiO2 (ёки MgO ва V2O5) оксидлари биргаликда киритилиши намунанинг каталитик хоссаларини 15-20% га яхшилаши исботланган;
алюминий оксидли адсорбент (ШГКМ) чиқиндиси ва фаол компонентлар иштирокида олтингугурт олиш жараёнида қўлланиладиган самарали катализатор олиш технологияси ишлаб чиқилган.
IV. Тадқиқот натижаларининг жорий қилиниши: 
Иккиламчи хомашёлар асосида Клаус жараёни катализаторларини олиш технологиясини ишлаб чиқиш бўйича олинган илмий натижалар асосида:
иккиламчи хомашёлар асосида Клаус жараёни катализаторларини олиш учун техник шарт «Ўзбекнефтегаз» АЖ Муборак ГҚИЗ билан келишилган ва Ўзбекистон Республикаси Санитария-эпидемиологик осойишталик ва жамоат саломатлиги хизмати тамонидан тасдиқланган (Ts23766064-14:2021). Мазкур техник шарт маҳсулотнинг сифати ва технологик жараёнини назорат қилиш имконини берган;
иккиламчи хомашёлар асосида олтингугурт олишда қўлланиладиган катализаторлар олиш технологияси «Ўзбекнефтегаз» АЖ да ишлаб чиқариш жараёнларига жорий этилади («Ўзбекнефтегаз» АЖнинг 2021 йил 15 декабрдаги 03-17-5/199-сон маълумотномаси). Натижада, Клаус жараёнида қўлланиладиган импорт катализаторни маҳаллий катализатор билан алмаштириш, олтингугуртнинг тан нархини арзонлаштириш имконини беради.