Рўзметов Фазлиддин Шарифбоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бетон ломидан олинган иккиламчи тўлдирувчилар асосидаги цементли бетоннинг структура хосил қилиши қонуниятлари ва технологияси», 05.09.05- “Қурилиш материаллари ва буюмлари”.
Диссертация мавзуси рўйхатга олинган рақам: В2021.3.PhD/Т2424
Илмий раҳбар: Махаматалиев Иркин Муминович, техника фанлари доктори, профессор.
Диссертация бажарилган муассаса номи: «Тошкент давлат транспорт университети».
Тошкент архитектура-қурилиш институти хузуридаги  DSc.26/30.12.2019.Т.11.01. рақамли илмий кенгаш. 
Расмий оппонентлар: техника фанлари доктори, профессор в.б. Касимов Ибрахим Иркинович ҳамда техника фанлари номзоди, профессор Газиев Учқун Абдуллаевич.
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади бино ва иншоотларнинг бузилишидан хосил бўлувчи бетон ломидан олинган иккиламчи тўлдирувчилар асосидаги турли самарали цементли бетонларнинг таркиби ва технологиясини ишлаб  чиқишдан иборат.
III. Тадқиқотнинг илмий янгилиги қуйидагилардан иборат:
иккиламчи тўлдирувчининг цементли бетонлар таркибида камайтирилган капилляр ғовакликли контакт зонасининг ва цемент тоши билан тўлдирувчи ўртасида юқори мустахкам бирикишнинг ҳосил бўлишига олиб келувчи гидравлик фаолликка эга бўлиши очиб берилган;
цементнинг оддий М400 маркаси учун иккиламчи тўлдирувчи асосида  мустахкамлик бўйича синфи В25 гача бўлган модификацияланган бетонлар олиш мумкинлиги  асослаб берилган;
илк бор цементнинг оддий М400 маркаси учун иккиламчи тўлдирувчи асосида мустахкамлик бўйича В35 синфига мансуб комплекс модификацияланган бетон олиш имконини берувчи юқори харакатчан бетон қоришмасининг таркиби ишлаб чиқилган;
махаллий хом ашё ва материаллардан фойдаланиб иккиламчи тўлдирувчи асосида мустахкамлиги 50 МПа га етувчи ўзи зичланувчи бетон кўринишидаги комплекс модификацияланган бетоннинг таркиби ишлаб чиқилган.
IV. Тадқиқот натижаларининг жорий қилиниши: Бетон ломидан олинган иккиламчи тўлдирувчилар асосидаги цементли бетоннинг структура хосил қилиши қонуниятлари ва технологиясини тадқиқот қилишдан  олинган илмий натижалар асосида:
иккиламчи чақиқ тош асосида ишлаб чиқариладиган бетон таркиблари “Toshkent Teknologik Qurilish” МЧЖ корхонасида амалиётга жорий қилинган. (Ўзбекистон Республикаси Қурилиш вазирлигининг 2021 йил 05/15-2910-сон маълумотномаси). Натижада махсулотнинг таннархини 10-15% га камайтириш имконияти яратилган. Олинадиган иқтисодий самара 1 м3 йиғма бетон учун 50,2 минг сўм, бир йилда эса 321,3 млн.  сўмни ташкил этган.