Ганиева Дилноза Фуркатовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Табиий жун толасини модификациялаш учун махаллий хомашё ва органик ингредиентлар асосидаги полимер композициясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: B2022.1.PhD/T2600.
Илмий раҳбар: Давлатов Расулжон Маматкулович, техника фанлари доктори, доцент.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Набиева Ирода Абдусаматовна, техника фанлари доктори, профессор. 
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: табиий жун толасини модификациялаш учун махаллий хом-ашё ва органик ингредиентлар асосидаги полимер композициясини ишлаб чиқишдан иборат.
III. Тадқиқотнинг илмий янгилиги:
жун толаларини модификациялаш учун мўлжалланган, бўялувчанлигини ва мустаҳкамлик хусусиятларини оширишга имкон берадиган поли-тўртламчи аммоний тузлари ва серицинни ўз ичига олган модификацияловчи композицияларнинг рационал таркиби ишлаб чиқилган;
модификацион таркиб компонентларининг вазифаси ва модификаторнинг жун билан ўзаро таъсир механизми аниқланган;
жун толасининг бўялиш сифатига ва деформацион мустаҳкамлик ҳусусиятларига модификацияловчи агент табиатининг ва композиция таркибининг таъсири аниқланган;
полимер композицияси компонентларининг жун кератини билан ўзаро таъсири аниқланган;
серицин ва сувда эрувчан полимер композицияси компонентлари функционал гуруҳларининг жун толасининг тузилиши ва физик-механик хусусиятларига таъсир даражаси аниқланган.
IV. Тадқиқот натижаларининг жорий қилиниши:
Табиий жун толасини модификациялаш учун махаллий хом-ашё ва органик ингредиентлар асосидаги полимер композициясини ишлаб чиқиш бўйича олинган илмий натижалар асосида:
ишлаб чиқилган сувда эрувчан полимер композицияси «Кармента-Ян-Текс» МЧЖда жун толаларини модификациялаш жараёнида жорий этилган («O`ZTO`QIMACHILIKSANOAT» уюшмасининг 2022 йил 24 февралдаги 04/25-420-сон маълумотномаси). Натижада, тола узилишини кескин ҳолда камайиши ва физик-механик хоссасини яхшилаш имконини берган;
юқори физик-механик ва эксплуатацион хусусиятларга эга бўлган модификацияланган табиий жун толалари «Кармента-Ян-Текс» МЧЖда бўялиш жараёнида жорий этилган («O`ZTO`QIMACHILIKSANOAT» уюшмасининг 2022 йил 24 февралдаги 04/25-420-сон маълумотномаси). Натижада, полимер функционал звеносининг толага пайвандланиши орқали, жун толасини бўялишини яхшиланишига ҳамда қўлланилаётган бўёқлар интервалини кенгайтириш имконини берган.