Тўйчиева Маҳлиё Обидхон қизининг
фалсафа доктори (PhD) диссертация ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Электрокерамика композицион материалларининг самарали таркиби ва уларни энергия-ресурстежамкор олиш технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: B2021.4.PhD/T2445.
Илмий раҳбар: Туляганова Васила Сунатиллаевна, техника фанлари доктори, катта илмий ходим.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Талипов Ниғматилла Хамидович, техника фанлари доктори; Бекжанова Гулрух Бахтияровна, техника фанлари доктори.
Етакчи ташкилот: Гулистон давлат унверситети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: электрокерамика композицион материалларининг самарали таркиби ва уларни энергия-ресурстежамкор олиш технологиясини ишлаб чиқишдан иборат.
III. Тадқиқотнинг илмий янгилиги:
Қоракалпоқ талькининг кимёвий-минералогик таркиби ва уни куйдиришда содир бўладиган фаза ўзгаришларининг механизми ҳамда пишириш жараёнида протоэнстатит-стеатит ҳосил бўлиши аниқланган;
Каттақўрғон бентонитини физик-кимёвий ва технологик хоссалари ҳамда бентонитни қиздирилгандаги фаза ҳосил бўлиш жараёни аниқланган;
физик-кимёвий ва технологик хоссалари яхшиланган паст ҳароратда пишадиган стеатитли электрокерамика композициянинг оптимал таркиби ишлаб чиқилган;
стеатитли электрокерамика композицияси таркибида микроструктураси шаклланишининг ўзига хослиги ва фаза таркиби аниқланган;
шишасимон фазанинг стеатитли электрокерамик композициясининг диэлектрик хоссаларига таъсир механизми ишлаб чиқилган;
стеатитли композицион электрокерамика материалларини ишлаб чиқариш технологияси ва технологик регламенти ишлаб чиқилган.
IV. Тадқиқот натижаларининг жорий қилиниши:
Электрокерамика композицион материалларининг самарали таркиби ва уларни энергия-ресурстежамкор олиш технологиясини ишлаб чиқиш бўйича илмий натижалар асосида:
ишлаб чиқилган магнезиал-стеатитли композицион электрокерамик материалларнинг самарали таркиблари «Олмалиқ КМК» АЖ «НМваҚҚ» ИИЧБда амалиётга жорий этилган («Олмалиқ КМК» АЖнинг 2021 йил 24 ноябрдаги ҲА-009605-сон маълумотномаси). Натижада, электрокерамика материаллари бўйича саноатнинг хом-ашё базасини кенгайтириш имконини берган;
магнезиал-стеатитли композицион электрокерамик материаллар ишлаб чиқариш учун энергия тежайдиган самарали технологияси «Олмалиқ КМК» АЖ «НМваҚҚ» ИИЧБда амалиётга жорий этилган («Олмалиқ КМК» АЖнинг 2021 йил 24 ноябрдаги ҲА-009605-сон маълумотномаси). Натижада, физик-механик ва электроизоляцион ҳусусиятлари яхшиланган электрокерамика маҳсулотларини олиш ҳамда «Олмалиқ КМК» АЖнинг иқтисодий самарадорлигини ошириш имконини берган.
