Бекмуратова Зульфия Тлеумуратовна
фалсафа доктори (Phd) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “FITTEX ускунасида тиббиёт бинтларини олиш технологиясини ишлаб чиқариш” 05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари)
Диссертация мавзуси рўйхатга олинган рақам: B2022.1.PhD/Т572
Илмий раҳбар: Авазов Комил Рахматович, техника фанлари доктори, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Набиева Ирода Абдусаматовна, техника фанлари доктори, профессор; Эсанова Шазода Мамировна техника фанлари номзоди, доцент.
Етакчи ташкилот: Ўзбекистон табиий толалар илмий-тадқиқот институти.
Диссертация йўналиши: амалий аҳамиятга молик.
II. Тадқиқотнинг мақсади стерил бўлмаган тиббиёт бинтларини FITTEX ускунасида олиш ресурстежамкор қисқартирилган технологиясини ишлаб чиқиш ва технологик режимларини асослашдан иборат.
III. Тадқиқотнинг илмий янгилиги:
стерил бўлмаган тиббиёт бинтларини олишнинг 5 та ўтимга (қайта ўраш, оҳорлаш (тандалаш), ўтказиш (боғлаш), оҳорни ювиш ва фармацевтик корхонасига жўнатиш) қисқартирилган янги технологияси ишлаб чиқилган;
мавжуд хом докани оқартириш технологияси ўрнига дастлаб хом ипларни оқартириш орқали физик-кимёвий хусусиятлари юқори бўлган ип олиш технологияси ва мақбул рецепти ишлаб чиқилган;
олинаётган маҳсулот сифатини бошқариш имконини берувчи омилларга асосланиб, биринчи марта стерил бўлмаган тиббиёт бинтларини ишлаб чиқариш учун саноат регламенти ишлаб чиқилган;
танда ипларининг силжишини камайтириш учун стерил бўлмаган тиббиёт бинтини ишлаб чиқаришнинг технологик параметрлари ва уларнинг рационал қийматлари аниқланган.
IV. Тадқиқот натижаларининг жорий қилиниши: FITTEX ускунасида тиббиёт бинти ишлаб чиқариш технологиясини ишлаб чиқиш бўйича тадқиқотнинг олинган илмий натижалари асосида:
5 та ўтимга қисқартирилган янги технология бўйича МТҲ томонидан назарда тутилган ўлчамларда тиббиёт бинтини шакллантириш усули бўйича Ўзбекистон Республикаси Интеллектуал мулк агентлигининг ("Тиббиёт бинти" IAP №05838-2019й.) ихтирога патенти олинган. Натижада, 12 та ўтим ўрнига 7 та технологик ўтимни қўллаб тиббиёт бинтини олиш технологиясини ишлаб чиқиш имконияти яратилган;
таклиф этилган технология “O’ZTOQIMACHILIKSANOAT” уюшмасининг (“O’ZTOQIMACHILIK-SANOAT” уюшмасининг 2021-йил 30 декабрдаги 04/25-3581-сонли маълумотномаси) саноат ишлаб чиқариш шароитларида, шу жумладан “NUKUSTEXTILE” МЧЖ, JV “ASKLEPIY-SWIFT” LLC жорий этилган. Натижада, FITTEX ускунасида қисқартирилган технология бўйича 5мх5см, 5мх7см, 5мх10см, 5мх14см ўлчамдаги янги ишлаб чиқариш жараёнида шаклланган кенгликдаги, қирралари текис, жарроҳлик амалиётларида қулай бўлган стерил бўлмаган пахта тиббиёт бинтни олиш технологияси ва ўрилиш усулини ишлаб чиқиш имконияти яратилган.
