Мўминов Хуршидбек Адҳамжон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.  
Диссертация мавзуси, ихтисослик шифри (илмий даража бериладиган фан тармоғи номи): “Гидрогенизацияланган аморф яримўтказгичларни спектрал характеристикалари ва электрон ҳолатлари зичлигининг тақсимоти”, 01.04.10 – Яримўтказгичлар физикаси (физика-математика фанлари).
Диссертация мавзуси рўйхатга олинган рақам: B2019.2.PhD/FM378 
Илмий маслаҳатчи: Икрамов Рустамжон Ғуломжонович, физика-математика фанлари доктори, доцент.
Диссертация бажарилган муассаса номи: Наманган муҳандислик-технология институти
ИК фаолият кўрсатаётган муассаса номи, ИК рақами: Ўзбекистон Миллий университети ҳузуридаги Яримўтказгичлар физикаси ва микроэлектроника илмий-тадқиқот институти, DSc.03/30.12.2019.FM/Т.01.12
Расмий оппонентлар: Расулов Рустам Явкачович, физика-математика фанлари доктори, профессор; Эгамбердиев Бахром Эгамбердиевич, физика-математика фанлари доктори, профессор. 
Етакчи ташкилот: Андижон давлат университети
Диссертация йўналиши: назарий ва амалий аҳамиятга молик.
II. Тадқиқотнинг мақсади: Аморф яримўтказгичларнинг зоналараро ва экспоненциал ютилиш спектрларини аналитик ифодаси ва тажрибадан аниқланган қийматларидан фойдаланиб, уларни валент зонаси ва руҳсат этилган зоналарни думларидаги электрон ҳолатлари зичлиги тақсимотларини  аниқлашдан иборат.
III. Тадқиқотнинг илмий янгилиги қуйидагилардан иборат:
Урбах энергиясини температурага боғланишини аниқловчи янги аналитик ифода келтириб чиқарилган ва бу боғланиш чизиқли бўлиши кўрсатилган;
илк бор аморф яримўтказгичларни зоналараро ютилиш коэффициенти спектри учун ёзилган Кубо-Гринвуд формуласидан валент зонадаги электрон ҳолатлари зичлиги тақсимотини аналитик ифодаси келтириб чиқарилган;
аморф углеродни (a-C) тажрибалардан аниқланган зоналараро ютилиш спектри қийматларидан, бу материални валент зонасидаги электрон ҳолатлари зичлиги тақсимотини аниқланган;
илк бор аморф яримўтказгичларни экспоненциал ютилиш коэффициенти спектри учун ёзилган Кубо-Гринвуд формуласидан бу материални валент ва ўтказувчанлик зоналари думларидаги электрон ҳолатлари зичлигини тақсимотини аниқловчи ифодалар келтириб чиқарилган;
аморф селен-олтингугурт қаттиқ қоришмаси (a-Se0.5S0.5) учун тажрибадан аниқланган экспоненциал ютилиш спектрининг қийматларидан фойдаланиб, бу материални валент ва ўтказувчанлик зоналарининг думларидаги электрон ҳолатлари зичлиги тақсимоти аниқланган.
IV. Тадқиқот натижаларининг жорий қилиниши. Гидрогенизацияланган аморф яримўтказгичларни спектрал характеристикалари ва электрон ҳолатлари зичлигининг тақсимоти учун олинган натижалар асосида:
aморф яримўтказгичлар ҳос бўлган Урбах энергиясини температурага боғланиши ва валент зона, рухсат этилган зоналарни думларидаги электрон ҳолатлари зичлиги тақсимотларини ҳисоблашни янги усулларидан «Фотон» акциядорлик жамиятида аморф яримўтказгичли оптоэлектрон қурилмалар ишлаб чиқаришда фойдаланилган («Ўзэлтехсаноат» акциядорлик компаниясининг 2021 йил 23 ноябрдаги 04-3/2484 cон маълумотномаси). “Фотон” акционерлик жамиятида олиб борилган илмий изланишларда  кўрсатилган натижалар асосида намуналар ишлаб чиқилган, намуналарнинг фотоэлектрик параметрлари мавжуд норматив технологик жараёнларга мос келган.
гидрогенизацияланган аморф яримўтказгичларни спектрал характеристикалари ва электрон ҳолатлари зичлигини тақсимоти  натижалари 2019-2021 йилларга мўлжалланган AYP (F)-20/516-рақамли «The investigation of fotoelectrical properties of the Photodiodes for 1 -4 pm infrared region» лойиҳасида яримўтказгичли фотодиодларнинг паст инерцияли хоссаларини татқиқ қилишда фойдаланилган (Улудағ университети (Туркия) 2021/20/516-сон маълумотномаси). Илмий натижалардан фойдаланиш яримўтказгичли фотоўзгартиргичларнинг ишлаш тезлигини орттиришга имкон берган.