Алламуратов Балтабай Джумабаевичнинг
фалсафа доктори (PhD) диссертация ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Шимоли-Ғарбий Қизилқум ҳудудида кичик қумсичқонларининг (Meriones meridianus, Meriones libycus, Meriones tamariscinus) экологияси ва уларнинг эпизоотологик-эпидемиологик аҳамияти», 03.00.06 – Зоология (биология фанлари).
Диссертация мавзуси рўйхатга олинган рақам: B2021.3.PhD/B637.
Илмий раҳбар: Асенов Гаппар, биология фанлари доктори, доцент.
Диссертация бажарилган муассаса номи: Қорақалпоқ давлат университети.
ИК фаолият кўрсатаётган муассаса (муассасалар) номи, ИК рақами: Қорақалпоқ давлат университети, PhD.03/30.12.2019.В.20.04.
Расмий оппонентлар: Жугинисов Тангиберген Исаевич, биология фанлари доктори, доцент; Шакарбаев Улуғбек Абдулакимович, биология фанлари бўйича фалсафа доктори, катта илмий ходим.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Шимоли-Ғарбий Қизилқум ҳудудида тарқалган қумсичқонларининг табиий ўчоқ ҳудудини эпизоотологик баҳолаш ва профилактика чоралари комплексини такомиллаштириш мақсадида морфобиологик, экологик ҳусусиятларини ва эпидемиологик аҳамиятини ўрганишдан иборат.
III. Тадқиқотнинг илмий янгилиги:
Шимоли-Ғарбий Қизилқум ландшафт экологик туманларидаги кичик қумсичқонларининг тарқалиши, динамикаси ва озуқа моддаларининг структураси асосланган;
уч тур кичик қумсичқонининг экологияси ва ривожланиш цикллари очиб берилган;
эктопаразитлари - бургаларнинг турли ойлаларга мансуб ва ҳужаинларининг миқдор динамикасига мос турларнинг экологияси асосида эпизоотик жараёндаги рўли аниқланган;
эпизоотологик ва эпидемиологик аҳамияти очиб берилган;
Шимоли-Ғарбий Қизилқум ҳудудларида ўлат касаллигининг олдини олиш бўйича қарши кураш чора-тадбирлари такомиллаштирилган.
IV. Тадқиқот натижаларининг жорий қилиниши: 
Шимоли-Ғарбий Қизилқум ҳудудида кичик қумсичқонларининг (Meriones meridianus, Meriones libycus, Meriones tamariscinus) экологияси ва уларнинг эпизоотологик-эпидемиологик аҳамияти юзасидан олинган илмий натижалар асосида:
Қорақалпоғистоннинг Шимоли-Ғарбий Қизилқуми ҳудудида тарқалган кемирувчилар турқумига мансуб кичик қумсичқонларининг Қизилқум ўлат ўчоғида эпизоотологик, эпидемиологик аҳамияти ва хусусиятлари бўйича ишлаб чиқилган тавсиялар Ўзбекистон Республикаси Ветеринария ва чорвачиликни ривожлантириш қўмитасига жорий этилган (Ўзбекистон Республикаси Ветеринария ва чорвачиликни ривожлантириш қумитасининг 2021 йил 25 октябрдаги 33/04-514-сон маълумотномаси). Натижада, ўлат касалликлари билан зарарланишининг олдини олиш ва иқтисодий самарадорликка эришиш имконини берган;
Шимоли-Ғарбий Қизилқум ҳудудида ўлат касаллигининг олдини олиш ва профилактик чора-тадбирлар бўйича ишлаб чиқилган тавсиялар Қорақалпоғистон Республикаси Соғлиқни сақлаш вазирлиги амалиётига жорий этилган (Қорақалпоғистон Республикаси Соғлиқни сақлаш вазирлигининг 2021 йил 5 ноябрдаги 01/7077-сон маълумотномаси). Натижада, Шимоли-Ғарбий Қизилқум ҳудудида тарқалган кемирувчилар туркумига мансуб кичик қумсичқонларининг популяциялар сонини бошқариш ва жиддий зарар келтирувчи турларига қарши кураш чораларини ишлаб чиқиш имконини берган.