Ибрагимов Абдумалик Азизовичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Бис-азо-тимолилокарбаматларнинг ҳосилалари технологиясини ишлаб чиқиш ва уларнинг бўёвчилик хоссаларини ўрганиш», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2017.3.PhD/T386.
Илмий раҳбар: Махсумов Абдухамид Гафурович, кимё фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Тешабаева Элмира Убайдуллаевна, техника фанлари доктори, доцент; Мирхамитова Дилором Худайбердиевна, кимё фанлари доктори, профессор.
Етакчи ташкилот: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: бис- фенил-азо-тимолил-карбамат ҳосилаларини олиш технологиясини ишлаб чиқишдан иборат.
III. Тадқиқотнинг илмий янгилиги:
диметилформамид, триэтиламин муҳитидаги  фенил-азо-тимоллар билан алмаштирилган алифатик диизоцианат асосида 98% гача юқори чиқиш билан  N,N′-полиметилен бис-[(х-фенил-азо-тимолил)-карбамат] олиш усули ишлаб чиқилган;
бис-карбомоиллаш реакциялари асосида 2-метилфенил-азо-тимол, 2-хлорфенил-азо-тимол ва 4-нитрофенил-азо-тимол олинган;
N, N′-полиметилен бис-[(х-фенил-азо-тимолил)-карбамат] ҳосил қилиш механизмининг тахминий назарий концепцияси ишлаб чиқилган; 
олинган N,N′-диметаллаш, N,N′-диалкиллаш бирикмаларнинг кимёвий хоссалари аниқланган;
бис - [(х-фенил-азо-тимолил)-карбамат]нинг N-Н гуруҳлари реакцион марказлари СН3ОNa, (С2H5ONa), CH3CH(J)CH3, C2H5J билан реакцияга киришиши ва N,N′-динатрий; N,N′-диэтил-, N,N′-диизопропил ҳосилалар ҳосил бўлиши исботланган;
субстратлар ва реагентлар тузилиши,  эритувчиларнинг табиати, ўзаро таъсирнинг  ҳарорати ва вақтнинг  реакция йўналиши ва реакция натижасида олинган маҳсулотнинг ҳосил бўлишига таъсири аниқланган;
илк бор бис-фенил-азо-тимолил-карбаматлар ҳосилаларини қолдиқсиз олиш технологияси ишлаб чиқилган. 
IV. Тадқиқот натижаларининг жорий қилиниши:
Бис- фенил-азо-тимолил-карбамат ҳосилаларини олиш технологиясини ишлаб чиқиш бўйича олинган илмий натижалар асосида:
антиоксидант хоссасига эга бўлган олигомер стабилизаторни олиш усулига Ўзбекистон Республикаси Интеллектуал мулк агентлигининг ихтирога патенти олинган (№IAP 04208, 2006 й.). Натижада, антиоксидант хоссасига эга бўлган олигомер стабилизаторни ишлаб чиқариш имконини берган;
махаллий хоашёлар асосида N,N′-полиметилен бис-[(х-фенил-азо-тимолил)-карбамат] олиш технологик жараёни «Ўзкимёсаноат» АЖнинг «2022-2023 йилларда амалиётга жорий этиш бўйича истиқболли ишланмалар рўйхати»га киртилган («Ўзкимёсаноат» АЖнинг 2021 йил 23 июндаги 23-3-1171-сон маълумотномаси). Натижада, лок-бўёқ материаллари, полимерлар ва биологик фаол моддалар ишлаб чиқаришни хомашёсини махаллийлаштириш имконини беради;
N,N′-полиметилен бис-[(х-фенил-азо-тимолил)-карбамат] асосида лок-бўёқ материаллари, полимерлар ва биологик фаол моддалар олиш технологиялари «Ўзкимёсаноат» АЖнинг «2022-2023 йилларда амалиётга жорий этиш бўйича истиқболли ишланмалар рўйхати»га («Ўзкимёсаноат» АЖнинг 2021 йил 23 июндаги 23-3-1171-сон маълумотномаси). Натижада, лок-бўёқ материаллари, полимерлар ва биологик фаол моддалар ишлаб чиқаришни махаллийлаштириш ва тан нархини 50% камайтириш имконини беради.