O‘zbekiston Respublikasi Vazirlar Mahkamasi huzuridagi Oliy attestatsiya komissiyasida joriy yilning 17-18 aprel` kunlari O‘zbekiston Respublikasi Oliy attestatsiya komissiyasining dissertatsiyalar asosiy ilmiy natijalarini chop etish tavsiya etilgan ilmiy nashrlar Ro‘yxatiga kiritilgan milliy ilmiy nashrlar tahririyati vakillari ishtirokida ishchi-seminar tashkil etildi.

Mazkur seminarda chop etilayotgan ilmiy maqolalar sifatini yanada oshirish hamda jurnallarni baholashning milliy reytingi tizimini ishlab chiqish masalalari muhokama qilindi.

Tadbirda O‘zbekiston Respublikasi Oliy attestatsiya komissiyasining dissertatsiyalar asosiy ilmiy natijalarini chop etish tavsiya etilgan ilmiy nashrlar Ro‘yxatiga kiritilgan milliy ilmiy jurnallarning elektron axborot bazasini shakllantirish, ularning reytingini baholash bo‘yicha dasturiy ta’minotni ishlab chiqish va amaliyotga joriy etish bo‘yicha amalga oshirilishi lozim bo‘lgan vazifalar belgilab olindi.