Шарипов Фарходжон Фазлитдиновичнинг
фалсафа доктори (PhD) диссертация ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Санитар қурилиш буюмларини олиш учун механик фаоллаштирилган хомашё композициялари асосида керамик массалар таркибини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: B2022.1.PhD/T2601.
Илмий раҳбар: Туляганова Васила Сунатиллаевна, техника фанлари доктори, катта илмий ходим.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Талипов Ниғматилла Хамидович, техника фанлари доктори; Юлчиева Сурайё Бахрамовна, техника фанлари доктори.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: санитар қурилиш буюмларини олиш учун механик фаоллаштирилган хомашё композициялари асосида керамик массалар таркибини ишлаб чиқишдан иборат.
III. Тадқиқотнинг илмий янгилиги:
санитар-курилиш материалини олиш учун композиция таркибига кирувчи Навойи бентонитининг минералогик таркиби монтмориллонит, каолинит, гидрослюда, кварц, альбит, анортитдан иборатлиги аниқланган;
Қорақалпоқ глауконитли тупроғи таркибида глауконит, монтмориллонит, гидрослюда, каолинит борлиги сабабли унинг ўтга чидамлилиги 11500С, пластиклиги 12, пишиш интервали 1100С лиги аниқланган;
шликерни механик фаоллаштиришнинг оптимал вақти ҳамда механофаоллаштиришда йирик заррачалар миқдорининг камайиши Карпиловский ва Товаров тенгламаларига мос равишда содир бўлиши аниқланган;
механик фаоллаштирилган хомашёлар асосида санитар-қурилиш керамик композицияларини пишириш вақтида янги кристалл фазалар хосил бўлиш жараёни интенсивлашиши паст хароратда содир бўлиши аниқланган;
ҳосил бўлган кристалл фазалар таъсирида материалнинг керамик-технологик хоссаларини ўзгариш механизми аниқланган.
IV. Тадқиқот натижаларининг жорий қилиниши:
Санитар қурилиш буюмларини олиш учун механик фаоллаштирилган хомашё композициялари асосида керамик массалар таркибини ишлаб чиқиш бўйича олинган илмий натижалар асосида:
механик фаоллаштирилган маҳаллий минерал хомашёлар асосида санитар қурилиш буюмлари олиш учун ишлаб чиқилган композицион керамик массанинг самарали таркиби «LAZIZ» МЧЖда амалиётга жорий этилган («O`ZBEKISTON QURILISH MATERIALLARI SANOATI KORXONALARI UYUSHMASI»нинг 2022 йил 14 мартдаги 05/15-680-сон маълумотномаси). Натижада, механик фаоллаштирилган минерал хомашёлар асосидаги композицион керамик масса, санитар қурилиш буюмларини ишлаб чиқариш хомашё базасини кенгайтиришга ва четдан импорт қилинадиган хомашёларни камайтириш имконини берган;
санитар-қурилиш буюмлари олиш учун глауконитли тупроқ, бентонит, каолин ва кварц қуми асосида ишлаб чиқилган керамик композицион материалларнинг мақбул таркиби «LAZIZ» МЧЖда амалиётга жорий этилган («O`ZBEKISTON QURILISH MATERIALLARI SANOATI KORXONALARI UYUSHMASI»нинг 2022 йил 14 мартдаги 05/15-680-сон маълумотномаси). Натижада, пишиш хароратини эталонга нисбатан 30 0С га камайиши, ёнилғи энергетик ресурсларини тежаш ва тайёр маҳсулот таннархини пасайтириш имконини берган.
