Турсунова Дилрабо Кудратиллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):  “Болалар профилактик пойабзаллари конструкциясини такомиллаштириш”,  05.06.03 – «Тери, мўйна, пойабзал ва тери-галантерея буюмлари технологияси » (техника фанлари).
Диссертация мавзуси рўйхатга олинган рақам: B2021.3.PhD/T1187
Илмий раҳбар: Илхамова Малохат Уткуровна, техника фанлари фалсафа доктори, доцент.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар:  Нигматова Фатима Усмановна, техника фанлари доктори, профессор; Мусаев Сайфулло Сафоевич, техника фанлари номзоди, доцент.
Етакчи ташкилот: Наманган муҳандислик-технология институти.
Диссертация йўналиши: амалий аҳамиятга молик.
II. Тадқиқотнинг мақсади: болалар оёқ панжалари деформацияланишнинг олдини олиш учун профилактик пойабзал конструкциясини такомиллаштиришдан иборат.
III. Тадқиқотнинг илмий янгилиги қуйидагилардан иборат:
мактабгача ёшдаги болалар оёқ панжасининг антропометрик хусусиятларини ҳисобга олган ҳолда болалар профилактик поябзали такомиллаштирилган конструктияси ишлаб чиқилган, унинг товон қисми боғламининг бикирлиги қўлланилган материалларни ва тановорни йиғиш технологик параметрларини ўзгартириш орқали еришилган;
антропометрик тадқиқот маълумотлари асосида мактабгача ёшдаги болалар оёқ панжаларнинг ўлчамлари (узунлиги ва айланаси) ўртасидаги боғлиқлик асосланган;
ўтказилган антропометрик тадқиқотлар асосида профилактик қўйма патак боғлам деталларининг узунлиги, кенглиги, баландлиги жойлашиш каби конструктив параметрлари аниқланган ва болалар оёқ панжалари деформациясининг тарқалиши фоизларда аниқланган;
экспериментал тадқиқотлар асосида танаворни йиғишда пойабзал устки материаллар тўпламининг бикирлиги ўзгариши бириктирувчи ип  технологик параметрларга (чоклар йўналиш бурчаги, чоклар орасидаги масофа, ипларининг қалинлиги) боғланишлари ишлаб чиқилган.
IV. Тадқиқот натижаларининг жорий қилиниши: Профилактик хусусиятларга эга болалар пойабзали конструкциясини такомиллаштириш бўйича олинган натижалар асосида:
профилактик пойабзалларни янги конструкция асосида ишлаб чиқариш учун технологик регламент "NAFIS" МЧЖда жорий этилган ("ЎЗЧAРМСAНОAТ" уюшмасининг 2021 йил 8 ноябрдаги ФБ-7/2901-сонли маълумотнома). Натижада амалга оширилган ишланмаларнинг жорий этилиши болалар профилактик пойабзалларининг гигиеник ва қулай хусусиятларини яхшилаш, хамда бикир дастакга ишлатиладиган таглик чармни 47,6% камайтиришга имконият яратилган;
болалар профилактика пойабзалининг ишлаб чиқилган моделлари "SKOROXOD ZAKAZ SERVIS" МЧЖ ва "MONOMAX" МЧЖда жорий этилган ("ЎЗЧAРМСAНОAТ" уюшмасининг 2021 йил 8 ноябрдаги ФБ-7/2901-сонли маълумотнома). Натижада импорт ўрнини босувчи маҳсулотлардан фойдаланиш натижасида болалар оёқ патологияси хавфи камайган, профилактика хусусиятларига эга болалар пойабзали ассортименти кенгайтирилган; 
AutoCAD тизимида болалар пойабзалларини автоматлаштирилган серияли градация усули "SADIKOV OLIMJON NABIXO'JAEVICH" ХК да жорий этилган ("ЎЗЧAРМСAНОAТ" уюшмасининг 2021 йил 8 ноябрдаги ФБ-7/2901-сонли маълумотнома). Натижада болалар пойабзалини янги моделларни ишлаб чиқариш ва етказиб бериш муддатини 31% га қисқартириш имконини берган.