Фатхуллаева Зилола Мамиржоновнанинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ауминзатау-Белтау маъданли майдонда олтин намоёнларини геологик-структуравий позицияларининг шаклланишида геодинамик шароит», 04.00.03 – Геотектоника ва геодинамика. Петрология ва литология (геология-минералогия фанлари).
Диссертация мавзуси рўйхатга олинган рақам: B2021.2.PhD/GM94.
Илмий раҳбар: Турапов Мирали Камалович, геология-минералогия фанлари доктори, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса (муассасалар) номи, ИК рақами: Геология ва геофизика институти, DSc.24/30.10.2020.GM.125.01.
Расмий оппонентлар: Ахунджанов Рахмаджон, геология-минералогия фанлари доктори, катта илмий ходим; Жўраев Мехрож Нуриллаевич, геология-минералогия фанлари бўйича фалсафа доктори (PhD).
Етакчи ташкилот: “Регионалгеология” ДУК.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ауминзатау-Белтау маъданли майдонида олтин маъданлашиш намоёнларини аниқлаш ва геологик-структуравий позициялар ажратишдан иборат.
III. Тадқиқотнинг илмий янгилиги:
Ауминзатау-Белтау маъдан майдонидаги олтин маъданли намоёнларнинг шаклланиши ер ёриқларининг қулай структуравий позициялар ҳосил қиладиган участкаларда ҳосил бўлиши аниқланган;
ер ёриқларнинг шаклланиши фаол геодинамик режим даври ва маъдан қамровчи жинсларнинг мавжудлиги билан боғлиқ эканлиги асосланган;
маъдан майдонидаги барча олтин намоёнларини назорат қилувчи 7 та қулай геологик-структуравий позициялар ажратилган;
структуравий позицияларнинг шаклланиши ва уларнинг маъданлашуви тектоник фаолликка боғлиқлиги асосланган.
IV. Тадқиқот натижаларининг жорий қилиниши: 
Ауминзатау-Белтау тоғларидаги олтин маъданли конларнинг шаклланиш шарт-шароитларини аниқлаш бўйича олинган илмий натижалар асосида: 
Ауминзатау-Белтауда ажратилган структуравий позициялар бўйича хулосалар “Регионалгеология” ДУКда амалиётга жорий қилинган (Ўзбекистон Республикаси Давлат геология ва минерал ресурслар қўмитасининг 2021 йил 27 июлдаги 03/27-сон маълумотномаси). Натижада, ҳудудда геологик-излаш ишларини олиб боришда ва маъданли минераллашиш жойлашишини назорат қилувчи узилмали структураларни аниқлаш имконини берган; 
Ауминзатау ва Белтау тоғлари бўйича ишлаб чиқилган излаш-башорат қилиш мезонлари “Регионалгеология” ДУКда амалиётга жорий қилинган (Ўзбекистон Республикаси Давлат геология ва минерал ресурслар қўмитасининг 2021 йил 27 июлдаги 03/27-сон маълумотномаси). Натижада, ёпиқ ҳудудларда, уларнинг чеккаларида олтинга истиқболли бўлган янги участкаларни ажратиш имконини берган; 
Ауминзатау ва Белтау тоғларидаги истиқболли участкаларнинг геологик ва структуравий хусусиятлари тўғрисидаги янги маълумотлар “Регионалгеология” ДУКда амалиётга жорий қилинган (Ўзбекистон Республикаси Давлат геология ва минерал ресурслар қўмитасининг 2021 йил 27 июлдаги 03/27-сон маълумотномаси). Натижада, Шарқий Ауминзатау ва Бельтауда олтин маъданлашувига истиқболли майдонларни аниқлаш имконини берган.