Ваҳобова Сожида Комилжоновнанинг 
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Тукли чигитларни саралайдиган қўш электр майдонли саралагичнинг параметрларини асослаш”, 05.05.07 – Қишлоқ хўжалигида электр технологиялар ва электр ускуналар ихтисослиги (техника фанлари бўйича). 
Диссертация мавзуси рўйхатга олинган рақам: В2021.4.PhD/Т1159.
Илмий раҳбар: Росабоев Абдуқодир Тўхтақўзиевич техника фанлари номзоди, к.и.х.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети, DSc.03/30.12.2019.T.10.01. 
Расмий оппонентлар: Мухаммадиев Ашираф Мухаммадиевич, техника фанлари доктори, профессор; Денмухаммадиев Актам Мавлонович, техника фанлари номзоди, доцент.
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади тукли чигитларни саралаш самарадорлигини ошириш учун қўш электр майдонли саралагични ишлаб чиқиш ва параметрларини асослашдан иборат.
III. Тадқиқотнинг илмий янгилиги:
икки хил шароитда вужудга келадиган электр майдонини бир иш органида бирлаштиришга асосланган, тукли чигитларни физик-механик хоссалари бўйича саралайдиган, биологик хусусиятлари бир-бирига яқин бўлган ва юқори сифатли уруғлик олиш имконини берадиган саралагич қурилмаси ишлаб чиқилган;
уруғларни қўш электр майдонда саралаш технологик жараёнини ифодалайдиган аналитик боғланишлар олинган;
тукли чигитларни иш органи юзасидан ажралиш бурчаклари ва тезликлари уларнинг физик-механик кўрсаткичларига боғлиқ равишда асосланган;
саралагичнинг конструктив ўлчамлари ва иш режимлари саралаш технологик жараёнининг белгиланган сифат кўрсаткичларини таъминлаш шартидан аниқланган;
IV. Тадқиқот натижаларининг жорий қилиниши. Тукли чигитларни саралайдиган қўш электр майдонли саралагичнинг параметрларини асослаш бўйича олинган натижалар асосида:
қўш электр майдонли саралагичга дастлабки талаблар ва унинг конструкциясини лойиҳалаш учун техник топшириқ ишлаб чиқилган. (Қишлоқ хўжалиги вазирлигининг 2021 йил 11 августдаги №02/023-3280-сонли маълумотномаси). Натижада тукли чигитларни саралайдиган қўш электр майдонли саралагич қурилмасини конструкциясини ишлаб чиқиш имконияти яратилган;
тукли чигитларни саралаш учун ишлаб чиқилган қўш электр майдонли саралагич Тошкент вилоятининг Ўртачирчиқ, Юқоричирчиқ ва Янгийўл туманларининг фермер хўжаликларида жорий этилган (Қишлоқ хўжалиги вазирлигининг 2021 йил 11 августдаги №02/023-3280-сонли маълумотномаси). Натижада, уруғлик сарфи 1,5-2,0 мартага камайиб, бир гектар ердан олинадиган ҳосилдорлик 10-15 фоизга кўпайишига эришилган;
қўш электр майдонли саралагични ишлаб чиқаришни ўзлаштириш учун “BMKB-Agromash” AЖ да лойиҳалаш жараёнига жорий этилган (Қишлоқ хўжалиги вазирлигининг 2021 йил 11 августдаги №02/023-3280-сонли маълумотномаси). Натижада, асосланган параметрларга эга тукли чигитларни саралайдиган қўш электр майдонли саралагичнинг тажриба нусхасини тайёрлаш имконияти яратилган.