Хўжаев Фазлиддин Элмурадовичнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистон Республикаси экспортини ривожлантиришда логистик бошқарувни такомиллаштириш», 08.00.13 – «Менежмент» (иқтисодиёт фанлари).
Диссертация мавзуси рўйхатга олинган рақам: В2020.4.PhD/lgt1554.
Илмий раҳбар: Ҳамидов Обиджон Ҳафизович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Ўзбекистон Республикаси Президенти ҳузуридаги Давлат бошқаруви академияси қошидаги илмий даражалар берувчи DSc.20/13.05.2020.I.23.01.
Расмий оппонентлар: Насимов Дилмурод Абдуллаевич, иқтисодиёт фанлари доктори, профессор; Қосимова Наргиза Собитовна, иқтисодиёт фанлари номзоди, доцент.
Етакчи ташкилот: Давлат божхона қўмитаси божхона институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикаси экспортини ривожлантиришда логистик бошқарувни такомиллаштиришга қаратилган илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
темир йўл транспортида оддий ва махсус контейнерларда юк ташувлари фаолиятларини ўзаро мувофиқлаштириш орқали “Транспорт-логистик кластер” ларни ташкил этишни такомиллаштириш таклифи асосланган;
логистик компанияларни юк ташиш ҳажмини ва самарадорлигини ягона логистик тизимини жорий этиш орқали ошириш таклиф этилган;
логистик хизмат кўрсатувчи компаниялар бошқарув самарадорлигини оширишда компаниянинг фаолият йўналишларини техник ва иқтисодий жиҳатдан 1PL-2PL даражасида ихтисослаштириш таклиф этилган;
Бухоро вилоятининг озиқ-овқат ва қишлоқ хўжалиги маҳсулотлари экспортини ривожлантиришда “Транспорт-логистик кластер”ларни ташкил этиш ҳамда ягона автоматлаштирилган ахборот (ЯААТ) тизимига интеграция қилишда логистик хизмат кўрсатиш даражасини оширишнинг 2025 йилгача прогноз кўрсаткичлари ишлаб чиқилган. 
IV. Тадқиқот натижаларининг жорий қилиниши. 
Ўзбекистон Республикаси экспортини ривожлантиришда логистик бошқарувни такомиллаштириш бўйича олинган илмий натижалар асосида:
темир йўл транспортида оддий ва махсус контейнерларда юк ташувлари фаолиятларини ўзаро мувофиқлаштириш орқали “Транспорт-логистик кластер” ларни ташкил этишни такомиллаштириш таклифи асосланган таклифи «Ўзбекистон темир йўллари» АЖ нинг  фаолиятини ривожлантириш дастурига киритилган («Ўзбекистон темир йўллари» АЖ томонидан 2020 йил 27 июлда 04/2881-20-сон маълумотнома). Натижада «Йўлрефтранс» АЖ да 1,6 фоизга, «Ўзтемирйўлконтейнер» АЖ да эса 1,7 фоиз самарадорликка эришилган;. 
логистик компанияларни юк ташиш ҳажмини ва самарадорлигини ягона логистик тизимини жорий этиш орқали ошириш таклиф «Ўзбекистон темир йўллари» АЖ нинг фаолиятини 2020-2030 йилгача ривожлантиришнинг стратегик режасига киритилган («Ўзбекистон темир йўллари» АЖ томонидан 2020 йил 27 июлда 04/2881-20-сон маълумотнома). Натижада «Йўлрефтранс» АЖ экспорти 1,2 фоизга, «Ўзтемирйўлконтейнер» АЖ нинг товарлар экспорти ҳажми 1,8 фоизга ошишига эришилган; 
логистик хизмат кўрсатувчи компаниялар бошқарув самарадорлигини оширишда компаниянинг фаолият йўналишларини техник ва иқтисодий жиҳатдан 1PL-2PL даражасида ихтисослаштириш таклифи «Ўзбекистон темир йўллари» АЖ нинг  фаолиятини 2020-2030 йилгача ривожлантиришнинг стратегик режасига киритилган («Ўзбекистон темир йўллари» АЖ томонидан 2020 йил 27 июлда 04/2881-20-сон маълумотнома). Натижада «Йўлрефтранс» АЖда маҳсулотлар етказиб бериш учун қилинган ўзгарувчан харажатларни тежаш ҳисобига экспорт ҳажми 1,7 фоизга ва «Ўзтемирйўлконтейнер» АЖда 2.2 фоизга ошишига эришилган; 
Бухоро вилоятининг озиқ-овқат ва қишлоқ хўжалиги маҳсулотлари экспортини ривожлантиришда “Транспорт-логистик кластер”ларни ташкил этиш ҳамда ягона автоматлаштирилган ахборот (ЯААТ) тизимига интеграция қилишда логистик хизмат кўрсатиш даражасини оширишнинг 2025 йилгача прогноз кўрсаткичлари Бухоро вилоятининг ижтимоий иқтисодий ривожлантиришнинг 2020-2030 йилга мўлжалланган давлат дастурига киритилган (Ўзбекистон Республикаси қишлоқ хўжалиги вазирлигининг 2020 йил 15 октябрдаги 05/Т-8-3303-сон маълумотномаси). Натижада вилоятнинг қишлоқ хўжалиги маҳсулотлари экспорти 2.4 фоиз ошишига эришилган.